მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"არ გაქვთ უფლება ცხოვრება დაასრულოთ... ქვეყნისთვის გაჩნდით და არა საკუთარი თავისთვის" - შალვა ამონაშვილის მიმართვა მშობლებსა და მოზარდებს
15:29 / 19-12-2019
ქართველი პედაგოგი და ფსიქოლოგი, შალვა ამონაშვილი "ფეისბუქზე" ვიდეომიმართვას ავრცელებს. ვიდეოს საშუალებით ის მოზარდის გარდაცვალების გახმაურებულ ფაქტს და თვითმკვლელობის შემთხვევებს ეხმიანება.
ამონაშვილი მიმართავს როგორც ზრდასრულებს, ასევე მოზარდებს. ფსიქოლოგი მიიჩნევს, რომ ბავშვებს ორი მთავარი რამ სჭირდებათ - გაგება და თავისუფლება.
"ყველაფერს, რაც ჩვენს ცხოვრებაში ხდება, მიზეზის და შედეგის კანონი ჰქვია, არც ერთი შედეგი არ არის მიზეზის გარეშე. თუ ამ ფაქტსაც ჩავუკვირდებით, უთუოდ დავინახავთ მიზეზებს, მე კი ნაირ-ნაირ მიზეზთა შორის ვხედავ კიდევ ერთს, მთავარს. საქმე ის არის, რომ ჩვენს შვილებს არ ვიცნობთ. ვიცნობთ მათ მხოლოდ ერთი მხრიდან, გარეგნული მხრიდან - როგორ მოდიან ჩვენთან, რას გველაპარაკებიან, ჩვენ თვითონ რას ვეუბნებით, როგორ ვხედავთ, ვიცნობთ მხოლოდ ასე.
მაგრამ ბავშვებს საკუთარი ცხოვრებაც აქვთ და ეს ცხოვრება მათთვის არ არის ადვილი. ჩვენ თუ ეს არ ვიცით, მათთან ურთიერთობა ძალიან გაგვიჭირდება.
ჩვენს შვილს ჩვენგან მხოლოდ ორი რამ უნდა:
1. რომ გავუგოთ რა აწუხებს, რა უხარია, მოვუსმინოთ ორივე ყურით, გულით, თანაგრძნობით და შემდეგ შევეშველოთ, გაგება უნდათ ბავშვებს. საკუთარ თავს უფრო ვუგებთ, როცა ბავშვს რაღაცებს ვუკრძალავთ, ვეუბნებით - არ წახვიდე, ხელი არ ახლო, შენი საქმე არაა, მოითმინე, გეყოფა, ეს ყველაფერი უფრო ჩვენი თავის გაფრთხილებაა, ვიდრე ბავშვის
2. ბავშვს უნდა დიდობა და თავისუფლება. თითქოს გვეხვეწება, დედა, მამა, მასწავლებელო, არ გესმით ჩემი ფსიქოლოგიაო?! არ შემიძლია არ ვიცხოვრო დიდის ცხოვრებით, მიმიღე როგორც დიდი, როგორც თანასწორუფლებიანი.
რა უნდა ამ პირობების შესრულებას?! ეს მისი ბუნებაა, ფსიქოლოგიაა. თავისუფლება უნდა ბავშვს. არ უნდა, რომ მის მაგივრად ვირჩევდეთ სკოლას, მასწავლებელს, სახელმძღვანელოს, ტანსაცმელს, ვუგეგმავდეთ მომავალ ცხოვრებას. ვერ იტანენ ამას ახალგაზრდები, სწყინთ ეს და აბოროტებთ.
კარგი იქნება, თუ მიიღებთ ზომებს, რათა ბავშვის მიმართ კეთილგანწობილი ვითარება შეიქმნას ქუჩაში, მაღაზიაში, ყველგან. ბავშვებსაც უნდათ პატივისცემა იმიტომ, რომ ისინი ჯერ ცხოვრებისთვის მზად არ არიან და თუ პატივი არ ვეცით, ვერც მოემზადებიან.“
პედაგოგი მიმართავს მოზარდებს და ამბობს, რომ ცხოვრება მხოლოდ ერთ ადამიანს არ ეკუთვნის, რომ ადამიანი ადამიანისთვის იბადება:
"მინდა მივმართო ბავშვებს, ჩემი ძვირფასო ახალგაზრდებო, მთელი ჩემი ცხოვრება თქვენს კეთილდღეობას შემოვწირე, რაც შემეძლო ყველაფერს ვაკეთებდი იმისთვის, რომ სკოლაში სიყვარული ყოფილიყო, ბევრი სიკეთე ყოფილიყო.
