მნიშვნელოვანი ინფორმაცია
19
ივლისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 00:21-ზე – დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული აჩქარება, აქტიურობა. ხელშეკრულებების და კონტრაქტების გაფორმება. გადაწყვეტილებების მიღება. დღე ხელსაყრელია მოგზაურობისა და მივლინებისთვის. დღე შესაფერისია ორგანიზმის გასაწმენდად. არ არის რეკომენდებული სოკოსა და ნესვის ჭამა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჩერნობილის კატასტროფიდან 33 წლის შემდეგ, პრიპიატში პირველი ნაძვის ხე დადგეს - "1985-ში ნაძვის ხე წაიქცა... ადგილობრივებმა, ეს უბედურების ნიშნად მიიღეს"
10:18 / 30-12-2019
ჩერნობილის კატასტროფის შემდეგ პირველად, 33 წლის შემდეგ, დაცარიელებულ პრიპიატში, კულტურის სასახლესთან საახალწლო ნაძვის ხე დადგეს.
სპეციალურად ამისთვის, ქალაქში ყოფილი მაცხოვრებლები ჩავიდნენ და მოედნის ცენტრში აღმართული ნაძვის ხე საახალწლო სათამაშოებით, ასევე პრიპიატში გადაღებული ძველი, საოჯახო ფოტოებით მორთეს.
უკრაინელი ჟურნალისტი, რუსლან სმეშუკი, რომელიც ნაძვის ხის მორთვას ესწრებოდა, "ფეისბუქის" პირად გვერდზე ადგილობრივების მონათხრობს ყვება:
"ეს პირველი საახალწლო ნაძვის ხეა პრიპიატის ცენტრალურ მოედანზე 1986 წლის შემდეგ. აქსეაუარებად, წინა ცხოვრების ნარჩენები კიდია ნაძვის ხეს - ატომური სადგურის აფეთქებამდე გადაღებული საოჯახო ფოტოები... ნაძვის ხე მორთეს მათ, ვინც პრიპიატში ავარიამდე ცხოვრობდა. ბევრი დღეს პირველად ჩამოვიდა ამდენი წლის შემდეგ...
საინტერესო ისტორია მიამბეს - 1985 წელს, ამ მოედანზე საახალწლო ნაძვის ხე წაიქცა. მაშინვე თქვეს ადგილობრივებმა, რომ ეს უბედურების ნიშანი იყო... გაზაფხულზე ეს უბედურება მოხდა..." - წერს ჟურნალისტი და პრიპიატში გადაღებულ ფოტოებს აქვეყნებს.
ის ადამიანები, ვინც სხვადასხვა მიზეზის გამო ჩერნობილის კატასტროფას გადაურჩნენ, აფეთქებისას იქ არ იმყოფებოდნენ და სასიკვდილო დოზაც არ მიუღიათ, უმძიმეს დღეებს ხშირად იგონებდნენ...
"ემოციების გარეშე ვერ ვნახე კადრები, სადაც ჩვენები ნაძვის ხეს რთავდნენ... არ მჯერა, რომ იქ ოდესმე სოცოცხლე სრულფასოვნად აღსდგება, მაგრამ დღემდე მესიზმრება იქაურობა, ის ქუჩები, ეზოები... ახლა ყველაფერი განმიახლდა. მეშინია, რომ ოჯახის წევრებსა და ახლობლებსაც დავაზიანებ, თორემ ხშირად მიფიქრია ჩუმად გადავსულიყავი, თუნდაც სულ რამდენიმე საათით მენახა იქაურობა..." - ამბობს ეკატერინა ტარაშკინა.
"12 წლის ვიყავი იქაურობა რომ დავტოვეთ... მამა ლიკვიდატორად მუშაობდა, მაგრამ გადარჩა. ალბათ იმიტომ, რომ რამდენიმე დღის მერე გადაისროლეს ელექტროსადგურთან ახლოს... დღემდე ვფიქრობ ძაღლზე, რომელიც იქ დავტოვეთ. შემდეგ მოგვიტანეს ამბავი, რომ მას ეზო არ დაუტოვებია. მას შემდეგ, არაერთხელ ვიფიქრე ძაღლის აყვანაზე, მაგრამ ვერ შევძელი. შვილებს ვერც ვუხსნი, რატომ არ შეგვიძლია ძაღლის ყოლა...
ძალიან მენატრება იქაურობა! მადლობა მათ, ვინც იქ ჩავიდა და თუნდაც რამდენიმე საათით, ცარიელ ქალაქს სიცოცხლე შესძინა..." - ამბობს პრიპიატელი ვალოდია კლიჩკო.
აკრძალვის მიუხედავად, წლებია პრიპიატის მიმართ უცხოელი ტურისტების ინტერესი არ განელებულა. ჟურნალისტები და ბლოგერები, სხვადასხვა გზით, როგორც ორგანიზებულად, ასევე არალეგალურად, დღემდე ცდილობენ ქალაქში შეღწევას, რადგან ჩერნობილზე მომზადებული სიუჟეტები, ფოტო თუ ვიდეომასალა მუდმივად მაღალრეიტინგულია.
რადიაციის დონე ჩერნობილის ატომური ელექტროსადგურის შემოგარენში ისევ მაღალი და სახიფათოა, მაგრამ ამის მიუხედავად, სიცოცხლე თანდათან მაინც ბრუნდება. მსოფლიო საზოგადოების დიდი ინტერესის გათვალისწინებით, მიმდინარე წლის ზაფხულს, უკრაინის პრეზიდენტმა ვლადიმირ ზელენსკიმ ჩერნობილში ტურისტებისთვის და მეცნიერებისთვის "მწვანე დერეფნის" შექმნაზე ისაუბრა.
"აუცილებელია ჩერნობილის მთელი მსოფლიოს მეცნიერებისთვის, ეკოლოგებისთვის, ისტორიკოსებისთვის და ტურისტებისთვის ჩვენება... ეს დახურული ზონა დღემდე კორუფციის სიმბოლოა - ძალოვნები ტურისტებისგან ქრთამს იღებენ, ჯართი არალეგალურად გააქვთ და ბუნებრივ რესურსებს იყენებენ. ეს ყველაფერი უნდა დასრულდეს" - განაცხადა ზელენსკიმ.
1986 წლის 26 აპრილს მომხდარი აფეთქების შედეგად, ადგილობრივი მოსახლეობა, თითქმის 50 ათასი ადამიანი, მათ შორის ბავშვები და ფეხმძიმე ქალები ატომური ელექტროსადგურის აფეთქებაში მოჰყვნენ. რადიაციული დასხივების უმძიმეს დოზას, დაგვიანებული ევაკუაცია და საბჭოთა მმართველობის არაგონივრული ქმედებები დაემატა, რის გამოც, ადამიანური დანაკარგი უდიდესი იყო. აფეთქების შედეგი, წლების განმავლობაში სხვადასხვა ფორმით აისახა ბუნებასა და ადამიანებზე.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ლევან ხაბეიშვილს პირდაპირ ეთერში თავს დაესხნენ - დაპირისპირების ამსახველი კადრები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მახსოვს ეს დღე, კიევის გავლით ვიყავი. 3 თუ 4 დღე მალავდნენ ამ კატასტროფას, უტვინო კომუნისტები.
ეს ტრაგედია,უკრაინამ საბჭოთა კავშირიდან გასვლის გამო,ბონუსათ მიიღო.