"ოპერაციამ კარგად ჩაიარა, ფილტვები გასუფთავდა სისხლისგან" - უახლესი ინფორმაცია ანიტა ფაცაციას მდგომარეობაზე
პატარა ანიტა ფაცაციას ოპერაციამ კარგად ჩაიარა. ინფორმაციას ინდოეთიდან ოჯახის წევრები და ახლობლები რეგულარულად ავრცელებენ "ფეისბუქზე" არსებულ ჯგუფში, სადაც უამრავი ადამიანია გაწევრიანებული, რათა პატარა გოგონას მდგომარეობა გაიგონ.
"ამ წუთს მივიღეთ ინფორმაცია, რომ ოპერაციამ კარგად ჩაიარა. მოხდა ფილტვების გასუფთავება სისხლისგან. ჩაიდგა ორთვიანი ეკმო აპარატი. გაკერვა ჯერ არ დასრულებულა. იმედი გვაქვს, შეგვეძლება მეტი დეტალი გითხრათ მალე. უფალს მადლობა ყოველი შესაძლებლობისთვის! უღრმესი მადლობა, რომ არ გვტოვებთ...გთხოვთ, განაგრძეთ თქვენი სასწაულმოქმედი ლოცვა. ნათლობის სახელი - ანიტა" - წერს ოჯახის ახლობელი ჯგუფში.
წუხანდელი ღამე ანიტასთვის რთული აღმოჩნდა. სპეციალური აპარატი, რომელიც გულს მუშაობაში უნდა დაეხმაროს, თავიდან ორგანიზმმა ვერ მიიღო და ფილტვებში სისხლდენა გამოიწვია.
ცნობისთვის, 2 წლის ანიტა ფაცაციას უმძიმესი დაავადება - დილატაციური კარდიომიოპათია დაუდგინდა. მას ესაჭიროება მსოფლიოში ერთ-ერთი ურთულესი ოპერაცია - გულის გადანერგვა. პატარა გოგონას ოჯახს რამდენიმე ქვეყანამ უარი უთხრა ოპერაციის გაკეთებაზე. ამჟამად ის ინდოეთის ერთ-ერთ კლინიკაში იმყოფება.
ვალიკო ბაბუ დევნილთა დასახლებიდან უკვე მილიონერია
2019 წელს სასამართლოებში გასაჩივრებული გადაწყვეტილებების უმეტესობა სემეკის სასარგებლოდ დასრულდა
