როდესაც ყოველ დილას მეტროთი პრეზიდენტთან ერთად მგზავრობ - ავსტრიის პირველი პირი დაცვის გარეშე დადის

სოციალურ ქსელებში დღეს დილიდან ვრცელდება ავსტრიის პრეზიდენტის ფოტო - ალექსანდერ ვან დერ ბელენი მეტროს მატარებლის ვაგონში, სავარაუდოდ, საჯარო გამოსვლის ტექსტს კითხულობს. სურათი სოციალურ ქსელებში ვირუსულად ვრცელდება.

ეს არ არის პირველი შემთხვევა, როდესაც ვან დერ ბელენი მეტროში შენიშნეს - ის ხშირად მგზავრობს საქალაქო ტრანსპორტით, ვენის ქუჩებში დაცვის გარეშე გადაადგილდება.

ალექსანდრ ვან დერ ბელენი პოლიტიკაში მოსვლამდე ვენის უნივერსიტეტის პროფესორი იყო. მოგვიანებით კი ავსტრიის მწვანეთა პარტიის წევრი გახდა. საპრეზიდენტო არჩევნები 2016 წლის 22 მაისს მოიგო.

აღსანიშნავია, რომ მისი შვილი, ფლორიანი საქართველოში გეგმავს საცხოვრებლად გადმოსვლას. პირველად ის საქართველოში 2017 წელს ჩამოვიდა და მას შემდეგ ქვეყნის უკეთ გასაცნობად არაერთხელ იმოგზაურა.

2018 წელს მან საქართველოში საკუთარი კომპანია დააარსა და ახლა უკვე მზად არის, ქვეყანაში საბოლოოდ ჩამოვიდეს საცხოვრებლად.