მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რამდენ ხანს უნდა დარჩეთ სახლში გრიპის გადატანის შემდეგ? - ექიმების რეკომენდაცია
10:54 / 03-12-2019
ხშირია შემთხვევები, როდესაც გრიპის გადატანის შემდეგ ადამიანი მალევე უბრუნდება სამსახურს, უნივერსიტეტს, სკოლას და ა.შ. თუმცა ხშირად, ეს ახალი ვირუსით დაინფიცირების მიზეზი ხდება და დასუსტებულ ორგანიზმს გრიპი უფრო რთულად გადააქვს.
აშშ-ში, დაავადებათა კონტროლის ცენტრების მედიკოსები თანხმდებიან იმაზე, რომ ადამიანმა გრიპის გადატანის შემდეგ, გარკვეული პერიოდი რეაბილიტაციისთვის სახლში უნდა გაატაროს და სამსახურს გამოჯანმრთელებული დაუბრუნდეს. სან-ფრანცისკოელი ექიმი, ჯეიმს უანთაკი მიიჩნევს, რომ თუ ადამიანმა ვირუსი მსუბუქ ფორმაში გადაიტანა, რეაბილიტაციისთვის მინიმუმ, 24 საათი სჭირდება, ხოლო თუ უფრო რთულ ფორმაში ჰქონდა, გრიპის გადატანის შემდეგ, 4 დღე მაინც უნდა დარჩეს სახლში.
ამ მოსაზრებას ქართველი ექიმებიც იზიარებენ. პედიატრი და ოჯახის ექიმი, ნადული კოხრეიძე AMBEBI.GE-სთან ამბობს, რომ კარგი იქნება, თუ გრიპის გადატანის შემდეგ რეაბილიტაციისთვის ადამიანი ერთ კვირას მაინც სახლში გაატარებს.
"თუ ადამიანმა ვირუსი უკვე გადაიტანა, ის სხვებისთვის სახიფათო აღარაა. შეიძლება ცოტა სისუსტე დარჩეს, მაგრამ ინფექციის წყაროს აღარ წარმოადგენს. ინფექციის წყარო ძირითადად არის დაავადებული ადამიანი და ამ მხრივ, პირველი ოთხი დღე - როცა იწყება სიმპტომატიკა, განსაკუთრებით საშიშია. რა თქმა უნდა, სასურველია, თუ ამ დროს არ ივლით სამსახურში, სკოლაში, ბაღში და ა.შ. იმიტომ, რომ გადამდები ხართ, ინფექციის წყარო ხართ.
თუ უკვე გადაიტანეთ ვირუსი და ზოგადი სისუტე გაქვთ, ეს უკვე აღარ არის გადამდები. ინფექციის წყარო არის უშუალოდ პირველი ეტაპი, როდესაც იწყება ვირუსი
პირადად ჩემთვის მიუღებელია, როდესაც ვირუსიანი ბავშვის მშობელი ამბობს, რომ ბავშვი ბაღში უნდა მიიყვანოს, რადგან სამსახურს ვერ გააცდენს. თუ დროულად მიმართავს ბავშვის პედიატრს, მას შეუძლია ბიულეტენი გაუხსნას დედას ავადმყოფის მოვლასთან დაკავშირებით, მოუვლის თავის შვილს და სხვა ბავშვები აღარ დაინფიცირდებიან. შედეგად, ასეთი დიდი შემოტევებიც არ იქნება.
განსაკუთრებით საშიში არის პირველი ოთხი დღე. გადამდები ამ შემთხვევაში არამარტო დაავადებული ადამიანია, არამედ ის საგნებიც, რომელსაც გრიპის ვირუსით დაინფიცირებული ხელს ჰკიდებს, ისიც კი ინფექციის წყაროა" - ეუბნება AMBEBI.GE-ს ნადული კოხრეიძე.
პედიატრის თქმით, როცა ამბობენ, რომ ადამიანს „გრიპი შეუბრუნდა“ სინამდვილეში, ის სხვა ტიპის ვირუსით დაინფიცირდა. დასუსტებულ იმუნიტეტზე კი, გრიპი უფრო რთული ფორმით იჩენს ხოლმე თავს.
"A და B ჯგუფის ვირუსებს თავისი ბევრი ქვეტიპი აქვს. წარმოიდგინეთ, შედარებით შესუსტებულ იმუნიტეტზე კიდევ ახალი ვირუსი რომ დაემართება, რა თქმა უნდა, შეიძლება უფრო ძლიერი გართულება მოჰყვეს, იმიტომ რომ დასუსტებულ ორგანიზმს შეხვდა განმეორებით ახალი ვირუსი.
ვირუსი შეიძლება გაგრძელდეს ერთი კვირა, ათი დღე, მაგრამ გადატანილი ინფექციის შემდეგ, 20 დღის განმავლობაშიც კი, შესაძლებელია, დარჩეს სახსრების გაღიზიანება და სისუსტე. ყველა ინდივიდუალურია, ერთნაირი სიძლიერის ხომ არ ვართ, ერთნაირად ხომ ვერ გავუმკლავდებით ინფექციას?! როგორც ვთქვი, ზოგ შემთხვევაში შესაძლოა, 20 დღეც კი დასჭირდეს რეაბილიტაციას.
სასურველი იქნება თუ ადამიანი რომელსაც ახალი გადატანილი აქვს ვირუსი, სახლში გაჩერდება და სახლის პირობებში, რა თქმა უნდა, ექიმთან კონსულტაციის შემდეგ, მკურნალობას ჩაიტარებს და სრულად გამოჯანმრთელებული დაუბრუნდება საზოგადოებას.
20-დღიანი რეაბილიტაცია და 20 დღე სახლში ყოფნა წარმოუდგენელია, მაგრამ ერთი კვირა ნამდვილად შესაძლებელია და სასურველია
ოჯახის ექიმის თქმით, ახლა ძირითადად სეზონური ვირუსებია გავრცელებული და შედარებით მსუბუქად მიმდინარეობს.
"ისეთი გართულებები ადრე რომ იყო, პანდემიური და ა.შ არ გვქონია. სეზონური ვირუსები შედარებით მსუბუქად მიმდინარეობს. დაავადება 5-10 დღის განმავლობაში გრძელდება. მაგრამ ამ წუთას ისეთი დიდი შემოტევა, რომ სტაციონარები გადავსებული იყოს, არ არის.
მომართვიანობა, რა თქმა უნდა, ძალიან დიდია, მაგრამ ამას ამ ეტაპისთვის პირველადი რგოლი უმკლავდება. როცა პანდემიაა, მას ვერ აუდის ვერც პირველადი რგოლი და ვერც სტაციონარები, იმდენად დიდი გართულება მოჰყვება“ - გვეუბნება კოხრეიძე.
ექიმი ურჩევს ადამიანებს, რომ გართულებების თავიდან ასაცილებლად, სეზონის დასაწყისში ვაქცინაცია ჩაიტარონ.
"არის საშუალება, რომ გაკეთდეს ეს ვაქცინები, არის სამკომპონენტიანი, ოთხკომპონენტიანი ვაქცინები და უნდა გითხრათ, რომ საკმაოდ ხარისხიანი ვაქცინებია. ექვსი თვიდან, შესაძლოა ჩვილსაც გაუკეთოთ გრიპის საწინააღმდეგო ვაქცინა და წარმოიდგინეთ, ერთი წლის განმავლობაში აქვთ იმუნიტეტი ვირუსის მიმართ" - ამბობს ნადული კოხრეიძე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
