მნიშვნელოვანი ინფორმაცია
18
მარტიდღის ზოგადი ასტროლოგიური პროგნოზი
სამშაბათი, მთვარის მეცხრამეტე დღე, მთვარე მორიელშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
3 დიდი გამზირის რეაბილიტაცია, უბნების დამაკავშირებელი ხიდები და "მარშრუტკების" ჩანაცვლება - რა პროექტები იგეგმება თბილისში
13:24 / 27-11-2019
2020 წელს თბილისში რამდენიმე დიდი გამზირის რეაბილიტაცია დაიწყება, დაწყებული პროექტების ნაწილი კი, მომავალი წლის გაზაფხულზე დასრულდება, - ამის შესახებ თბილისის მერმა კახა კალაძემ მუნიციპალიტეტის მთავრობის სხდომაზე განაცხადა. როგორც კალაძემ აღნიშნა, მერია ქეთევან წამებულის, წერეთლის, ვაჟა-ფშაველას გამზირების სრულ რეაბილიტაციას გეგმავს.
„დაწყებული გვაქვს და გაზაფხულზე დასრულდება მარშალ გელოვანისა და მუხრან მაჭავარიანის ქუჩის დამაკავშირებელი სრულიად ახალი გზის მშენებლობა; საკმაოდ ვითარდება არსებული ტერიტორია, გვაქვს მისასვლელი გზების პრობლემა და დავიწყეთ ამ სამუშაოების განხორციელება. მოეწყობა ბეტონის გზა და გაზაფხულზე დასრულდება სამუშაოები. დაწყებული გვაქვს ჭავჭავაძის გამზირის სრული რეაბილიტაცია, რომელიც ასევე გაზაფხულზე დასრულდება თავისი გამწვანების სამუშაოებით, ახალი განათების ბოძებით.
ვაპირებთ საბურთალოს და ბაგების დამაკავშირებელი ხიდის პროექტის განხორციელებას. ასევე წერეთლის, ვაჟა-ფშაველას, ქეთევან წამებულის გამზირების სრულ რეაბილიტაციას. აქაც ანალოგიური მიდგომა და დამოკიდებულება გვექნება როგორც ჭავჭავაძის გამზირზე, როგორც ვეკუასა და ხიზანიშვილის ქუჩებზე. მოწესრიგდება მიწისქვეშა კომუნიკაციები, წყლის სისტემები, შეიცვლება გაზის მილები. გამწვანება თავიდან განახლდება და დარწმუნებული ვარ, ეს გამზირებიც იქნება კეთილმოწყობილი და განახლებული, როგორც სხვა შემთხვევაში გვქონდა", - განაცხადა კალაძემ.
თბილისის მერიის ინფორმაციით, 2019 წლის ბოლოდან ასევე დაიწყება უნივერსიტეტის მაღლივი კორპუსიდან წყნეთის გზატკეცილამდე დამაკავშირებელი გზის მშენებლობა; დასრულდება გუდიაშვილის მოედნის რეაბილიტაცია.
გარდა ამისა, მერია მიკროავტობუსების პარკის ჩანაცვლებას გეგმავს. კახა კალაძემ ვიცე-მერს ორი კვირის ვადა მისცა, რომ შესაბამის კომპანიასთან ერთად წარმოადგინოს კონკრეტული გეგმა, რომ 2020 წლიდან დაიწყოს მიკროავტობუსების ჩანაცვლება.
როგორც კალაძემ განაცხადა, აქამდე მიკროავტობუსებთან დაკავშირებით პოზიცია არ დაუფიქსირებია, რადგან კომპანია „სისტრას“ კვლევის შედეგებს ელოდა. მისივე თქმით, კვლევამ აჩვენა, რომ მიკროავტობუსების როლი მნიშვნელოვანია.
„აქამდე ჩვენი პოზიცია მიკროავტობუსებთან დაკავშირებით არ დაგვიფიქსირებია და ამის მიზეზსაც გეტყვით: იცით, რომ კომპანია „სისტრა“ ახორციელებდა საზოგადოებრივი ტრანსპორტის რეფორმის ანალიზს და ჩვენთვის გარკვეული პერიოდი საერთოდ უცნობი იყო მიკროავტობუსებს ექნებოდა თუ არა ადგილი საზოგადოებრივი ტრანსპორტის შემადგენლობაში. როგორც იცით, კვლევა ჩაბარებულია, ანალიზიც გაკეთებულია. ქალაქის რელიეფის თავისებურებებიდან, ქუჩების მოცულობიდან და გამტარიანობიდან გამომდინარე, ყველა ქუჩაზე შეუძლებელია იმ ავტობუსების გადაადგილება, რომელიც შემოგვყავს 8, 10 და 12-მეტრიანი ავტობუსები და სამომავლოდ ვგეგმავთ უფრო დიდი, 18 და 24-მეტრიანი ავტობუსების შემოყვანას. კვლევამ გვიჩვენა, რომ მიკროავტობუსების როლი და არსებობა მნიშვნელოვანია. საზოგადოებას უნდა გავუზარდოთ ტრანსპორტზე ხელმისაწვდომობა და მიკროავტობუსების როლი შიდასაუბნო დონეზე მნიშვნელოვანია.
