ქარელში ავტოსაგზაო შემთხვევას 16 წლის მოზარდი ემსხვერპლა

ქარელში მომხდარი ავტოსაგზაო შემთხვევის შედეგად 16 წლის მოზარდი დაიღუპა. ავარია ქარელი-კეხიჯვრის მონაკვეთზე, დევნილების საცხოვრებელ კორპუსთან მოხდა. კორპუსის მაცხოვრებლების განცხადებით, საავტომობილო გზაზე მოძრავი მანქანა ქვეითს დაეჯახა. მათივე თქმით, არასრულწლოვანი ადგილზე დაიღუპა. გარდაცვლილი 16 წლის გიორგი გოგინაშვილია. გოგინაშვილების ოჯახი ოკუპირებული ცხინვალის რეგიონიდანა არის დევნილი.

შსს-ს ინფორმაციით, მომხდარ ფაქტზე გამოძიება სისხლის სამართლის კოდექსის 276-ე მუხლის მე-6 ნაწილით მიმდინარეობს.