მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კონკურსანტებთან ენის მოჩლექვით ლაპარაკი არ მიყვარს, ეს ბრძოლაა გადარჩენისთვის" - ჟიური და თორნიკე ყიფიანი "საქართველოს ვარსკვლავში" განვითარებულ მოვლენებზე
14:41 / 02-12-2019
„საქართველოს ვარსკვლავის“ მორიგი ლაივშოუ შედგა. კონკურსის ეს ტური ქართულ სიმღერას დაეთმო. კონკურსანტებმა ქართველი მუსიკოსების პოპულარული სიმღერები წარმოადგინეს. თითოეულმა ინდივიდუალურად შეძლო ეს, ამოცანას თავი მშვენივრად გაართვა, ისე, რომ არ დამსგავსებოდა, სიმღერის შემსრულებელს. ეს ჟიურიმაც ერთხმად აღნიშნა და კონკურსანტების საგულშემატკივროდ მოსულმა ცნობილმა თუ უცნობმა ადამიანებმა. ლაივკონცერტის ლიდერი მაყურებელთა გადაწყვეტილებით, თორნიკე ყიფიანი უკვე მეორედ გახდა, კონკურსს კი ნიკა კალანდაძე გამოეთიშა, რომელიც ამ შედეგს ამჯერად არ ელოდა, თუმცა ამისთვის, როგორც აღნიშნა, მზად იყო, რადგანაც კონკურსია და ყველაფრი ხდება.
თორნიკე ყიფიანი:
- ძალიან კარგი კონცერტი იყო, მადლობა ჩემს მხარდამჭერებს, რომ გვერდში მიდგანან, ადამიანებო, ღმერთმა დაგლოცოთ და გაგახაროთ!
- შენ შეარჩიე სიმღერა, რომელიც დღეს წარმოადგინე?
- ძალიან კარგი სიმღერაა, სერგი გვარჯალაძე ჯგუფთან „გენეტიკური კოდი“ მღეროდა მას. საერთოდ, სიმღერებს, რაც უნდა შევასრულოთ, მუსიკალურ პროდიუსერთან ვათანხმებთ.
- როდესაც საკონკურსო ნომერი სცენაზე გამოგაქვს, ვინმეს ხომ არ უძღვნი?
- ვცდილობ, რაც შეიძლება კარგად შევასრულო, მიძღვნით ვერ გეტყვით, ვინმეს ვუძღვნი თუ არა.
- რას აპირებ შემდეგ ტურზე - როგორ ფიქრობ, ისევ ლიდერი იქნები?
- ვეცდები, მაგრამ ეს ჩემს მხარდამჭერებზე, გულშემატკივარზეა დამოკიდებული. მთავარი ის არის, რომ ღირსეულად გამოვიდე და ხალხის ნდობა არ დავკარგო.
- კონკურსი ამჯერად ნიკა კალანდაძემ დატოვა. მასზე და საერთოდ, კონკურენტებზე რას გვეტყვი.
- ისეთი საკითხია - არ იცი, ვინ წავა და ვის გაუშვებს მაყურებელი. ნიკა ძალიან ნიჭიერი და ინდივიდუალური შემსრულებელია. რაც შეხება კონკურენტებს, მეგობრები არიან და მეგობრული ურთიერთობა მაქვს მათთან.
- მგონი, მათში ყველაზე გამოცდილი ხარ. ამასთან, მოგებულ გაქვს ერთ-ერთი კონკურსიც...
- სხვებიც არიან სხვა პროექტების გამარჯვებულები და ამა თუ იმ პროექტში მონაწილეობის გამოცდილება აქვთ. ზოგი მუსიკოსების ოჯახშია გაზრდილი... ერთადერთი, ასაკით ვარ ცოტა მათზე უფროსი, რადგანაც სიმღერა გვიან, 19 წლის ასაკში დავიწყე, ახლა უკვე 32 წლის ვხდები.
თიკო ბერძენიშვილი, ჟიურის წევრი:
- ქართული ტური, როგორც თამრიკო ჭოხონელიძემაც აღნიშნა, ეს იყო ნამდვილი კონცერტი, საოცარი შესრულება მოვისმინეთ. მისგან ეს შეფასება, მით უფრო, ქართულ ტურში, მნიშვნელოვანია. იგივე განცდა გვქონდა ჟიურის წევრებსაც. კი ვართ სუბიექტურები, მაგრამ რადგანაც ჩვენი არჩეულია 10-ვე კონკურსანტი, მაინც ვცდილობთ, ობიექტურად, ცივი გონებით მივუდგეთ ყველაფერს. რაც შეეხება გავარდნას, კონკურსანტებთან ენის მოჩლექვით ლაპარაკი არ მიყვარს, იმიტომ, რომ როდესაც კონკურსში მოდიხარ, უნდა იცოდე, ეს ველური ბრძოლაა, ბრძოლა გადარჩენისთვის. დამოკიდებულია იმაზე, იმ წუთას მაყურებელი როგორ რეაგირებს.
ჩვენი მხრიდან, ვიცით, რომ „პირველ არხს“ ყველაფერი აქვს გაკეთებული იმისთვის, რომ კონკურსი სამართლიანი იყოს, მით უფრო ხმის მიცემა - ყველაზე დიდი დატვირთვა ამაზე მოდის, ამიტომ, მოვუწოდებთ გააქტიურდეს გულშემატკივარი, საკუთარი ფავორიტი გამოავლინოს.
- თორნიკე ყიფიანი, ხმათა უმრავლესობით, უკვე მეორედ გახდა კონკურსის ლიდერი. რას იტყვით?
- ძალიან მიხარია თორნიკეს ასეთი წარმატება. ეს აღვნიშნე კიდეც შოუში. მან სერგის და ბობის საოცარი სიმღერა წარმოადგინა, რომელიც ჩემი თაობის სიმღერა იყო, 90-იანების უშუქო პერიოდში ვმღეროდით. მართლა ჰაერივით და ჟანგბადივით იყო. თორნიკემ ის აბსოლუტურად განსახვავებულად შეასრულა. ვფიქრობ, რომ ყველაფერი იყო ნათქვამი და მიხარია, რომ მაყურებელი, მსმენელი გემოვნებიანი და ბრძენია. იცის, ვინ როგორ დააფასოს.
- ნიკა კალანდაძე განსხვავებული შემსრულებელია, სამწუხაროდ, მან დატოვა პროექტი...
- როგორც ლიზაზე („საქართველოს ვარსკვლავის“ პირველი სეზონის ფინალისტი. - ავტ), ისევე ნიკაზე ვფიქრობ და ვიტყვი, რომ ასეთი ნიჭიერი ორი ადამიანი ერთი ოჯახიდან, იშვიათად არის ხოლმე. თუმცა პირადადაც ვუთხარი, - ეს არის მისი პირველი კონკურსი, წინ აქვს აბსოლუტურად ყველაფერი და რჩება ჩვენს ფავორიტად.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ყველაზე კარგად მარიამმა იმღერა ქართული სიმღერა და თან საკმაოდ რთული მაგრამ ეტყობა არ ყავს მდიდარი ახლობლები როპმ ბევრი მესიჯი გაუშვალ, უსამარტობა იყო მარიამის აუტსაიდერში დადგომა!
უდავო ლიდერი ყიფოა! არ უნდა ამას ბევრი ლაპარაკი. ევროვიზიაზეც ყიფო უნდა წარსდგეს.