6
მაისიდღის ზოგადი ასტროლოგიური პროგნოზი
კრაფტ ლუდი მთელ მსოფლიოში სულ უფრო პოპულარული ხდება თავისი უნიკალური შემადგენლობის, დამზადების ტექნოლოგიისა და მრავალფეროვანი არომატის გამო.
კრაფტ ლუდის წარმოებას საქართველოში არც ისე დიდი ისტორია აქვს. ალბათ, სწორედ იმიტომ, რომ დიდი ხნის განმავლობაში არც ვიცოდით, რას ნიშნავდა „კრაფტ ლუდი“. რამდენიმე წლის წინ საქართველოში პირველად გამოჩნდა უნიკალური თვისებებით გამორჩეული, რამდენიმე სახეობის კრაფტ ლუდი, რომელმაც ქართველი მომხმარებლის ინტერესი მალევე დაიმსახურა და მასზე მოთხოვნაც გაჩნდა ჩვენი წყალობით.
2017 წელს კი სწორედ კრაფტ ლუდის პირველი მწარმოებლების მიერ 6 მილიონამდე ინვესტიცია განხორციელდა და საქართველოში პირველი კრაფტ ლუდის სამხარშაო-სამზარეულო „2 ტონა“ გაიხსნა.
ლუდსახარში-რესტორანი „2 ტონა“ დედაქალაქის გარეუბანში, ვარკეთილის ტერიტორიაზე მდებარეობს. ადგილმდებარეობა ბიზნეს კონცეფციიდან გამომდინარე სტრატეგიულად და მიზანმიმართულად იქნა შერჩეული.
პროექტის წარმატებულობიდან გამომდინარე, 2019 წელს კომპანიამ გლდანი-მუხიანის ტერიტორიაზე კიდევ ერთი „2 ტონა“ დაარსა, რომელშიც შედარებით დიდი მოცულობის ლუდსახარში დანადგარებია განთავსებული.
სამხარშაო-სამზარეულოს კონცეფცია მოკლედ ასე შეიძლება ჩამოყალიბდეს: კრეატიულობა ყოველ წვეთში. მართლაც, კრაფტ ლუდი არ არის უბრალო სასმელი, რომელსაც ნებისმიერი მარკეტის მაცივრიდან გამოიღებთ და მიირთმევთ. ლუდის ხარშვა გააზრებულია, როგორც ხელოვნება, თავად ლუდი კი შედევრი. მომზადების სტილი და რეცეპტები ყოველთვის ორიგინალურია და ლუდის მხარშველის ინტერესებსა თუ გემოვნებაზეა დამოკიდებული.
2 Tons
რაც ყველაზე მნიშვნელოვანია, მთელი ეს პროცესი - ლუდის დამზადების პირველივე წამიდან მის კათხაში ჩამოსხმამდე - სტუმრის თვალწინ ხდება, რაც კიდევ უფრო მეტ ინტერესსა და სურვილს აღძრავს კრაფტ ლუდისადმი.
კრაფტლუდის დამზადების ვიდეო
კრაფტ ლუდის გამორჩეულობას რამდენიმე ფაქტორი განაპირობებს:
- ხარშვისას გამოიყენება ნატურალური, პრემიუმ კლასის ნედლეული, მიუხედავად მათი რაოდენობისა და ღირებულებისა;
- კრაფტ ლუდი ტექნოლოგების ხელით, შეზღუდული რაოდენობით იწარმოება;
- კრაფტ ლუდებს პასტერიზაცია არ უკეთდებათ. პასტერიზაცია და ზედმეტად გაფილტრვა კი სასმელს ნამდვილ არომატს უკარგავს.
- მეინსტრიმ ლუდისგან განსხვავებით, კრაფტ ლუდის თითოეული სახეობა სხვადასხვა ფერის (რაც ხარშვის პროცესზეა დამოკიდებული), გემოსა და არომატისაა; მისი ქაფი სქელი, გემრიელი და უფრო მდგრადია.
როგორც აღვნიშნეთ, კრაფტ ლუდის მომზადების სტილი და რეცეპტები ყოველთვის ორიგინალურია. შესაბამისად, უამრავი სახეობის კრაფტ ლუდის შექმნაა შესაძლებელი.
სამხარშაო-რესტორანი „2 ტონა“ სტუმრებს 12 სახეობის კრაფტლუდს სთავაზობს. მათ შორის არის სეზონური კრაფტ ლუდებიც (ჟოლოს, მარწყვის), რომლებიც განსაკუთრებით დიდ ინტერესს იწვევს ლუდის მოყვარულებში. ყველაზე დიდი პოპულარობით კი სარგებლობს ქერი, ჰელესი, ვენური ლაგერი და რაღა თქმა უნდა თაფლის ელი.
2 Tons
კრაფტ ლუდის უნიკალურობის ერთ-ერთი ნიშანია ისიც, რომ თავისი ინგრედიენტებისა და განსხვავებული მომზადების ტექნოლოგიის დამსახურებით, ყველა საკვებს იდეალურად ეხამება.
ლუდსახარშ-რესტორან „2 ტონას“ თანამშრომლები სტუმრებს არჩევანის გაკეთებაში ეხმარებიან, თუ რომელი სახეობის კრაფტ ლუდი მოუხდება ამა თუ იმ კერძს, რათა მისი არომატები მაქსიმალურად კარგად შეიგრძნოს მომხმარებელმა.
ლუდსახარშ-რესტორანი „2 ტონა“ ხარისხსა და გემოვნურ თვისებებზე არის ორიენტირებული, რასაც მუდმივი მონიტორინგი და მომხმარებლის აზრის გათვალისწინება უზრულველყოფს. მაღალი ხარისხი და საშუალო ფასები „2 ტონას“ ბიზნესპოლიტიკის ერთ-ერთი მთავარი განმსაზღვრელია.
R
