მნიშვნელოვანი ინფორმაცია
20
ივნისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 01:42-ზე, მთვარე ვერძშია – ფიზიკური ძალის ძლიერი ზრდაა. შესანიშნავია საპირისპირო სქესთან კომუნიკაცია. ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ რემონტი. იყიდეთ უძრავი ქონება. კარგია გამოფენების, სპექტაკლების, კონცერტების, შემოქმედებითი საღამოების გამართვა. ისწავლეთ, აიმაღლე კვალიფიკაცია. საკვები უნდა იყოს მრავალფეროვანი და ნოყიერი. არ არის მიზანშეწონილი შიმშილი. კარგია ვარჯიში და იოგა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თამთა თოდაძე დედასთან ერთად აპირებს საზღვარგარეთ მოითხოვოს პოლიტიკური თავშესაფარი, თითქოს მას დევნიან" - მარიამ კუბლაშვილი
11:27 / 12-11-2019
"დაზარალებული თამთა თოდაძე დედასთან ერთად საზღვარგარეთ წასვლას აპირებს, სადაც პოლიტიკურ თავშესაფარს მოითხოვს" - ამის შესახებ "ინტერპრესნიუსს" საკრებულოს ბრალდებული დეპუტატის, ილია ჯიშკარიანის ადვოკატმა მარიამ კუბლაშვილმა განუცხადა.
როგორც კუბლაშვილი განმარტავს, სასამართლომ ჯიშკარიანის დაცვის შუამდგომლობა დააკმაყოფილა და წინასასამართლო სხდომის ვადა 18 ნოემბრის ნაცვლად - 2 დეკემბრამდე გადაწია.
ადვოკატი აცხადებს, რომ მან უამრავი მტკიცებულება მოიპოვა, თუმცა, დამატებით სჭირდება გონივრული ვადა, რომ აიღოს სასამართლოს განჩინებები, რათა გამოითხოვოს დამატებითი ინფორმაცია, რომლებიც შეიცავს პერსონალურ მონაცემებს და შემხებლობაშია სისხლის სამართლის საქმესთან.
"პარასკევს, საკრებულოს სხდომის შემდეგ ილია ჯიშკარიანი შეუძლოდ გახდა, ჰქონდა ძლიერი ტკივილი გულ-მკერდის არეში, მაგრამ უარი განაცხადა საავადმყოფოში გადაყვანაზე. შაბათს კი, ინფარქტის დიაგნოზით მოხდა მისი ტრანსპორტირება" - აღნიშნავს კუბლაშვილი.
მისივე განცხადებით, ჯიშკარიანის სიცოცხლის გადარჩენა სრულიად შემთხვევითმა გარემოებებმა განაპირობა.
"საკრებულოს სხდომაზე მან ისარგებლა სიტყვის უფლებით, კოლეგებს მიმართა, რომ ის აუცილებლად დაამტკიცებს საკუთარ უდანაშაულობას. ნაციონალური პარტიის წარმომადგენელმა დეპუტატმა - ლილე ლიპარტელიანმა მას მოძალადე უწოდა და დემონსტრაციულად, პარტიის ყველა წევრთან ერთად დატოვა სხდომა. მისი თქმით, ამ უკანასკნელს გადადგომის შესახებ განცხადება უნდა გაეკეთებინა.
ამ საკითხთან დაკავშირებით ბრიფინგის გამართვას ვგეგმავ. აღნიშნულმა პიროვნებამ უხეშად დაარღვია უდანაშაულობის პრეზუმფცია, რომელიც წარმოადგენს სამართლიანი სასამართლო პროცესის უმნიშვნელოვანეს პრინციპსა და დემოკრატიული საზოგადოების ერთ-ერთ ქვაკუთხედს. "ნაციონალური მოძრაობის" მიერ წარმოდგენილმა დეპუტატმა პირდაპირ განაცხადა, რომ პატივს არ სცემს და არ აღიარებს საქართველოს კონსტიტუციას, ადამიანის უფლებათა ევროპულ კონვენციას და პოლიტიკური შოუმენობის ხიბლში შესული ადამიანის სიკვდილზე პირდაპირი გაგებით აწერს ხელს.
დეპუტატების დემონსტრაციულმა გასვლამ და უდანაშაულო ადამიანის დამნაშავედ გამოცხადებამ, ილია ჯიშკარიანს სტრესი მიაყენა.
დაზარალებული თამთა თოდაძე კი, სწორედ იმ დროს მივიდა საკრებულოში, როდესაც იცოდა, რომ ფრაქციის სხდომა მიმდინარეობდა და ილია ჯიშკარიანი შენობაში იმყოფებოდა.
რა მიზანი იყო, თუ არა დასტური იმისა, რომ მანიპულაციები და შოუ გრძელდება, რასაც მე აუცილებლად ბოლოს მოვუღებ და ინფორმაცია, რომელიც მივიღე, დადასტურებულია - დაზარალებული დედასთან ერთად აპირებს წავიდეს საზღვარგარეთ და მოითხოვოს პოლიტიკური თავშესაფარი, თითქოს მას დევნიან, მასზე იძალადეს და უმრავლესობაში მყოფი დეპუტატი ბოროტად იყენებს ძალაუფლებას. ესეც არ გამოუვათ, ადამიანებს უნდა დავანახო ყველაფერი და დავამტკიცო, გავშიფრო სცენარი. ჯერ სად ხართ, შოუ ახლა იწყება, პროცესები 2 დეკემბრიდან განახლდება", - აცხადებს კუბლაშვილი.
ცნობისთვის, საკრებულოს ბრალდებულ დეპუტატ ილია ჯიშკარიანს აღკვეთის ღონისძიების სახით 10 000-ლარიანი გირაო აქვს შეფარდებული. ამას გარდა, მას აეკრძალა თანამშრომლებთან კომუნიკაცია, რომლებიც საქმეზე მოწმის სახით უნდა დაიკითხონ.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება იმ მამაკაცის დაკავების კადრები, რომელმაც სიმამრი მოკლა, სიდედრი კი სცემა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჯიშკარიანი რა ჩიტიც არის, გასაგებია, მაგრამ დედა-შვილიი ოოოოოოოოო.... მიდი მარიამ, დადე სიმართლე!
კატამ თხარა თხარა - უცხოეთში პოლიტიკური თავშესაფარი ამოითხარა...