საქართველოს ყოფილი პრეზიდენტი მიხეილ სააკაშვილი "ფეისბუქის" ოფიციალურ გვერდზე საგარეჯოში გამართული ქორწილის ფოტოებს აქვეყნებს, სადაც კედლებზე გაკრული "ერთიანი ნაციონალური მოძრაობისა" და ექს-პრეზიდენტის პლაკატები ჩანს.
"საგარეჯოში იორმუღანლოში ქორწილი დღეს. ვულოცავ!" - წერს მიხეილ სააკაშვილი.
პოსტს უამრავი დადებითი კომენტარი აქვს, ყოფილი პრეზიდენტის მხარდამჭერები სააკაშვილს დაბრუნებას და სამშობლოს გადარჩენას თხოვენ, თუმცა ფოტოებს აქვს უარყოფითი კომენტარებიც, რომელთაგან ერთ-ერთმა ექს-პრეზიდენტი გააღიზიანა.
ეს ბოლო კომენტარი მიხეილ სააკაშვილმა უპასუხოდ ვერ დატოვა: "იდიოტობა დაწერეთ!" - წერს სააკაშვილი.
