რატომ გაჩერდა დასავლეთისკენ მიმავალი მატარებელი ხარაგაულში - "საქართველოს რკინიგზაში" განმარტება გაკეთდა
დასავლეთისკენ მიმავალი თბილისი-ბათუმის მატარებელი ხაგარაგაულში გარკვეული პერიოდია გაჩერებულია. როგორც „ინტერპრესნიუსს“ „საქართველოს რკინიგზის“ პრეს სამსახურში განუცხადეს, მატარებლის დროებით შეფერხების მიზეზი ხარაგაულის მონაკვეთზე მიმდინარე ინფრასტრუქტურული სამუშაოებია. პრესსამსახურის ინფორმაციით, მატარებელი უახლოეს დროში გააგრძელებს გადაადგილებას.
„ხარაგაულის მონაკვეთზე ინფრასტრუქტურული სამუშაოები მიმდინარეობს, რის გამოც მატარებლის მოძრაობა დროებით შეფერხდა.ხარაგაულის მონაკვეთზე ახალი გზა კეთდება, ასევე ახალი გვირაბი იჭრება, რასთან დაკავშირებით ჩვენ გამოვაცხადეთ, რომ ერთი რეისი- თბილისი-ოზურგეთი-ქუთაისი-თბილისი მთლიანად გავაუქმეთ . ეს რეისი დღეს გავაუქმეთ, რადგან სამუშაოები დღეს ტარდებოდა“, - განაცხადეს პრეს სამსახურში.
პრეს სამსახურის წარმომადგენლის თქმით „საქართველოს რკინიგზა“ რეისის შეფერხების გამო შესაბამის განცხადებას გაავრცელებს.
"არ იფიქროთ გამარჯვებაზე!" - ქვეყნის პირველი "მასტერშეფი" მეორე სეზონის ფინალისტებს მიმართავს
"...სამი წლის წინ წარმოვთქვი ეს სიტყვები სვეტიცხოველში, თქვენს გვერდით ყოფნისას" - რომის პაპის წერილი ილია მეორეს
