ყასემ სოლეიმანის დაკრძალვაზე, ჭყლეტის დროს 35 ადამიანი დაიღუპა და 48 დაშავდა

ირანის სახელმწიფო ტელევიზიის ინფორმაციით, გენერალ ყასემ სოლეიმანის დაკრძალვის ცერემონიალის მიმდინარეობისას ჭყლეტაში სულ მცირე 35 ადამიანი დაიღუპა და 48 დაშავდა.

მედიის ინფორმაციით, ინციდენტი გენერლის მშობლიურ ქალაქში, ქერმანში მოხდა.

„სამწუხაროდ, ჭყლეტის შედეგად, ზოგიერთი ჩვენი თანამოქალაქე დაიღუპა და ზოგიერთი დაშავდა“, - აცხადებენ სასწრაფო სამედიცინო დახმარების წარმომადგენლები.

გენერალ ყასემ სოლეიმანის დაკრძალვა მის მშობლიურ ქალაქში, ქერმანში მიმდინარეობს. სოლეიმანი 3 იანვარს, ბაღდადის აეროპორტში აშშ-ის მიერ განხორციელებული ოპერაციის დროს დაიღუპა.