ლუკაშენკო რუსეთს ბელორუსის შემადგენლობაში შესვლას სთავაზობს

ბელორუსის პრეზიდენტმა, ალექსანდრე ლუკაშენკომ რუსეთს ბელორუსის შემადგენლობაში შესვლა შესთავაზა.

„ძალიან მარტივი ვარიანტია, რომელსაც რუსეთშიც და ბელორუსშიც მიიღებენ. თქვენ შემოგვიერთდებით ბელორუსში. რა, წინააღმდეგი იქნებიან რუსები? არა. ბელორუსები, ისინი ვინც ახლა ასე გაბრაზებულები არიან? - არა“, - განაცხადა ხუმრობით ლუკაშენკომ „ეხო მასკვის“ ეთერში.

„თქვენ ზოგიერთები, რომლებიც გვეპატიჟებით რუსეთის შემადგენლობაში, რატომ არ განიხილავთ ამ ვარიანტს?“, - დასძინა პრეზიდენტმა.

იქამდე, ბელორუსის ლიდერმა განაცხადა, რომ მოსკოვი მინსკზე ზეწოლას ახორციელებს.

შეგახსენებთ, მედია აქტიურად წერს ბელორუსისა და რუსეთის ე.წ. ინტეგრაციის შესახებ, რომლის შედეგადაც ორ ქვეყანას ერთიანი პარლამენტი და მთავრობა ეყოლება, თუმცა მინსკში ამ განცხადებებს დეზინფორმაციად აფასებენ.