როგორ გამოიყურება ათონელის რეზიდენციის ჭაღი, რომელშიც პრეზიდენტმა 59 000 დოლარი გადაიხადა
გასულ დღეებში მედიისა და საზოგადოების ყურადღების ცენტრში მოექცა ათონელის რეზიდენციაში არსებული ანტიკვარული ნივთები, რომლის შეძენაზე პრეზიდენტის ადმინისტრაციამ მილიონ ლარზე მეტი დახარჯა. საუბარია ანტიკვარულ ჭაღებზე, ხალიჩებსა და საათებზე...
კერძოდ, "ინფორმაციის თავისუფლების განვითარების ინსტიტუტის" მიერ გამოქვეყნებული ინფორმაციის თანახმად, პრეზიდენტის ანტიკვარული ავეჯისა და ინტერიერის აქსესუარების შეძენაზე 1 199 558 ლარი დაიხარჯა. შეძენილ ნივთებს შორის არის: 10 გარნიტური/სამეული, 7 ბული/ბიურო მარკეტრი, 7 ჭაღი, 5 მაგიდა, 3 ბუხრის საათი, 3 სარკე, 3 შანდალი, 2 ხალიჩა და სხვა;
- ანტიკვარული ჭაღები, ხალიჩები და საათები - რამდენი დახარჯა სალომე ზურაბიშვილმა რეზიდენციის მოსაწყობად
შეძენილი ანტიკვარებიდან ერთ-ერთი ყველაზე ძვირადღირებული და ძველი ნივთი რეზიდენციის პირველივე მისაღებ ოთახშია განთავსებული. საუბარია ჭაღზე, რომელიც რუსეთის საიმპერატორო ქარხანაში XIX საუკუნეშია დამზადებული და მასში პრეზიდენტმა 59 000 აშშ დოლარი გადაიხადა. იგი მოოქროვილია და ლურჯი და თეთრი ბროლით არის გაწყობილი.
ავტორი: ქეთი გიგოლაშვილი