კვლევა გვაჩვენებს, რომ მიკროავტობუსები აუცილებელია, შესაძლოა, არა იმ რაოდენობით, რაც იყო თავდაპირველად, მაგრამ ინტეგრირება მეტროსთან, ავტობუსებთან მნიშვნელოვანია. აქ დღეს გვაქვს მეორე პრობლემა - ამ ავტობუსების მდგომარეობა, რომელიც კრიტიკას ვერ უძლებს. არ უნდა გვეწყინოს, როდესაც საზოგადოება გამოთქვამს უკმაყოფილებას ამ პრობლემასთან დაკავშირებით. ბოლო პერიოდში, რაც ყვითელი ავტობუსების ჩანაცვლება დავიწყეთ, ძალიან დაიკლო მიკროავტობუსებში მგზავრების რაოდენობამ. რა თქმა უნდა, ყველას აქვს სურვილი განახლებული, მოწესრიგებული ავტობუსებით იმგზავროს“,- განაცხადა კალაძემ.
როგორც კალაძე აცხადებს, მისთვის, როგორც მერისთვის მიუღებელია მიკროავტობუსების ამ მდგომარეობაში ხილვა ქალაქში.
„საშინელ მდგომარეობაშია გამონაბოლქვის თავლსაზრისით, ზოგს საერთოდ ძირი აქვს გავარდნილი. მე არ ვაპირებ რამოდენიმე წელი ველოდოთ, როდის მოხდება ჩანაცვლება.
მინდა დავავალო ვიცე-მერს, ირაკლი ხმალაძეს, რომ უმოკლეს ვადაში, მაქსიმუმ 2 კვირაში კომპანიასთან, რომელთანაც ჯერ კიდევ წინა ხელისუფლების დროს გაფორმდა ხელშეკრულება, თუ არ ვცდები 2030 წლამდე, მჭიდრო კომუნიკაციით დაიწყეთ მოლაპარაკება, რომ დავიწყოთ მიკროავტობუსების ჩანაცვლების პროცესი“, - აღნიშნა კალაძემ.
ამასთან, დედაქალაქის მერმა ყვითელი ავტობუსების ჩანაცვლებასა და მეტროს რეაბილიტაციაზეც ისაუბრა.
„დავიწყეთ მეტროს ვაგონების მოდერნიზაცია, ვაგონების დამატება, სადგურების რეაბილიტაცია, რომელიც გაჭიანურდა, თუმცა ყველაფერი გაკეთდება ხარისხიანად და სამუშაოებს მივიყვანთ ბოლომდე.
დავიწყეთ ავტობუსების ჩანაცვლების პროგრამა, ვგულისხმობ ყვითელი ავტობუსების ჩანაცვლებას, რომელიც დღეს სერიოზულ პრობლემას წარმოადგენს ქალაქისთვის. დისკომფორტულია მგზავრობა და ეკოლოგიური მიმართულებით დიდ პრობლემას წარმოადგენს. ეს პროცესი წარმატებით მიმდინარეობს და 2020 წლის დასაწყისში ვფიქრობთ, რომ მთლიანად ჩავანაცვლებთ არსებულ ყვითელი ავტობუსების პარკს და დამატებით გვინდა 100 ერთეული ავტობუსის შესყიდვა. ვატარებთ პოლიტიკას, რომ საზოგადოებამ მეტად მოიხმაროს საზოგადოებრივი ტრანსპორტი და ნაკლებად - კერძო ავტომობილები“, - აღნიშნა კალაძემ.
მკითხველის კომენტარები /
43 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ტრამპის სატარიფო ქაოსი - გაძვირდება თუ არა საქართველოში ამერიკიდან ავტომობილების შემოყვანა?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მე მგონი დროა ჩვენი უმერესი მერი მილანში გავუშვათ მერის თანამდებობაზე,ისევე როგორც ფეხბურთელობისას:აქ ისწავლა და მერე მილანში იღწვოდა. პრინციპში კიევის გავლითაც შეიძლება
დიდ დიღომს მიხედეთ.3 ავტობუსი რომ დადის.