მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ხელისუფლების და ოპოზიციის შეხვედრა უშედეგოდ დასრულდა
15:58 / 30-11-2019
საქართველოს ხელისუფლებისა და ოპოზიციის წარმომადგენლების შეხვედრა, რომლის ინიციატორი დიპლომატიური კორპუსი იყო, უშედეგოდ დასრულდა.
ელჩების ინიციატივით გამართულ შეხვედრაზე საუბრის ერთ-ერთი მთავარი თემა საარჩევნო სისტემა იყო.
"ერთიანი ნაციონალური მოძრაობის" ლიდერმა გრიგოლ ვაშაძემ შეხვედრის დასრულების შემდეგ განაცხადა, რომ "ქართული ოცნების" წარმომადგენლებს არავითარი წინადადება ან იდეა არ ჰქონდათ და კატეგორიული უარი თქვეს კომპრომისულ შეთავაზებაზე, რომელიც ოპოზიციამ მოამზადა:
"ყოველგვარი დიპლომატიის გარეშე გეტყვით: პირველი - მმართველი გუნდი ამ შემხვედრაზე მხოლოდ იმიტომ მოვიდა, რომ განუწყვეტლივ პრესს განიცდიდა საქართველოს მოქალაქეებისგან, ოპოზიციისგან და ჩვენი სტრატეგიული მოკავშირეებისგან. ისე არავითარ დიალოგზე, რა თქმა უნდა, ეს მმართველი გუნდი ანუ ე.წ. ხელისუფლება არ წამოვიდოდა.
მეორე და ძალიან მნიშვნელოვანი - არაფრისთვის მზად არ იყვნენ, არავითარი წინადადება და არც იდეა არ ჰქონდათ. მესამე, კატეგორიული უარი თვეს განხილვაზე იმ კომპრომისული შეთავაზების, რომელიც ოპოზიციამ მოამზადა და გუშინ 30-მა პარტიამ მოაწერა ხელი. მეოთხე, ჩვენ დავადასტურეთ, რომ მიუხედავად იმისა, რომ ეს შეხვედრა სრულიად უშედეგოდ დასრულდა, თუ ამას მოინდომებენ ჩვენი მედიატორები და სტრატეგიული პარტნიორები, ჩვენ მეორე რაუნდსაც დავესწრებით.
არ მივცემთ არასდროს „ქართულ ოცნებას“ და ე.წ.მმართველ გუნდს იმის თქმის საშუალებას, რომ ოპოზიცია საუბრისთვის მზად არ არის“, - განაცხადა გრიგოლ ვაშაძემ.
იუსტიციის მინისტრის თეა წულუკინის თქმით, "ე.წ. გერმანული მოდელი, რომელსაც ოპოზიცია ითხოვდა, არის თუ არა კონსტიტუციური, ამაზე შედგა ღრმა მსჯელობა, როგორც სამართლებრივი, ასევე პოლიტიკური".
მისივე თქმით, ოპოზიციამ ვერ წარმოადგინა ვერანაირი არგუმენტი, რომლითაც „გერმანული მოდელის“ კონსტიტუციურობა წარმოჩინდებოდა.
"ჩვენი პოზიცია ურყევია, რომ საკონსტიტუციო ცვლილებები ვერ განხორციელდება, საკონსტიტუციო მოდელი, რაც წერია კონსტიტუციაში არის ძალაში და „გერმანული მოდელი“ არის ანტიკონსტიტუციური.
თუმცა, თუ იქნება სხვა რაიმე ტიპის შემოთავაზებები, რომლის შესახებაც გარკვეული მინიშნებები უცხოელი კოლეგებისგან გაკეთდა და თუ ეს შემოთავაზებები ჯდება იმ კონსტიტუციაში, რომელიც დღეს არის მოქმედი და 2020 წლის არჩევნებზე იქნება მოქმედი, რა თქმა უნდა, „ქართული ოცნება“ არ დაიზარებს“, - განაცხადა თეა წულუკიანმა.
