სუპერმარკეტების ქსელი "მაგნიტის" კიდევ ერთი სიურპრიზი მომხმარებლებს

სუპერმარკეტების ქსელი „მაგნიტი“ ახალ წამახალისებელ გათამაშებას იწყებს. ნებისმიერ მომხმარებელს, რომელიც „მაგნიტის“ ქსელის მაღაზიებს ესტუმრება, ყოველ დახარჯულ 10 ლარზე გათამაშების თითო ბილეთი გადაეცემა.

ბილეთების გაცემა 25 იანვარს, დილის 8 საათიდან დაიწყება და 30 აპრილის ჩათვლით გაგრძელდება. ამ პერიოდის განმავლობაში, სუპერმარკეტების ქსელ „მაგნიტის“ ყველა მომხმარებელს ეძლევა გამარჯვების შანსი. თითოეულ ბილეთზე დატანილია გადასაფხეკი სივრცე. საფარის გადაფხეკის შემდეგ, მომხმარებელი ან მომენტალური პრიზის დასახელებას ამოიკითხავს, ან მთავარი პრიზის, ოროთახიანი ბინის მოგების შანსს პოულობს.

წამახალისებელ გათამაშებაში ჯამში 8 000-ზე მეტი პრიზი თამაშდება, მათ შორის, 20 სმარტფონი, 20 ლეპტოპი, 20 ტელევიზორი, 20 ველოსიპედი, ასევე ბრენიდრებული საჩუქრები: საათები, ბურთები, ჭიქები და ჩანთები. რაც შეეხება მთავარ პრიზს, ოროთახიან ბინას თბილისში, ამ პრიზს „მაგნიტის“ მომხმარებელი იმ შემთხვევაში მიიღებს, თუკი ბილეთებზე საფარის ქვეშ დამალულ ოთხ ასოს შეაგროვებს - „ბ ი ნ ა“. სწორედ სრული სიტყვის წარდგენის შემთხვევაში, მომხმარებელი ხდება სუპერ პრიზის მფლობელი.

სუპერმარკეტების ქსელ „მაგნიტის“ გენერალური დირექტორის მოადგილე ია ნადირაშვილი:

"გათამაშების წესები ძალიან მარტივია. როდესაც მომხმარებელი სუპერმარკეტების ქსელ „მაგნიტში“ აკეთებს შენაძენს, ყოველ დახარჯულ ათ ლარზე იღებს მომენტალური გათამაშების თითო ბილეთს. მან უნდა გადაფხიკოს ბილეთზე დატანილი საფარი და აღმოაჩენს ან მომენტალურ პრიზს, ან ბინის მოგების შანსს. აუცილებელია, რომ მომხმარებელმა ყველა ბილეთი შეინახოს და შეაგროვოს ოთხი ასოსგან შემდგარი სიტყვა „ბინა“.

ასეთ შემთხვევაში, ის იგებს სუპერ პრიზს. მომხმარებელს არ აქვს არანაირი შეზღუდვა. მას შეუძლია შეიძინოს ნებისმიერი ტიპის პროდუქტი, გადახდის ნებისმიერი პრინციპით და მიიღებს გათამაშების ბილეთს".

მომგებიანი ბილეთის მფლობელი საჩუქარს სუპერმარკეტების ქსელ „მაგნიტის“ ნებისმიერ ფილიალში მიიღებს. აუცილებელია, მოგებიდან 30 დღის განმავლობაში მომგებიანი ბილეთისა და პირადობის მოწმობის წარდგენა. სწორედ ამის შემდეგ, არაუგვიანეს 6 დღის განმავლობაში გამარჯვებულს პრიზი გადაეცემა.

ეს არ არის სუპერმარკეტების ქსელ „მაგნიტის“ პირველი წამახალისებელი გათამაშება. კომპანიამ გასულ წელს დოლურას პრინციპით გამოავლინა ხუთი გამარჯვებული და მათ განსაკუთრებული პრიზებიც გადასცა. „მაგნიტი“ მომხმარებელს სიურპრიზებსა და საჩუქრებს მომავალშიც ჰპირდება.

სუპერმარკეტების ქსელი ''მაგნიტი'' 2015 წლიდან ფუნქციონირებს. „მაგნიტი“ პირველი კომპანიაა, რომელმაც ძირითადი აქცენტი ქსელის რეგიონში განვითარებაზე გააკეთა. ამ დროის მონაცემებით, საქართველოს მასშტაბით „მაგნიტს“ 200-ზე მეტი ფილიალი აქვს და 4000-მდე თანამშრომელი ჰყავს დასაქმებული.

R