მნიშვნელოვანი ინფორმაცია
16
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამეორე დღე დაიწყება 23:52-ზე, მთვარე ვერძში გადავა 08:31-ზე – გაზარდეთ თქვენი ცოდნის დონე. შეისწავლეთ ახალი. იმუშავეთ მნიშვნელოვან დოკუმენტებთან. ხელი მოაწერე კონტრაქტებს. დაალაგეთ არქივი. დაუთმეთ დღე განათლებას და სწავლას. მოაგვარეთ მარტივი საკითხები და არ მიიღოთ სერიოზული გადაწყვეტილებები. არ არის რეკომენდებული: ახალი და სერიოზული საქმეების დაწყება. ბევრი მუშაობა. ვაჭრობა. სიზარმაცე. იყავით ყურადღებიანი ბარძაყების, ქვედა ხერხემლის მიმართ. არ არის რეკომენდებული მარხვა ან შიმშილი. კარგია ტანსაცმლის გაუთოება და შენახვა; ზამთრისთვის ხილის გაყინვა და კონსერვაცია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ შეძლო ნორვეგიამ, რომ ქვეყნის დედაქალაქში ავარიით ადამიანები არ იღუპებიან - 2019 წელს ოსლოში ავტოსაგზაო შემთხვევამ ერთადერთი ადამიანი იმსხვერპლა
12:15 / 06-01-2020
ავტოსაგზაო შემთხვევების შედეგად, 2019 წელს, ნორვეგიის დედაქალაქ ოსლოში მხოლოდ ერთი ადამიანი გარდაიცვალა. ამასთან, ისტორიაში პირველად, მთელ ნორვეგიაში ავტოსაგზაო შემთხვევის შედეგად არ გარდაცვლილა არც ერთი 16 წლამდე მოზარდი.
თუმცა, აქვე უნდა აღინიშნოს, რომ მთლიანად ქვეყანაში 2018 წელთან შედარებით, საგზაო შემთხვევათა შედეგად გარდაცვლილთა რიცხვი გაზრდილია - 2018 წელს გარდაიცვალა 108 ადამიანი, ხოლო 2019 წელს - 110.
ადგილობრივი გამოცემა Aftenposten წერს, რომ საგზაო შემთხვევების შედეგად გარდაცვლილთა რაოდენობა 2017 წელსაც ძალიან დაბალი იყო. მაშინ ოსლოში 3 ადამიანი გარდაიცვალა.
ნორვეგიის გზების ადმინისტრაციის სამსახური ცნობით, ბოლო 50 წელიწადში ავარიების შედეგად გარდაცვლილთა რაოდენობა მკვეთრად შემცირებულია. მათივე ინფორმაციით, 1975 წელს ოსლოში 41 ადამიანი ემსხვერპლა საგზაო შემთხვევებს და მას შემდეგ გარდაცვლილთა რიცხვმა მკვეთრად იკლო.
ევროკავშირის ქვეყნებს შორის ყველაზე სახიფათო, საგზაო შემთხვევების კუთხით, ბულგარეთი და რუმინეთია, სადაც ყოველ მილიონ ადამიანში 90 ავარიებს ეწირება.
როგორ მიაღწია ნორვეგიამ ასეთ შედეგს?
2002 წელს ნორვეგიის მთავრობამ წარადგინა პროგრამა Vision Zero (ნულოვანი ხედვა), რომლის მიზანიც იყო, საგზაო ინციდენტებისა და მათ შედეგად გარდაცვლილ ადამიანთა რაოდენობის მინიმუმამდე შემცირება. სწორედ ეს პროგრამა უდევს საფუძვლად გზების უსაფრთხოდ მოწყობას.
პროგრამის ამოქმედების შემდეგ შემცირდა საშუალო დასაშვები სიჩქარე ნორვეგიის გზებზე და ბაზარზე გაიზარდა უსაფრთხო მახასიათებლების მქონე ავტომანქანების რაოდენობა.
ოსლოში გზების ადმინისტრაციამ ავტომობილით სავალ ნაწილებზე შეზღუდვები დააწესა, განსაკუთრებით მკაცრი შეზღუდვები კი ქალაქის ცენტრში მოქმედებს. შეზღუდვები ძირითადად ეხება სიჩქარეს. ასევე უდიდესი ყურადღება ეთმობა ავტომობილის ტექნიკურად გამართულობას.
გზებზე "2+1" გზები აშენდა, რაც გულისხმობს, რომ საპირისპირო მიმართულებით მოძრავ ავტომობილებისათვის წინ მიმავალი ავტომობილების გადასასწრებად დამატებითი შუა ზოლია გამოყოფილი. მოეწყო ქვეითთა გადასასვლელები.
დაიწყო ერთმანეთთან კარგად დაკავშირებული ველობილიკების მოწყობა, რათა მოქალაქეები ორბორბლიან ტრანსპორტზე გადასულიყვნენ. გზების მაქსიმალურად უსაფრთხოდ მოწყობის პროცესი და უსაფრთხოების ზომების გამკაცრება დღემდე მიმდინარეობს, თუმცა შედეგი უკვე სახეზეა.
მკითხველის კომენტარები /
27 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მხოლოდ 5 თვეში, თბილისში მილიარდ 200 მილიონი დოლარის ბინები გაიყიდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა ბედნიერებაა ხალხზე მზრუნველი ხელისუფლება! მეც მინდა ასეთ ქვეყანაში ვცხოვრობდე და არა ისეთში სადაც ადამიანები მხოლოდ არჩევნების წინ ახსენდებათ! საძაგელი, გაუმაძღარი და ბიუჯეტის ქურდების ხელისუფლებები იყო საქართველოში ყოველთვის! მხოლოდ თავის თავზე ორიენტირებულები!
ჩვენი ქვეყანა როდის მივა მაგ მაჩვენებლამდე? საოცარი შედეგია და ხალხის და მთავრობის ერთობლივი ძალისხმევითაა მიღწეული.