მნიშვნელოვანი ინფორმაცია
6
ივლისიდღის ზოგადი ასტროლოგიური პროგნოზი
კვირა, მთვარის მეთორმეტე დღე დაიწყება 18:45-ზე, მთვარე მორიელშია – რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. თავი უნდა შეიკავოთ უხეში საკვებისგან, კვერცხისგან, თევზისა და ხორცისგან. მთლიანად გამორიცხეთ ალკოჰოლი და ნიკოტინი. ზედა სასუნთქი გზების, გულის, ფილტვების და ღვიძლის გაწმენდის დღეა. მოუსმინეთ გულს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სრულიად ახალი თაობა დაიმკვიდრებს თავისუფლების ქვეყანაში - თავისუფალი მონური აზროვნებისგან" - "ბიბლიის განმარტებების" მთავარი რედაქტორის ბლოგი
10:56 / 18-12-2019
თამარ მამაცაშვილი - "ბიბლიის განმარტებების" პროექტის ავტორი და მთავარი რედაქტორია და ჩვენ მას ვთხოვეთ ნაწყვეტების შესახებ ესაუბრა. რადგან უკვე მეოთხე ტომი გამოვიდა და საზოგადოების დიდი დაინტერესებაც გამოიწვია.
„მოდი, მცირე ფრაგმენტებს მოგიყვებით "ბიბლიის განმარტებების" სხვადასხვა ტომიდან. ყოველ წამს მხვდება ისეთები, მარტო იმ ერთი ფრაზის ცოდნა და შესრულება რომ შეცვლიდა სამყაროს.
"იესო ნავეს ძის" წიგნი მესამე ტომშია.იესო ნავეს ძე მოსეს შემდეგ, ქანაანში ლაშქრობის პერიოდში გახდა ისრაელის წინამძღოლი. როცა ქანაანში გამარჯვება მოიპოვეს და მიწების განაწილება დაიწყეს ისრაელელებმა, იესო ნავეს ძემ ყველას დაურიგა მიწები და თავისთვის არაფერი აუღია, მერე ხალხმა გადასცა მას სამკვიდრო ადგილი, სადაც ცხოვრობდა და სადაც გარდაიცვალა კიდეც. აი, რა განმარტება აქვს ამ ამბავზე ნეტარ თეოდორიტე კვირელს:
"ვისაც ხელმძღვანელობა ხვდა წილად, მართებს ზრუნვა არა საკუთარ გამორჩენაზე, არამედ ქვეშევრდომთა სასარგებლოდ!"
ასევე ნაწყვეტი ჩემი ერთ-ერთი უსაყვარლესი "გამოსვლათა" წიგნიდან. მისი ავტორი მოსე წინასწარმეტყველი გახლავთ. ეს წიგნი გვიამბობს, როგორ დაიმსახურეს ისრაელელებმა ღვთის მოწყალება, მათმა მჩაგვრელმა ეგვიპტელებმა კი - ღვთის რისხვა, როგორ გამოეცხადა უფალი მოსეს და უთხრა: ვიხილე ჩემი ერის ჩაგვრა და მოვედი, რათა ვიხსნა იგი მონობისაგან შენი ხელითო. და დაევალა მოსეს, გაძღოლოდა ისრაელიანებს ურთულეს გზაზე აღთქმული მიწისაკენ - თავისუფლებისკენ. 40 წელი ატარა მან ებრაელები უდაბნოში.
საოცარია ეს გზა - ბიბლიური გზა, რომელიც გამოიყვანს ერს მონობიდან და მიიყვანს დიად მიზნამდე. როგორი ნიშნეულია ბევრი მომენტი ამ გზაზე მოსიარულე ებრაელთა ცხოვრებიდან. როგორ საყვედურობენ ისინი მოსეს, რომ ასეთ გაჭირვებაში ჩააგდო ხალხი, ადრე კი ეგვიპტეში "მშვენივრად" ცხოვრობდნენ, რომ იქ ბევრი ხორცი და სხვა საჭმელი ჰქონდათ. მონობიდან გამოსულნი მისტირიან მონურ მდგომარეობას და უკან დაბრუნებას ნატრობენ - იმ მდგომარეობას, როცა მათი სიცოცხლეც კი ფარაონს ეკუთვნოდა. ეს ხალხი ვერ შევა აღთქმულ მიწაზე, ვერასოდეს ნახავს ქანაანს, რადგან ისინი ვერ ხდებიან ღვთის მცნებების აღმსრულებლები. ეგვიპტიდან გამოსულთაგან მსოლოდ 2 ადამიანი შედის აღთქმულ ქვეყანაში.
თვით მოსეც კი ქანაანამდე მიიყვანს ებრაელებს და თავად გარდაიცვლება. სრულიად ახალი თაობა დაიმკვიდრებს თავისუფლების ქვეყანაში - თავისუფალი მონური აზროვნებისგან.როდის, თუ არა 9 აპრილის ღამეს, დაიწყო მსხვრევა ჩვენი ერის მონური ფსიქოლოგიისა. წინ დიდი და ძნელი გზაა, მაგრამ თუ უკან არ დავიწყებთ ყურებას, თუ ისევ მონობას არ ვინატრებთ, დავიხოცებით, მაგრამ ჩვენი შვილები მაინც მივლენ თავისუფლებამდე!
ამისთვის კი ღვთის წყალობა უნდა დავიმსახუროთ! წინ, მხოლოდ წინ - თავისუფალი საქართველოსკენ!“.
მნიშვნელოვანია ვიცოდეთ საიდან მოვდივართ, ვინ ვართ. ბიბლია განმარტებებით სწორედ ამიტომ შეიქმნა რომ უფრო გასაგებ ენაზე განმარტებული ყოფილიყო ეს ყველაფერი.
„ბიბლიის განმარტებების“ შეძენა შესაძლებელია კვირის პალიტრასთან, სპეციალურ ფასად ერთად თვეში ერთხელ.
წინა ტომების შეძენა კი შეგიძლიათ „ბიბლუსის“ წიგნის მაღაზიებში.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამიტომაცაა საჭირო სასულიერო პირები შედიოდნენ სკოლებში და არა ვაი ფსიქოლოგები არაფრის აზრზე რომ არ არიან. თაობა რომელიც უვიცია და არ იცის საკუთარი ერისა და ქვეყნის ისტორია, აზრზე არ არის სულიერებასთან არა მგონია რომ მათ თავისუფლების ფასი ოდესმე გაიგონ.