ატენის ქუჩაზე მომხდარ მკვლელობასთან დაკავშირებით ახალი ვერსია ვრცელდება
ატენის ქუჩაზე მომხდარ მკვლელობასთან დაკავშირებით ახალი ვერსია ვრცელდება. დაუდასტურებელი ინფორმაციით, ატენის ქუჩაზე სამივე ადამიანი სავარაუდოდ, სხვა პირმა მოკლა.
აქამდე არსებული ვერსიით, ლონდონიდან ახლახანს დაბრუნებულმა ახალგაზრდა მამაკაცმა ჯერ ოჯახის ორი წევრი - დედა და და მოკლა, შემდეგ კი თავი მოიკლა.
შსს-ში არც ერთ ვერსიას ოფიციალურად არ ადასტურებენ და აცხადებენ, რომ მომხდარზე საგამოძიებო მოქმედებები გრძელდება. ცნობილია, რომ გარდაცვლილია ერთი ოჯახის სამი წევრი. ესენი არიან - დედა ირინა გედევანიშვილი და შვილები, თაკო და ლევან აბაშიძეები.
აღსანიშნავია, რომ ამ დროისთვის გამოძიება სისხლის სამართლის კოდექსის მხოლოდ ორი მუხლით მიმდინარეობს, 109-ე, რაც დამამძიმებელ გარემოებაში ორი, ან მეტი პირის განზრახ მკვლელობას გულისხმობს და 236-ე, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას ითვალისწინებს.
მთავარ ფოტოზე: მოკლული თაკო აბაშიძე
გუდაურში მომხდარი მკვლელობა ცხელ კვალზე გაიხსნა - დააკავებულს 20 წლამდე ან უვადო პატიმრობა ემუქრება
შსს-მ ყარაჯალაში ახალგაზრდა ქალის მკვლელობის ფაქტი გახსნა - დაკავებულია ერთი პირი
