პარლამენტთან მიმდინარე აქციის მონაწილეებმა კახა კალაძეს შუა თითი უჩვენეს

პარლამენტის წინ მიმდინარე აქციაზე მოძრაობა „სირცხვილიას" ორგანიზატორებმა“ და აქციის მონაწილეების გარკვეულმა ნაწილმა კახა კალაძეს შუა თითი უჩვენეს.

„ჩვენ, საქართველოს მოქალაქეები კახა კალაძეს იმ ჟესტის საპასუხოდ, რომელიც მან უმრავლესობის სხდომიდან გამოსვლის შემდეგ აქციის მონაწილეების მიმართ გამოიყენა, ვაჩვენებთ შუა თითს",- განაცხადა მოძრაობა „სირცხვილიას" ერთ-ერთმა ორგანიზატორმა, ნოდარ რუხაძემ სიტყვით გამოსვლისას.

შეგახსენებთ, რომ უმრავლესობის სხდომიდან გამოსულმა კახა კალაძემ, მანქანაში ყოფნისას უხერხული ჟესტი გამოიყენა. იმ დროს "ქართული ოცნების" ოფისთან სამოქალაქო ჯგუფების აქცია მიმდინარეობდა. თბილისის მერის აღნიშნული ჟესტი გარკვეულმა პირებმა თავის თავზე მიიღეს.