თქვენ მართლა ბავშვები და პატარები ხომ არა გგონიათ თქვენი თავი?! უკვე დიდები ხართ - 9 წელი შეგისრულდათ, 12, 15, 17 - რაღა დროს თქვენი ბავშვობაა?! უკვე ის ადამიანები ხართ, რომლებმაც დიახაც უნდა გაუგოთ უფროსებსაც, დედას, მამას, იმათაც რაღაც აწუხებთ, თავიანთი გასაჭირი აქვთ, თავიანთი გეგმები აქვთ, გაუგეთ მათ, დაუთმეთ ხანდახან ზოგიერთი რამ, ანდა ძალიან წყნარად და კორექტულად დაუყენეთ თქვენი მოთხოვნები, რათა გაგიგონ და დაყვნენ თქვენს ნებას.
ჩემო ძვირფასებო, თქვენი ცხოვრება თქვენ არ გეკუთვნით, თუ ვინმე ცხოვრებას გაუსწორდება, ეს იმას ნიშნავს, რომ ხალხის წინაშე დანაშაული ჩაიდინა.
არც ერთი თქვენგანი არ მოსულა ამქვეყნად ხელცარიელი, ყველამ რაღაც მოუტანა ხალხს და ქვეყანას, ვინ ნიჭი მოუტანა და უნდა იმღეროს, უნდა იცეკვოს, წიგნი დაწეროს, იმასწავლებლოს, იმეცნიეროს, რაღაც უნდა გააკეთოს, რაც ხალხს ძალიან სჭირდება. არ გაქვთ უფლება დაასრულოთ ცხოვრება იქ, სადაც, ფაქტობრივად, თქვენი ღვაწლი უნდა დაიწყოს, სამსახური უნდა დაიწყოს.
ადამიანი ადამიანისთვის იბადება, თქვენ ერთმანეთისთვის ხართ დაბადებულნი, ხალხისთვის, ქვეყნისთვის გაჩნდით და არა საკუთარი თავისთვის. იტყვიან ხოლმე, ვინც მოკვდა საკუთარ თავს მოუკვდაო, უკაცრავად, მაგრამ ეს ასე არ არის, საკუთარ თავს კი არ მოუკვდა, ხალხს მოუკვდა.
აი, დადგება 60-70-იანი წლები. გგონიათ, იმ ცხოვრებას, რომელიც მოვა ჩრდილი არ მიადგება იმის გამო, რომ ერთი ნიჭი გამოაკლდა?! იქნება რა ნიჭი იყო ეს, იქნებ ილიას ნიჭი იყო, იქნებ რუსთაველის ნიჭი იყო, იქნებ ვაჟას ნიჭი იყო?! გამოაკლდა ეს ნიჭი და დაკარგა ხალხმა დიდი საგანძური, არ უნდა ვიკისროთ ამის გამო პასუხისმგებლობა?!
ამიტომ, გაუფრთხილდით თქვენს თავს. თუ რამ გიჭირთ, თქვენს ირგვლივ ადამიანები არიან, შეიყვარეთ რომელიმე მასწავლებელი, მიმართეთ მას, გაგიგებთ, გულს გაგიხსნით, ხელს გაგიმართავთ, გზას გასწავლით, მიმართეთ დედას და მამას, უთხარით გულახდილად, რა გაწუხებთ, რა გტკივათ, ისინი შეეცდებიან გაგიგონ და არ აღმოჩნდებით ჩიხში როცა, თითქოსდა, გამოუვალი მდგომარეობა შეგექმნათ, არ არსებობს გამოუვალი მდგომარეობა.
სამწუხაროდ, ჩვენს ირგვლივ არიან ბოროტი ადამიანები, ანდა არიან ადამიანები, რომლებსაც მეორე ადამიანისა არაფერი ესმით, ამრიგად ხშირად შეიძლება ვინმემ გაწყენინოთ, ვინმემ ისეთი სიტყვა არ გითხრათ, რაც თქვენ გინდათ...
ამაღლდით ამ გაუგებარ ადამიანებზე იმიტომ, რომ რაც უფრო ამაღლდებით, მით უფრო ადვილად გადაიტანთ შეურაცხყოფას, გაუფრთხილდით საკუთარ თავს ჩემო ძვირფასებო, იმიტომ რომ თქვენი სიცოცხლე, თქვენი ცხოვრება ქვეყნის საკუთრებაა, ადამიანი ხალხისთვის იბადება, არავინ იბადება თავისთვის მარტო. იყავით ბედნიერები, გახარებულები და დაამშვენეთ ეს საუკუნე თქვენი ნიჭით" - მიმართავს შალვა ამონაშვილი მოზარდებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
