მნიშვნელოვანი ინფორმაცია
16
მარტიდღის ზოგადი ასტროლოგიური პროგნოზი
მთვარის მეთვრამეტე დღე დაიწყება 22:24-ზე, მთვარე სასწორშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჟირაფი ჟოზე სათამაშო გახდა - ქართველი პატარების საყვარელი გმირი მალე მაღაზიებში გამოჩნდება
13:59 / 05-12-2019
საახალწლოდ ბავშვების გასახარებლად წელს უფროსებს ყველაზე ნაკლები ფიქრი მოუწევთ. მალე ათასობით ბავშვის საყვარელი პერსონაჟი, მხიარული მომღერალი, ჟირაფი ჟოზე მაღაზიებში გამოჩნდება.
დიახ, "იუთუბის" ქართველი ანიმაციური ვარსკვლავი მალე მომღერალ სათამაშოდ გაიყიდება და საუკეთესო საჩუქარიც იქნება პატარებისთვის. თუ უკვე წარმოიდგინეთ, ვის გაახარებთ ამღერებული, ფუმფულა ჟირაფით, ალბათ სხვა დეტალებიც დაგაინტერესებთ.
7 დეკემბრიდან ჟოზე ექსკლუზიურად მხოლოდ მაღაზია "პეპელას" ქსელში იქნება წარმოდგენილი. ეს ნიშნავს, რომ "პეპელას" უკლებლივ ყველა ფილიალში, თბილისშიც და რეგიონებშიც, ამ სათამაშოს შეძენას შეძლებთ.
სხვა დეტალებზე ჟოზეს პერსონაჟის იდეის ავტორს, სცენარისტსა და რეჟისორს გიორგი მარშანიას ვესაუბრეთ:
- 7 დეკემბრიდან ჟოზეს ხმოვანი სათამაშო მაღაზია "პეპელას" ყველა ფილიალში ხელმისაწვდომი იქნება. სათამაშო 5 სიმღერას მღერის. აქვს რამდენიმე რეჟიმი: ჩართვა, რომლის დროსაც გვესალმება; ხმის მარეგულირებელი რეჟიმი, რათა ბავშვისთვის სასურველ ხმაზე მომართოთ და სიმღერების მოსმენის რეჟიმი, რომელიც საშუალებას მოგცემთ სხვადასხვა სიმღერაზე გადართოთ და სასურველი ვარიანტი შეარჩიოთ.
- ჟოზეს ალბათ, ბევრი ელოდა...
- ძალიან ბევრი ადამიანი ელოდება ამ სათამაშოს დიდი ხნის განმავლობაში. ვინაიდან პირველი მცდელობაა, ამიტომ ტირაჟი შეზღუდული რაოდენობით გამოვა, თუმცა თუ მოთხოვნა იქნება, ტირაჟს გავზრდით. მომდევნო აუცილებლად იქნება ჟოზეფინას სათამაშო, შემდეგში ჟოზეს სხვა მეგობრებიც მიემატება. მომღერალი მხოლოდ ჟოზეს სთამაშოა, დანარჩენები შედარებით მცირე ზომის, ფუმფულა სათამაშოებად გამოვა.
- ამ დროისთვის ჟოზეს სიმღერებიდან ყველაზე მეტი პოპულარობა რომელმა მოიპოვა?
- ყველაზე პოპულარულია "ფერები" და "წელიწადის დროები". საერთო ჯამში ჟოზეს 21 სიმღერა დაუგროვდა, ჩვენს არხს "იუთუბზე" კი - ასი ათასზე მეტი გამომწერი. წელიწადში ჟოზეს თითო სიმღერა საშუალოდ 4-5 მილიონ ნახვას აგროვებს.
- ჟოზე რამდენი წლისაა?
- დაახლოებით 5 წლის წინ შევქმენით მე და ჩემმა მეგობრებმა. მაშინ ჯერ კიდეც სამოყვარულო-გასართობი საქმე იყო ჩვენთვის, მაგრამ ვნახეთ, რომ პირველივე სიმღერამ "მხიარული მათემატიკა" ყოველგვარი რეკლამის გარეშე მილიონზე მეტი ნახვა დააგროვა. ამიტომ ჩვენს საქმიანობას უფრო სტაბილური სახე მივეცით და ორი წლის წინ ჩამოვაყალიბეთ სტუდია "ველოსიპედი".
გვაქვს ხატვის ვიდეოგაკვეთილებიც. სამომავლოდ ახალ რუბრიკას ვამზადებთ. "ჟოზე მეგობარია" - ეს იქნება ამ რუბრიკის სახელი, რომელშიც იგავის ფორმით წამოვჭრით სხვადასხვა ბავშვურ პრობლემას, ჟოზე კი ბავშვებს ამ პრობლემის გადაჭრაში დაეხმარება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მეტეხის ხიდიდან, მტკვარში კიდევ ერთი მანქანა გადავარდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
