მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გადაიხადოს გადასახადები "მაესტრომაც" და "იმედმაც"" - "ტვ პირველის" დირექტორმა ფინანსთა მინისტრთან შეხვედრა პროტესტის ნიშნად დატოვა
12:54 / 27-12-2019
„ტვ პირველის“ დირექტორის, ინგა გრიგოლიას განცხადებით, შეხვედრა, რომელზეც ფინანსთა მინისტრი ტელეკომპანიების წარმომადგენლებს ხვდება, პროტესტის ნიშნად დატოვა.
როგორც გრიგოლიამ ჟურნალისტებს განუცხადა, ფინანსთა მინისტრს მათ შეკითხვებზე პასუხი არ ჰქონდა და დემაგოგიის მოსმენას არ აპირებს.
„შეხვედრა დავტოვე პროტესტის ნიშნად, იმიტომ რომ უბრალოდ შეხვედრა შედგა მინისტრსა და მედიამენეჯერებს შორის, ამისთვის ნამდვილად ვერ ვიჯდებოდი. მინისტრი, რომელსაც დაავალეს, რომ უბრალოდ ეს გადაწყვეტილება მიეღო, იდგა და იმის ნაცვლად, რომ პასუხი გაეცა, რატომ ჩაგვაყენა ასეთ უსამართლო პირობებში, გვიყვებოდა ხანგრძლივ და დაუსრულებელ ისტორიას, რატომ დაედო ვალები „რუსთავი 2“-ს, რატომ დაედო ვალები „იმედს“. ჩვენ ვუთხარით, რომ ეს არ გვაინტერესებს, ჩვენ მინისტრისგან ვითხოვდით პასუხს, რატომ ჩაგვაყენა ასეთ უსამართლო მდგომარეობაში. ჩემთვის ეს იყო დიდად უინტერესო. არ ვაპირებ მინისტრის დემაგოგიის მოსმენას, მითუმეტეს, რომ პასუხები არ ჰქონდა“, - განაცხადა გრიგოლიამ.
მისივე თქმით, ფინანსთა მინისტრთან შეხვედრაზე რჩებიან „ტვ პირველის“ ფინანსური დირექტორი და „კავკასიის“ დირექტორი, ნინო ჯანგირაშვილი. როგორც გრიგოლიამ აღნიშნა, "ფინანსთა მინისტრ იავნე მაჭავარიანს საუბრისას წამოსცდა, რომ აქამდე კონკრეტული ტელევიზიებს ვალი რომ არ გადაახდევინეს, ეს პოლიტიკური გადაწყვეტილება იყო".
შეხვედრის დაწყებამდე გრიგოლიამ ჟურნალისტებს განუცხადა, რომ ტელეკომპანია “პირველი“ „გაჯიქებას“ არ აპირებს და აუცილებლად გადაიხდის დავალიანებას, თუმცა მას შემდეგ, რაც თანაბარ პირობებში იქნება სხვა დავალიანებების მქონე ტელევიზიებთან.
„მოდით, ვიყოთ ძალიან გულწრფელები და პატიოსნები: მე არავის დახურვა არ მინდა. მე ვამბობ იმას, რომ უსინდისობაა, დააბრალო კერძო კომპანიებს „კავკასიას“ და ჩვენ თავს ვგულისხმობ, რომ გადასახადებს არ იხდის ბიუჯეტში, მაშინ როდესაც 2016 წლიდან მოყოლებული უზარმაზარ დავალიანებას არ ახდევინებ ტელევიზიებს, რომელიც კოჭს გიგორებს. ინკასოზე მეტად ამ თემაზე ვარ გაბრაზებული. ჩვენ ვართ კეთილსინდისიერი გადამხდელები, მხოლოდ 2 კვირით ვითხოვდით გადაწევას. გაჯიქებას არ ვაპირებთ“, - განაცხადა ინგა გრიგოლიამ.
შეგახსენებთ, 23 დეკემბერს საქართველოს ფინანსთა სამინისტრომ განცხადება გაავრცელა და ტელევიზიებს, რომლებსაც სახელმწიფო ბიუჯეტის წინაშე დაგროვილი აქვთ დავალიანება, ერთი დღის ვადა მისცა, რათა 2019 წლის 1-ელი ოქტომბრიდან დაგროვილი მიმდინარე დავალიანების ძირი თანხა დაეფარათ. შემდეგ კი, ტელეკომპანიების „რუსთავი2“-ის, „ტვ პირველის“ და „კავკასიის“ ანგარიშებს ინკასო დაედო.
მკითხველის კომენტარები /
44 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სასაცილოა, სატირალი რომ არ იყოს, ინგა გრიგოლია პატიოსნებაზე და წესიერებაზე რომ ლაპარაკობს!
საქართველოს პრეზიდენტად მენახე ინგა!