ვინ არიან ატენის ქუჩაზე მოკლული დედა-შვილი
ატენის ქუჩაზე მომხდარ მკვლელობასთან დაკავშირებით ახალი დეტალები ხდება ცნობილი. გარდაცვლილია ერთი ოჯახის სამი წევრი. ესენი არიან დედა ირინა გედევანიშვილი და შვილები, თაკო და ლევან აბაშიძეები.
ადგილობრივების ინფორმაციით, მამაკაცმა, სავარაუდოდ, ჯერ დედა და და მოკლა, შემდეგ კი თავი მოიკლა. მათი თქმით, შემთხვევა, სავარაუდოდ, გამთენიისას მოხდა.
"მე როგორც გავიგე, ლევანმა დახოცა დედა და და, ამის შემდეგ მოიკლა თავი. მიზეზი არავინ არ იცის. ყველა გაოგნებულია. ლევანი არ იყო კონფლიქტური. გასროლის ხმა არ გამიგია.
ამბობენ, რომ ტრაგედია გამთენიისას მოხდა. ბიჭი ცოტა ხნის წინ ინგლისიდან ჩამოვიდა”, - განაცხადა ერთ-ერთმა ადგილობრივმა მცხოვრებმა.
მომხდარზე გამოძიება სისხლის სამართლის კოდექსის ორი მუხლით, 109-ე და 236- მუხლებით მიმდინარეობს, რაც განზრახ მკვლელობას დამამძიმებელ გარემოებაში და ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარებას გულისხმობს.
ლერი სულაბერიძის განზრახ მკვლელობის მცდელობის ფაქტზე ირაკლი ღლონტს ბრალი წარედგინა
"თვალთვალი, არაადეკვატური სატელეფონო ზარები..." - რა ინფორმაცია მიაწოდეს ომბუდსმენს ბაჩალიაშვილის ოჯახის ადვოკატმა და "ემპათიის" დირექტორმა
