ვინ არის შს მინისტრის ახალი მოადგილე  და რა განათლება აქვს მას

შინაგან საქმეთა მინისტრს ახალი მოადგილე ჰყავს. ვახტანგ გომელაურის მოადგილედ გიორგი ბუთხუზი დაინიშნა.

ბუთხუზი 2019 წლის სექტემბრიდან საქართველოს დაზვერვის სამსახურის უფროსის მოადგილე იყო. მანამდე, 2016-2019 წლებში საქართველოს თავდაცვის მინისტრის მოადგილის პოსტს იკავებდა. ასევე, 2013 - 2016 წლებში მას სსიპ „სასწრაფო სამედიცინო დახმარების ცენტრის“ დირექტორის მოადგილის თანამდებობა ეკავა.

შინაგან საქმეთა სამინისტროს ვებ-გვერდზე განთავსებული ინფორმაციით, გიორგი ბუთხუზი 1999-2004 წლებში საქართველოს სახელმწიფო უშიშროების სამინისტროს აკადემიაში სამართალმცოდნეობის ფაკულტეტზე სწავლობდა. იცის ინგლისური, რუსული და თურქული ენები. გიორგი ბუთხუზი არის 2008 წლის ომის მონაწილე - ვეტერანი.