მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩოლოიანი იყო პირველი, ვინც ჩემს ძმას ემუქრებოდა, რომ მე შემექმნებოდა პრობლემები... დაკითხა როგორც კრიმინალი" - ლუკა სირაძის ძმა
15:38 / 24-12-2019
როდესაც გამოვიდა ჩემი ძმა იმ კაბინეტიდან ტიროდა, ითხოვა სასწრაფო დახმარება, თუმცა ამაზე გამომძიებელმა განუცხადა, რომ როცა ის ჩათვლიდა საჭიროდ, მაშინ გამოიძახებდა სასწრაფო დახმარებას, - ამის შესახებ რამდენიმე დღის წინ გარდაცლილი 15 წლის ლუკა სირაძის ძმამ, ბექა სირაძემ დღეს გამართულ პრესკონფერენციაზე განაცხადა. ბექა სირაძის განმარტებით, მისი ძმის დაკითხვაზე თავიდანვე იყო აგრესიული ფონი და მუქარა.
"დაახლოებით, 4 საათი გრძელდებოდა ეს დაკითხვა და რომ ვერ უმტკიცებდნენ და თვითონ ლუკაც არ აღიარებდა, როგორც ვიცი, დაიძაბნენ. ჩემი ძმაც უკვე საკმაოდ ხმამაღალი ტონით პასუხობდა და ისიც მუქარას აგრძელდება. ამ დროს სცადა დედამ ჩემი ძმის დამშვიდება და ამ პერიოდში, როგორც ვიცი, იქ მჯდომი კიდევ ერთ-ერთი პოლიციელი ადგა და ჩემი ძმა შეურაცხმყოფელი სიტყვებით მოიხსენია, დედის თვალწინ აყენებდა შეურაცხყოფას. 2-3 წუთის შემდეგ, კაბინეტიდან მესამე პიროვნება გამოვიდა და ჩემს ძმას უთხრა, რომ მასთან შესულიყო.
როდესაც გამოვიდა ჩემი ძმა იმ კაბინეტიდან ტიროდა, ითხოვა სასწრაფო დახმარება, თუმცა ამაზე გამომძიებელმა განუცხადა, რომ როცა ის ჩათვლიდა საჭიროდ, მაშინ გამოიძახებდა სასწრაფო დახმარებას. ოთახიდან გამოსვლიდან რაღაც პერიოდის შემდეგ, დაიწყო ამ ყველაფრის აღიარება. დედამ, რომ კითხა თუ რა მოხდა იმ კაბინეტში, უპასუხა რომ მას ე.წ. კაპეზეთი ემუქრებოდნენ“, - განმარტა გარდაცვლილი ლუკა სირაძის ძმამ.
ბექა სირაძის თქმით, სკოლა მის ოჯახს არ დაკავშირებია, შესაბამისად, მისი ძმა და დედა პირდაპირ პოლიციის განყოფილებაში დაიბარეს.
"ეუბნებოდნენ, რომ ლუკა ჩანდა კამერებში. დედამ ითხოვა, რომ კამერების ჩანაწერებს ნახავდა და თუ თავის შვილს ამოიცნობდა, ზარალის ანაზღაურებაზე პრობლემა არ იქნებოდა, თუმცა დედას უთხრეს, რომ ამის ჩვენების უფლება არ ჰქონდათ. შემდეგ ისევ გაგრძელდა ყვირილი, მუქარა. ეუბნებოდნენ, რომ აღიარე, თორემ შენს ძმას სასწავლებელში პრობლემებს შევუქმნითო.
ემუქრებოდნენ: "დაგიჭერთ, შენნაირი აქ ათასი მოსულა, ჩაგაყუდებთ“ და მსგავს რაღაცებს ეუბნებოდნენ. პირველ რიგში, მუქარას იწყებდა მარიანა ჩოლოიანი, რომელიც უშუალოდ იყო ჩემი ძმის საქმით დაკავებული. ის იყო პირველი, რომელიც ჩემს ძმას ემუქრებოდა იმით, რომ მე შემექმნებოდა სასწავლებელში პრობლემები, ანუ დაკითხა როგორც კრიმინალი“, - განაცხადა ბექა სირაძემ.
მისი ინფორმაციით, ლუკა სირაძე პოლიციის განყოფილებაში მშობლის გარეშე მარტო 15-20 წუთის განმავლობაში იმყოფებოდა.
"როგორც ვიცი, დედას დაახლოებით 15-20 წუთი პოლიციის თანამშრომელთან ერთად სახლში წასვლა მოუწია. თუ არ ვცდები, ლუკას მასწავლებლის ნომერი უნდოდათ რაღაცის დასადგენად. შესაბამისად, ეს პერიოდი ჩემი ძმა მარტო იმყოფებოდა.
იმ დღეს რატომღაც არ მოხდა ამ ჩვენების დასრულება და გადაიდო მეორე დღისთვის. მეორე დღეს, თავიდან, როგორც ვიცი, თითქოს ისევ აპირებდა ეღიარებინა, რომ ის იყო, მაგრამ შემდეგ ეს ყველაფერი უარყო. ყვირილი, ჩხუბი გაგრძელდა, თუმცა ამის შემდეგ გამოუშვეს სახლში, ანუ რეალურად ვერ დაუმტკიცეს, ის იყო თუ არ იყო“, - განაცხადა ბექა სირაძემ.
ბექა სირაძის განმარტებით, გამოძიებას მისი დედის ახალი ჩვენება სჭირდება, შესაბამისად ის რამდენიმე დღეში სახელმწიფო ინსპექტორის სამსახურში კიდევ ერთი ჩვენების მისაცემად აპირებს მისვლას.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Sacxali bavshvi(((
ყველამ ვინც ეს დანაშაული ჩაიდინა პოლიციაში პასუხი აგოს კანონის სრული სიმკაცრით. მთავრობას მოვუწოდებ მეტი პასუხისმგებლობა გამოიჩინონ და ყრადღება მიაქციონ. ვიღაცეები ცდილობენ საქმის ჩაფარცხვას! სასჯელი უნდა იყოს სამაგალითო ყველასთვის!
ხოლო იმ მწვანე სკოლას რაც შეეხება შევარცხვინე ესეთი ნაშოვნი ფული...