მნიშვნელოვანი ინფორმაცია
23
ივნისიდღის ზოგადი ასტროლოგიური პროგნოზი
ორშაბათი, მთვარის ოცდამეშვიდე დღე დაიწყება 02:18-ზე, მთვარე ტყუპში გადავა 06:57-ზე –
რეკომენდებულია საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. არ დალიოთ ალკოჰოლი. მოერიდეთ ხორცის კერძებს. კარგი დღეა რომანტიკული პაემნისთვის. ასევე ხელსაყრელი პერიოდია ჩხუბისა და კონფლიქტის შემდეგ შერიგებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საქართველოს ისტორიის განახლებული ოთხტომეულის პირველი ტომი 2 დეკემბერს გამოვა
12:56 / 25-11-2019
2 დეკემბერს გამოდის საქართველოს ისტორიის ოთხტომეულის განახლებული, შევსებული რედაქციის პირველი ტომი. ეს არის ქართველ მეცნიერთა ჯგუფური ნაშრომი, რომელშიც მოთხრობილია ქვეყნის ისტორიის ყველა ეპოქა და პერიოდი უძველესი დროიდან დამოუკიდებლობის აღდგენამდე, თუმცა ეს ყველაფერი თანამედროვე გადმოსახედიდან არის შეფასებული.
ოთხტომეულს გამომცემლობა „პალიტრა L”ამზადებს. როგორც გამომცემლოაბში განმარტავენ, 8 წლის შემდეგ მკითხველთა თხოვნისა და ინტერესების გათვალისწინებით ბრუნდება გამოცემა განახლებული, გადამუშავებული და შევსებული რედაქციით.
როგორც წიგნის ერთ-ერთი ავტორი გიორგი ოთხმეზური განმარტავს, მკითხველი მიიღებს საინტერესოდ განახლებულ ახალ ვერსიას.
„საზოგადოებას აინტერესებს პუტინის და კოკოითის მოსაზრებები ქუჩუკ-კაინარჯის ზავთან დაკავშირებით. ქართულ-რუსულ ურთოერთობებთან დაკავშირებითაც დიდი ინტერესია. ყველას აინტერესებს, რამ მიიყვანა ერეკლეტრაქტატამდე. ესეთი საკითხები დღევანდელი გადმოსახედიდან იქნება შეფასებული და წარმოჩენილი. სწორედ ამიტომ არის გამოცემა ღირებული,“ - განმარტავს ისტორიკოსი გიორგი ოთხმეზური.
ისტორიის ოთხტომეული პირველად 10 წლის წინ გამოვიდა სასაჩუქრე ყუთით და გამოსვლის დღესვე გაიყიდა სრული ტირაჟი. მას შემდეგ წიგნი კიდევ რამდენჯერმე გამოიცა. თუმცა ახალი რედაქცია მკითხველისთვის განსაკუთრებით მნიშვნელოვანი და საინტერსოა.
მაია ხიზანიშვილმა საქართველოს ისტორიის ოთხტომეული პირველად 10 წლის წინ შეიძინა. როგორც თავად აღნიშნავს, მისთვის ეს გამოცემა ძალიან ღირებულია, თუმცა არანაკლებ საინტერესოა ახალი რედაქცია.
„როგორც წესი, ფაქტების ობიექტური შეფასება წლების შემდეგ ხდება ხოლმე. სწორედ ამიტომ ველოდები განსაკუთრებულად ოთხტომეულის ახალ გამოცემას. მაინტერესებს, დრომ როგორ გადააფასა ჩვენი ისტორია, განსაკუთრებით, უახლესი ისტორიის მოვლენები მაინტერესებს და ველოდები,“ - აღნიშნავს მაია ხიზანიშვილი.
საქართველოს ისტორიის ოთხტომეული შევსებული ტექსტის პარალელურად ახალი დიზაინით გამოდის. გამომცემლობა და პროექტში ჩართული მეცნიერთა ჯგუფი მკითხველს საინტერესოდ განახლებულ ტომებს ჰპირდება. პირველი ტომი გაზეთ „კვირის პალიტრასთან“ ერთად გამოვა და მისი ფასი იქნება 10 ლარი, გაზეთთან ერთად კი 11,5 ლარი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
