მილიონერი მდიდრულ რანჩოზე საცხოვრებლად 10 ადამიანს ეპატიჟება - შეძლებთ ისარგებლოთ ყველაფრით, რაც მაგნატს ეკუთვნის

რას იტყვით ვინმემ საცხოვრებლად უცნობ ადამიანებთან ერთად მდიდრულ მამულში გადასვლა რომ შემოგთავაზოთ? ეს ერთი შეხედვით უჩვეულო და ამავდროულად, საინტერესო წინადადებაა, რომელმაც, შესაძლოა, მთელი ცხოვრება შეცვალოს, დაუვიწყარი თავგადასავალი მოგიტანოთ და გამოცდილება შეგძინოთ.

გერმანელი მულტი მილიონერი, კარლ რეიპენი, 10 "სასიამოვნო ადამიანს“ ეძებს, რათა მათ შორეულ ახალ ზელანდიაში თავისი მდიდრული მამული გაუზიაროს.

218 ჰექტარზე გაშენებული რანჩო ახალი ზელანდიის დასავლეთ ნაწილში მდებარეობს. აქ არის საწარმო, ცხენების ფერმა და ტასმანიის ზღვაზე შესანიშნავი ხედები იშლება. ადამიანები, რომლებსაც ბიზნესმენი შეარჩევს, მამულში, პატარა, მაგრამ მდიდრულ სახლებში იცხოვრებენ და უფლება ექნებათ ისარგებლონ ყველაფრით, რაც მილიონერს ეკუთვნის.

"შეძლებთ ისეირნოთ ულამაზეს ბუნებაში, ისიამოვნოთ თევზაობით, კაიაკინგით, ცურვით, ან უბრალოდ, დატკბეთ ულამაზესი და იშვიათი ჯიშის ფრინველებისა და ცხოველების ცქერით“, - ნათქვამია Linkedin-ზე განთავსებულ განცხადებაში.

იმისთვის, რომ მილიონერის მამულში გადაცხოვრდეთ, 18-დან 70- წლამდე ასაკის უნდა იყოთ, ასევე, თუ შემოთავაზების მიღებას გადაწყვეტთ, აუცილებელი მოთხოვნაა, რომ არ გეშინოდეთ დაუსახელებელ ადგილას ცხოვრების. ამ ადგილიდან უახლოესი ქალაქამდე ავტომობილით 90 წუთში მიხვალთ.

კარლ რეიპენმა ქონება 2000 წელს შეიძინა და მის განვითარებას წლები შეალია.

მილიონერი ამბობს, რომ ეს არის სამოთხე დედამიწაზე, სადაც არავინ ცხოვრობს. თავადაც ვერ ახერხებს ხშირად იქ ყოფნას, ამიტომაც გადაწყვიტა, რომ მუდმივი მაცხოვრებლები ჰყავდეს.

"თუ დიანტერესებულები ხართ საინტერესო თავგადასავლები და გინდათ ცხოვრება საინტერესო ადამიანებთან ერთად. ეს შეიძლება თქვენთვის ახალი ცხოვრების დასაწყისი აღმოჩნდეს“, - წერს ბიზნესმენი განცხადებაში.