საქართველოში  გრიპის  ვაქ­ცი­ნა 20 ნო­ემ­ბრი­დან შემოვა  - რატომ დაგვიანდა წელს ვაქცინაციის პროცესი

საქართველოში გრიპის ოთხშტამიანი ვაქცინა 20 ნოემბრიდან შემოვა. ამის შესახებ AMBEBI.GE-ს დაავადებათა კონტროლის ეროვნული ცენტრის გადამდებ დაავადებათა დეპარტამენტის უფროსმა განუცხადა. ხათუნა ზახაშვილმა ჩვენთან საუბარში განმარტა, თუ რატომ დაგვიანდა წელს გრიპის ვაქცინის შემოტანა.

"ვაქცინის შტამური შემადგენლობა საერთოდ თებერვალში სახელდება. წელს ერთ-ერთ ვირუსთან დაკავშირებით, ტექნიკური სითულის გამო, დასახელდა მარტში და ამან გამოიწვია დაგვიანებით ვაქცინის შექმნა. შესაბამისად, წარმოებაც დაიწყო ერთი თვით გვიან და ამ მდგომარეობაში აღმოჩნდა მთელი ჩრდილო ნახევარსფერო - ყველა ქვეყანაში გვიან დაიწყო ვაქცინაცია.

კერძო სექტორში, ჩვენი ინფორმაციით, 20 ნოემბრიდან გაჩნდება ოთხშტამიანი ვაქცინა", - განაცხადა ხათუნა ზახაშვილმა.

დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო ხელმძღვანელი, პაატა იმნაძე აცხადებს სახელმწიფო პროგრამის ფარგლებში, წელს განსაკუთრებით მაღალი რისკის მქონე 100 000 ადამიანი აიცრება.

• რა უნდა ვიცოდეთ ბავშვის ზამთრის კურორტზე წაყვანის წინ - ექიმის რამდენიმე რჩევა
• წითელას შემთხვევებით საქართველო მე-3 ადგილზეა - გახდება თუ არა ვაქცინაცია სავალდებულო
• დაგჭირდებათ თუ არა ხელახალი აცრა, თუ ბავშვობაში წითელას ვაქცინა გაკეთებული გაქვთ
• რა დაავადებები დაამარცხა მსოფლიომ ვაქცინაციით და რა მოხდება თუ ქვეყანაში ყველა ადამიანი აიცრება