"იმედი მაქვს, ისევ საომარი არ გაგვიხდება მოძალადის დასჯა" - რას წერს ნაჯა ორაშვილი "ბასიანთან" 3 პირის დაჭრაზე და რა ფოტოს აქვეყნებს

"ბასიანთან" 3 პირის დაჭრის ფაქტს, კლუბის დამფუძნებელი ნაჯა ორაშვილი "ფეისბუქის" პირად გვერდზე ეხმაურება და შემთხვევის ადგილზე გადაღებულ ფოტოსაც აქვეყნებს.

"ყველაფერი კარგადაა, თუ ამას კარგად ყოფნა ქვია, თუმცა უარესებიც გადაგვიტანია. მადლობა და ბოდიში ყველას, ვისაც სიცოცხლის ფასად უჯდება bassiani-ს სიყვარული. #danceordie

პ.ს. იმედი მაქვს, ისევ საომარო არ გაგვიხდება მოძალადის დასჯა", - წერს ნაჯა ორაშვილი.

შეგახსენებთ, 12 იანვარს, გამთენიისას, კლუბ “ბასიანის” მიმდებარე ტერიტორიაზე 1980 წელს დაბადებულმა ბ.ჩ.-მ 3 ადამიანი დაჭრა. გავრცელებული ინფორმაციით, დაკავებულს, ურთიერთდაპირისპირება მოუვიდა „ბასიანში“ დიჯეისთან, რის შემდეგაც დაცვამ ის კლუბიდან გაიყვანა.

აღნიშნულმა პირმა ტერიტორია დატოვა, თუმცა გარკვეული პერიოდის შემდეგ კვლავ კლუბის ტერიტორიაზე დაბრუნდა და იარაღიდან გაისროლა. დაჭრილები საავადმყოფოში არიან გადაყვანილი. ექიმების ინფორმაციით, მათ სიცოცხლეს საფრთხე არ ემუქრება.