მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"არ იფიქროთ გამარჯვებაზე!" - ქვეყნის პირველი "მასტერშეფი" მეორე სეზონის ფინალისტებს მიმართავს
20:06 / 24-12-2019
ქვეყნის ყველაზე პოპულარული კულინარიული შოუს "მასტერშეფის" ფინალამდე ერთი კვირა დარჩა. როგორც ჟიურის წევრები აღნიშნავენ, ფინალისტებს წინ ყველაზე დიდი გამოცდა ელოდებათ.
სანამ გავიგებთ, ვინ გახდება "მასტერშეფის" მეორე სეზონის გამარჯვებული, AMBEBI.GE ქვეყნის პირველ "მასტერშეფს", ია ძაგანიას დაუკავშირდა. როგორ აფასებს მეორე სეზონის კონკურსანტებს პირველი სეზონის გამარჯვებული და რას ურჩევს ფინალისტებს, წაიკითხეთ ინტერვიუში.
- როგორ შეიცვალა შენი ცხოვრება ქვეყნის #1 "მასტერშეფის" ტიტულის მოპოვების შემდეგ?
- მშვენიერი გრძნობაა, როცა პირველი ემოცია გადის, მშვიდდები და იაზრებ, რომ შენ "მასტერშეფის" პირველი სეზონის გამარჯვებული ხარ. დიდი ფინალის შემდეგ რამდენიმე თვე გავიდა და მას შემდეგ ჩემს ცხოვრებაში ბევრი კარგი რამ მოხდა, რაღაცები უკეთესობისკენ შეიცვალა. ყველაზე მთავარი ხალხის სიყვარულია. მიუხედავად იმისა, რომ უკვე მეორე სეზონი გადის, როგორც ჩანს, მაინც ვახსოვარ ხალხს. ყველგან - ქუჩაში თუ ჩემს რესტორანში - ვგრძნობ მათ სიყვარულსა და დადებით ენერგიას.
- რამდენად აქტიურად ადევნებ თვალს და როგორ აფასებ მეორე სეზონს?
- მეორე სეზონს აქტიურად ვადევნებ თვალს. გამიჭირდება პირველი და მეორე სეზონის შედარება, რადგან იქ სულ სხვანაირად ვუყურებდი ყველაფერს, ეკრანზე ყურება კი სულ სხვაა. ტელევიზორში ყურებისას მაყურებელი კიდევ ვერ ხვდება, ეს რამხელა სტრესია. "მასტერშეფის" სამზარეულოში ყველა დაძაბულია, დროის ფაქტორი საოცრად მოქმედებს... აბსოლუტურად მესმის მეორე სეზონის მონაწილეების და ვიცი, რასაც გრძნობენ.
- კასტინგების პერიოდში თუ გყავდა ფავორიტები?
- ფავორიტი არ მყოლია და არც ახლა მყავს. თუმცა კასტინგზე შავი ხინკალი რომ მოამზადა, ვფიქრობდი, რომ იქნებოდა ათეულში და სიმართლე გითხრათ, გამიკვირდა, რომ ვერ მოხვდა. უშუალოდ ათეულს რაც შეეხება, ყველა კარგი კონკურსანტია. თავიდან ძალიან თანაბრად მიიწევდნენ წინ და რთული იყო იმის თქმა, თუ ვინ იყო ყველაზე ძლიერი და ვინ - ნაკლებად.
- მეორე სეზონის დავალებების ნაწილი შეიცვალა. რომელიმეზე გიფიქრია, ნეტავ, ეს ჩემს დროსაც ყოფილიყოო?
- მეორე სეზონში ნამდვილად ძალიან საინტერესო დავალებები იყო. მაგალითად, "წითელი და შავი" ძალიან მომეწონა და საშუალება რომ მქონოდა, მეც სიამოვნებით მივიღებდი მონაწილეობას.
- ფინალში ვის გულშემატკივრობ?
- გამიჭირდება ვინმეს გამორჩევა, სამივეს ვგულშემატკივრობ. ძალიან მონდომებულები არიან. ჩემი დაკვირვებით, ნუცა ძალიან პერფექციონისტია და ზუსტად აკეთებს ყველაფერს, დიმუ გულიანად ამზადებს, გაგა საკმაოდ თამამია. ძალიან რთული გზაა ფინალამდე გასავლელი და იქამდე თუ მიხვედი, უკვე გამარჯვებული ხარ.
- ფინალის წინ რას ურჩევ მონაწილეებს?
- იმაზე იფიქრონ, რომ ეს მათთვის ბოლო საშუალებაა, რომ თავიაანთი კერძი საჯაროდ წარმოადგინონ. გულით მოამზადონ, არ იფიქრონ გამარჯვებაზე, კონკურენციაზე და იფიქრონ მხოლოდ კერძზე.
შეგახსენებთ, "მასტერშეფის" მეორე სეზონის ფინალი 1-ლ იანვარს, 21:00 საათზე დაიწყება.
ავტორი: მარიამ ტურძილაძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
