9 თე­ბერ­ვალს სავ­სემ­თვა­რე­ო­ბაა, 23 თე­ბერ­ვალს - ახალმთვა­რე­ო­ბა - რა უნდა იცოდნენ ზოდიაქოს ნიშნებმა

იანვრის დაბენელებისა და პლანეტებს შორის დაძაბული ასპექტების შემდეგ, თებერვალი ამოსუნთქვის საშუალებას მოგვცემს, თუმცა, სატურნისა და პლუტონის შეერთება მაინც აქტუალურია. პლანეტარულმა ენერგიებმა, რომლებმაც წლის ბოლოს დაიწყეს ამოქმედება, საერთაშორისო, გლობალურ და ზოგიერთ შემთხვევაში, პირად ურთიერთობებზეც იქონიეს გავლენა. ზოგიერთ შემთხვევაში გამოვლინდა კლიმატური ცვლილება, ზოგიერთში - სტიქიური უბედურება. თებერვალი გვაძლევს ახალ ენერგიებთან ადაპტირების საშუალებას. გარდა ამისა, სასიხარული დღე წელს ერთით მეტი გვექნება, აქვე დაბადების დღეს გილოცავთ ყველას, ვინც 29 თებერვალს დაიბადეთ.

თებერვალი საშუალებას მოგვცემს განვავითაროთ პროეტები, ამოვხსნათ დავალებები, რომლებიც ცოტა ხნის წინ ჩიხში შევიდა. უნდა ვიმოქმედოთ ფრთხილად და ნაბიჯ-ნაბიჯ. მთავარს უნდა დავუქვემდებაროთ მეორეხარისხოვანი და ა.შ. თვის პირველი დეკადა კარგი პერიოდია სიახლეებისა და წამოწყებებისთვის. დანარჩენი ორი - გვაძლევს განვითარებისა და უკვე დაწყებული პროექტების განვითარების შესაძლებლობას.

თებერვალში ინტუიცია და ლოგიკა ერთმანეთთან უნდა დავამეგობროთ. იდეები რეალობას არ უნდა იყოს მოწყვეტილი. უპირატესობა უნდა მივანიჭოთ იმ საქმეებს, რომელიც მართლაც მნიშვნელოვანია ჩვენთვის. იყავით პრაგმატულები, გააზრებულები, ნებისმიერი საქმე, პროექტი თუ დავალება დეტალურად უნდა გქონდეთ გააზრებული და გათვლილი.

• 3 თებერვალი - პლანეტა მერკური თევზების ზოდიაქოში გადადის. ამ პერიოდიდან მეტი ყურადღება უნდა მიაქციოთ თქვენს გრძნობებსა და ასოციაციებს, კავშირებს, მიმოსვლებს, საქმეებს.
• 16 თებერვალი - პლანეტა მარსი გადადის თხის რქის ზოდიაქოში. ხოლო 16 თებერვალი - პლანეტა მერკური რეტროგრადული (უკანმავალი ხდება). მარსი მოგვიწოდებს ვიყოთ მეტად ამბიციურები, დავსახოთ სტრატეგიული მიზნები და გადაწყვეტილებებიც შეუპოვრად მივიღოთ. მაგრამ ამავე დროს უნდა გვახსოვდეს, რომ მერკურის რეტრო მდგომარეობა ხშირად წარმოქმნის ინფორმაციულ უზუსტობებს, შეცდომებს. ადამიანს უჭირთ სწორი გადაწყვეტილების მიღება, სიტუაციებში გარკვევა. სასურველია, ამ პერიოდში ენერგია ტყუილად არ ვხარჯოთ და იგი მხოლოდ პრაქტიკული მიზნებისთვის გამოვიყენოთ. ეს სასურველი პერიოდი არაა ბლიც პროექტებისთვის, აგრეთვე ისეთი საქმეების შესრულებისთვის, რაც სისწრაფესა და მომენტალურ მოგებაზე იქნება გათვლილი.
• მერკური რეტროგრადული (უკანმავალი) იქნება 10 მარტამდე. მაგრამ უკვე 13 თებერვლიდან შეაფერხებს სვლას, ამიტომ, ამ პერიოდში უფრო ზუსტად კი 12 თებერვლიდან მოერიდეთ ახალი საქმეების დაწყებას. უკვე დაწყებული საქმეები და ჩანაფიქრები უნდა გადაიხედოს. შეიძლება საჭირო გახდეს კორექტივების შეტანა. თუ ზუსტად ამ პერიოდში გიწევთ მნიშვნელოვანი გადაწყვეტილების მიღება, ეცადეთ, იყოთ მაქსიმალურად დაკვირვებული, გეგმები ისე შეადგინოთ, რომ მოგვიანებით მათში კორექტივების შეტანა შეგეძლოთ. არ გააფორმოთ ხელშეკრულებები, არასასურველი დროა საქმიანი გასაუბრებისთვის და ახალი სამსახურის დასაწყებად, აგრეთვე, ავტომობილის, ელექტროტექნიკის შესაძენად. უმჯობესია, ეს დრო დაწყებული და მიტოვებული საქმეების დასრულებას დაუთმოთ, შეეხმიანოთ ძველ მეგობრებს, ახალი ადამიანების დამეგობრებისგან კი თავი უნდა შეიკაოთ.

ყურადღება უნდა მიაქციოთ თებერვლის ორ უმნიშვნელოვანს მოვლენას - ახალმთვარეობასა და სავსემთვარეობას. სავსემთვარეოაბს ველით 9 თებერვალს - ლომის 20 გრადუსში. ამ დღეს შეგიძლიათ გათავისუფლდეთ იმისგან, რაც დაძაბულობას გიქმნიდათ ადრე. მოიხსნათ შინაგანი ბორკილები და თავს მეტად მისცეთ შემოქმედებითი იდეების განხორცილების საშუალება ან თავად გახდეთ მეტად შემოქმედებითი. ეს ის პერიოდია, როცა ლიდერები თამამად გამოავლენენ თავიანთ შესაძლებლობებს, თავას დაგვამახსოვრებენ თამამი განცხადებებით და თავიანთ სიტყვას იტყვიან. სავსემთვარეობასთან მიახლოებისას კარგია პიარ აქციების მოწყობა, თამამი ნაბიჯების გადადგმა და მოქმედების პროგრამის პრეზენტაცია. წაიკითხეთ სრულად