მნიშვნელოვანი ინფორმაცია
3
ივლისიდღის ზოგადი ასტროლოგიური პროგნოზი
ხუთშაბათი, მთვარის მეცხრე დღე დაიწყება 14:46-ზე, მთვარე სასწორშია – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. კარგი დღეა მარხვისთვის. საკვები უნდა იყოს მარტივი და მსუბუქი. არ მიირთვათ ხელოვნური პროდუქტები, ნამცხვრები, სოკო და ხორცი. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება. პრეზენტაციებსა და გასართობ ღონისძიებებზე დასწრება. ხელშეკრულებების გაფორმება. საბუთების შედგენა. ეს დღე ყველაზე არახელსაყრელია ქორწინებისა და საქორწილო ღონისძიებებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ლაიდენის უნივერსიტეტი საქართველოში ინიცირებულ სადოქტორო პროგრამას ხელოვნურ ინტელექტში სრულ მხარდაჭერას უცხადებს
15:03 / 18-01-2020
სადოქტორო პროგრამა ხელოვნური ინტელექტის მიმართულებით რეგიონში პირველად, საქართველოში განხორციელდება. ბიზნესისა და ტექნოლოგიების უნივერსიტეტის მიერ, ჰოლანდიაში განხორციელებული ვიზიტისას, მიღწეულ იქნა შეთანხმება ლაიდენის უნივერსიტეტთან, რომელიც ევროპის 100 მოწინავე კვლევით დაწესებულებას წარმოადგენს.
შეთანხმების საფუძველზე, სადოქტორო პროგრამა ხელოვნურ ინტელექტში BTU-ს ბაზაზე შეიქმნება და გაზიარებული იქნება ევროპის საუკეთესო კვლევითი გამოცდილება ამ მიმართულებით. ლაიდენის უნივერსიტეტი მე-16 საუკუნეში დაფუძნებული საგანმანათლებლო და კვლევითი ერთეულია, რომელიც მოწინავეა ამ დარგში ინტერდისციპლინარული კვლევების წარმოებით.
ლაიდენის ციფრული ტექნოლოგიების და სამართლის ცენტრის ხელმძღვანელის, პროფესორ ბართ ქასთერსის განცხადებით, - “გვაქვს მაღალი ინტერესი ჩავერთოთ არა მხოლოდ აღნიშნული პროგრამის განხორციელებაში და დოქტორანტების გაცვლით პროგრამებში, არამედ გავაფართოვოთ თანამშრომლობის არეალი და შევქმნათ ერთიანი საბჭო, რომელიც BTU-ს დაეხმარება აღნიშნული სფეროს ქვეყანაში განვითარებაში.”
ახალი სადოქტორო პროგრამის მიზანი იქნება ხელოვნური ინტელექტის გარშემო ლეგალური, ეთიკური, უსაფრთხოების და სოციალური საკითხების კვლევა, რომელიც მნიშვნელოვანია ქვეყანაში ამ დარგის განვითარებისთვის და ეროვნული სტრატეგიული დოკუმენტის შემუშავებისთვის. ხელოვნური ინტელექტის, როგორც ინსტრუმენტის გამოყენება დანაშაულის პრევენციისთვის, კიბერუსუსაფრთხოების უზრუნველყოფისთვის, სხვა ეთიკური და ლეგალური საკითხების ხარისხის გაუმჯობესების მიზნით, ის მიმართულებებია, რომელიც სადოქტორო პროგრამის ფარგლებში წარმოებული კვლევების შედეგად იქნება დანერგილი ან/და გაუმჯობესებული საქართველოში. ლაიდენის ინტერდიციპლინარული სამართლის დეპარტამენტის ხელმძღვანელის, პროფესორ სიმონ ვან დერ ჰოფის განცხადებით, - “BTU ჩვენს მნიშვნელოვან პარტნიორებს შორისაა. ხელოვნური ინტელექტის ინტეგრირება სხვადასხვა სექტორში სწორედ სამეცნიერო კვლევებით უნდა დაიწყოს და მივესალმებით ამ ინოვაციურ მიდგომას ინტერდისციპლინარული კვლევების განხორციელების მიმართულებით.”
სადოქტორო პროგრამაზე მიღება 2021 წელს, ბიზნესისა და ტექნოლოგიების უნივერსიტეტში გამოცხადდება.
(R)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
თურქეთში ტყის ხანძარს ებრძვიან - ჰათაის პროვინციაში ხანძარი დასახლებულ პუნქტებს მიუახლოვდა, აღნიშნულის გამო კი მოსახლეობის ევაკუაცია განხორციელდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
