ქართველ ფერმერებს მეცხოველეობის საერთაშორისო გამოფენაში მონაწილეობის მიღების  შესაძლებლობა მიეცათ

ქართველი ფერმერები საფრანგეთში გამართულ, მეცხოველეობის საერთაშორისო გამოფენას- Sommet DE L’avage-ს დაესწრნენ. მათ ფინანსური მხარდაჭერა „საქართველოს ბანკმა“ გაუწია.

ქართველი ფერმერები ხშირად ინფორმაციის ნაკლებობისა და კვალიფიკაციის პრობლემაზე საუბრობენ, ამიტომ წარმოების ზრდასა და ხარისხის გაუმჯობესებას ვერ ახერხებენ.

ფერმერი ზურაბ მასურაშვილი, რომელიც მეცხოველეობის გამოფენას დაესწრო, AMBEBI.GE-სთან საუბარში აღნიშნავს, რომ თანამედროვე ტენდენციების გასაცნობად საფრანგეთში ვიზიტი უმნიშვნელოვანესი იყო.

მისი მეურნეობა დაკომპლექტებულია ჰოლშტეინისა და შვიც-ბრაუნის მაღალპროდუქტიული პირუტყვით, აწარმოებს ნედლ რძეს.

„პრინციპული ინტერესია, ვიყო ბიზნესზე ორიენტირებული ფერმერი. მიუხედავად ბევრი პრობლემისა, ვცდილობ გავუმკლავდე გამოწვევებს და ეტაპობრივად გავზარდო არსებული მეურნეობა“, - აღნიშნავს ის.

დღეს, ფერმერებს როგორც ეროვნული ვალუტის გაუფასურების, ისე ტექნოლოგიის სიმცირის გამო ბევრი პრობლემა აქვთ. ნატურალურ რძეზე მოთხოვნა მაღალია, თუმცა იმგვარად წარმოებას ვერ ახერხებენ, რომ ბაზარზე წამყვანი ადგილი ქართულმა პროდუქციამ დაიკავოს.

„გამოფენაზე დასწრება უპირობოდ მნიშვნელოვანი და აუცილებელი იყო არამხოლოდ ჩემთვის არამედ სხვა ფერმერებისთვისაც, ეს ხომ სტიმულია ჩვენი საქმიანობისთვის. ასევე, შესაძლებლობა, რათა მივიღოთ ინფორმაცია ტექნოლოგიურ სიახლეებზე, საერთაშორისო გამოცდილებაზე. ასევე, გავიცნოთ პოტენციური პარტნიორები და მოვიზიდოთ ინვესტიციები“, - აღნიშნა მან.

„საქართველოს ბანკი“ წლების განმავლობაში სოფლის მეურნეობაში დასაქმებულთა მხარდამჭერ კომპანიად ჩამოყალიბდა. მათი თქმით, ასეთ მასშტაბურ ღონისძიებაში ქართველ ფერმერთა ჩართულობა ბანკისთვისაც უმნიშვნელოვანესია, რადგან ჩვენს ქვეყანაში მცირე და საშუალო ბიზნესის განვითარებას უწყობს ხელს.

„საქართველოს ბანკის“ მიზანია, მხარი დაუჭიროს მცირე და საშუალო ბიზნესს, მეცხოველეობის მიმართულების შემდგომ განვითარებაში, სტანდარტების დანერგვასა და ხარისხის ზრდაში. ისეთ საერთაშორისო დონის გამოფენაში მონაწილეობის მიღება როგორიცაა Sommet DE L’avage ქართველ ფერმერებს აძლევს ძალიან კარგ შესაძლებლობას, მიიღონ საჭირო ინფორმაცია თუ როგორ გახდნენ უფრო მეტად კონკურენტუანარიანები და როგორ გაზარდონ პროდუქტიულობა, არამხოლოდ ქართულ, არამედ საერთაშორისო ბაზარზე. მოხარული ვართ, რომ ჩვენ ვქმნით ახალ შესაძლებლობებს არამხოლოდ ბიზნესისთვის, არამედ ქვეყნისთვისაც“, - აღნიშნეს კომპანიაში.

რაც შეეხება გამოფენას, ის მსოფლიოს მასშტაბით დიდი პოპულარობით სარგებლობს და ქვეყნის წარმოების წარმოჩენის კარგი შესაძლებლობაა. Sommet DE L’avage გამორჩეულია იმით, რომ განსაკუთრებულ ყურადღებას უთმობს რთულ აგროკლიმატურ ზონებში რძისა და რძის პროდუქტების წარმოებას. მეცხოველეობისა და გენეტიკის სფეროში წარმოადგენს ფრანგულ ნოუ-ჰაუს. წლევანდელ გამოფენაზე წარმოდგენილი იყო 2 000- მდე მსხვილფეხა ცხოველი, 180 000 მ2 ფართობზე მოწყობილი იყო განსაკუთრებული ჯიშების გამოფენა. ღონისძიებაში მონაწილეობა მიიღო 85-ზე მეტი ქვეყნიდან 95 000-მა ვიზიტორმა. განხორციელდა 35 ვიზიტი ფერმაში და აგრო ინდუსტრიულ ობიექტებში. გაიმართა 40-ზე მეტი კონფერენცია. წარმოდგენილი იყო 35 ქვეყნიდან 1500-მდე კომპანია. მათ შორის 300 მსხვილი საერთაშორისო კომპანია.