28
მარტიდღის ზოგადი ასტროლოგიური პროგნოზი
ბათუმში, საქართველოს შინაგან საქმეთა მინისტრმა ვახტანგ გომელაურმა დაჭრილი პოლიციელი რესპუბლიკურ საავადმყოფოში მოინახულა. ინფორმაციას შინაგან საქმეთა სამინისტროს პრესსამსახური ავრცელებს.
უწყების ცნობით, ვახტანგ გომელაურთან ერთად აჭარის მთავრობის თავმჯდომარე თორნიკე რიჟვაძე და ადგილობრივი მთავრობის წევრებიც იმყოფებოდნენ.
დაჭრილი სამართალდამცველი ოთარ თავართქილაძეა. ის თავდამსხმელმა ყელის არეში დაჭრა და ოპერაციის შემდეგ რესპუბლიკურ საავადმყოფოში მკურნალობას გადის.
თავართქილაძემ მასთან მოსანახულებლად მისულ მინისტრს ფურცელზე ხელით დაუწერა სამადლობელი ტექსტი, სადაც აღნიშნა, რომ მალე დაუბრუნდება სამსახურებრივი მოვალეობის შესრულებას.
შეგახსენებთ, რომ ბათუმში, ორი დღის წინ, ჭავჭავაძის ქუჩაზე პოლიციელი ყელის არეში დაჭრეს. შემთხვევა მაშინ მოხდა, როდესაც საპატრულო პოლიციის თანამშრომელი სამსახურებრივ მოვალეობას ასრულებდა. ეკიპაჟი მანქანით გადაადგილდებოდა, როდესაც უცნობმა პირმა ისინი გააჩერა და ერთ-ერთ სამართალდამცველს ყელის არეში მძიმე ჭრილობა მიაყენა. ბრალდებული დაჭრილის მეწყვილემ ადგილზე დააკავა.
არსებული ინფორმაციით, ამ დროისათვის საქართველოს შინაგან საქმეთა მინისტრი ვახტანგ გომელაური ბათუმში, პოლიციის დეპარტამენტის თანამშრომლებს ხვდება.
პოილიციელებს რჩევა- მიუშვით თავის ნებაზე ყველა გარეწარი, ნურავის დაიჭერთ, და როცა იქ მყოფი სანახაობის მაყურებლებს დაერევიანმერე გასგასცეს პასუხი საია, სალაძემ
ქვეყანა რომელიც თავის პოლიციას არ აფასებს შორს ნამდვილად ვერ წავა