14
ივნისიდღის ზოგადი ასტროლოგიური პროგნოზი
თელავში ფიცის დადების ცერემონიაზე,19 წლის წვევამდელმა შეყვარებულს ხელი სთხოვა. ცერემონია ერეკლე მეფის სასახლის ეზოში გაიმართა, სადაც საქართველოს ეროვნული გვარდიის 20-ე კადრირებული ბრიგადის საწყისი საბრძოლო მომზადების კურსის 62-მა სამხედრო მოსამსახურემ ფიცი დადო.
წვევამდელის გიგა რამაზაშვილის რჩეული ასევე 19 წლის სოფო ბაკურაძეა, რომელმაც შეყვარებულის თხოვნას თანხმობით უპასუხა. სოფომ ემოციები AMBEBI.GE-ს გაუზიარა:
"ოჯახის შექმნაზე ლაპარაკი აქამდეც გვქონდა, თუმცა დღეს ეს ყველაფერი იმდენად მოულოდნელი იყო, ამდენ ხალხში, რომ უზომოდ ბედნიერი ვარ, კლასელები ვართ, პირველი კლასიდან ვიცნობ, თუმცა ბოლო ორი წელია შეყვარებულები ვართ.
მე თბილისში ვსწავლობ და თელავში ხშირად ჩამოვდივარ ხოლმე. ახლაც ჩამოვედი, რომ ფიცის დადების ცერემონიას დავსწრებოდი. მთხოვა ჩამოდი და ჩემს გვერდით იყავიო, თურმე რას მიმზადებდა, საერთოდ არ ვიცოდი... ეჭვიც არ გამჩენია. 19 წლისები ვართ. გიგა მისი ასაკიდან გამომდინარე გაიწვიეს ჯარში. უზომოდ ბედნიერი ვარ!"
ფოტოები: თელავის მერია
ixareat ibednieret da mravali shvili achuqet samshoblos
ბედნიერება არ მოგკლებოდეთ