საქართველოში ევროკავშირის ელჩმა, კარლ ჰარცელმა შეხვედრის დასრულების შემდეგ ჟურნალისტებს განუცხადა, რომ ეს იყო ძალიან ღირსეული განხილვა, რომელშიც სხვადასხვა მხარე იყო ჩართული.
"ჩემი მოლოდინი არ იყო, რომ ჩვენ საბოლოო დასკვნებს გავაკეთებდით ამ შეხვედრის დროს. ამ შემთხვევაში მე რეალისტი არ ვიქნებოდი. ჩემი მოლოდინიც ის იყო, რომ მხარეებს მეტად გაეგოთ ერთმანეთის, თუ რა არის ძირითადი მოთხოვნები და იმედია, ეს შეხვედრა გახსნის სამომავლოდ კარს.
არსებობს განსხვავებული მოსაზრებები და შეხედულებები ამ დიალოგის მიმდინარეობასთან დაკავშირებით, მაგრამ ზედმეტ დეტალებში თუ არ შევალ, ჩემთვის დამაკმაყოფილებელია, რომ დიალოგი შედგა. ვფიქრობ, შეთანხმება დიალოგის გაგრძელებაზე გვაჩვენებს, რომ ჩვენ სერიოზული პროცესი გვაქვს“, - განაცხადა ჰარცელმა.
შეხვედრას ესწრებოდნენ საპარლამენტო და არასაპარლამენტო ოპოზიცია, მმართველი გუნდის წარმომადგენლები, დიპლომატიური კორპუსი, მათ შორის ამერიკის, გერმანიის და ევროკავშირის ელჩები.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვინმემ ამიხსენით,თუ ამ 2 ნაკომკავშირალ მოქკავშირის კლანგლომერატს არ შეუძლიათ საკონსტიტუციო ცვლილებისათვის სხდომა გამართონ ,ქვორუმიცა აქვთ და ნებაც ,რა სპექტაკლს აწყობენ ?ჰერ ჰარცელ!ნაცი დამნაშავეა , ციხეში უნდა იჯდეს და არა პარლამენტში ! ბევრი ქოციც! ეს დაპირისპირება პროპორციული ,თუ მაჟორიტარული, არათითიდანაა გამოწოვილი,რადგან ორივემ იცის ,ჩვენც ვიცით,რომ ყალბია მოსახლეობის აღწერის და საარჩევნო სია,სხვა სიებიც ყალბია,გაყალბდება ეს არჩევნებიც,როგორც აქამდე ყველა სხვა გაყალბდა! ორი მილიონი ამომრჩეველი საერთოდ არ დადის არჩევნებზე,არც მოვა,ემიგრაცია მიშამ გაიყვანა გაღმა საარჩევნო პროცესიდან და ბიძინამ არ დააბრუნა ,ეს ისინია ,ვინც იცის რომ ყალბია სია,დიახ, 600-700 ათასი კაცი ხან მეტია,ხან ნაკლები ,მოსახლეობის აღწერაც ყალბია და უამრავი სხვა სია,ამაში კეთდება ფული ! ახლა ხომ არ დავობენ სიებზე ??არა !! ესე იგი ერთად აყალბეს აქამდეც და ერთად გააყალბებენ ახლაც ! დიახ, დემოკრატიული პროცესიდან გაყვანილია ხალხი ,ამომრჩეველი და დარჩენილია ნაცქოცი ,ორი ფრთა მოქკავშირისა,ის კი კომკავშირია,კომპარტიაა მოქკავშირი !
რეფერენდუმი,პლებისციტი,არჩევნები-არცერთი არ გვაქვს ,ესაა რეჟიმული დიქტატურა,ესაა ბერლინის კედელი ედუარდმიშას აგებული,ბიძო რომ არა ხსნის !