მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩვენ არ გვყავს დასაკარგი თაობა..." - აზარტული თამაშების ეპიდემია საქართველოში და ათობით თვითმკვლელობა ლუდომანიის გამო
10:27 / 31-10-2019
ლუდომანია - აზარტული თამაშის გაგრძელების დაუძლეველი სურვილია, მიუხედავად ნეგატიური და ხშირად, დამღუპველი შედეგისა.
თამაშდამოკიდებულება ბოლო წლებში საქართველოს ეპიდემიასავით მოედო. არაოფიციალური მონაცემებით, ქვეყანაში 700 000-მდე ადამიანი თამაშობს, მათ შორის არიან არასრულწლოვნებიც.
საუბედუროდ, ლუდომანიამ უკვე რამდენიმე ათეული ადამიანის სიცოცხლე შეიწირა. ერთ-ერთი ბოლო მსხვერპლი 29 წლის სანდრო ბერაძეა, "საზოგადოებრივი მაუწყებლის" ოპერატორი, რომლის ცხედარსაც რამდენიმედღიანი ძებნის შემდეგ, ცხვარიჭამიას ტყეში მიაკვლიეს...
სანდრო ბერაძის პრობლემის შესახებ ცნობილი იყო არასამთავრობო ორგანიზაცია "დედები აზარტული თამაშების წინააღმდეგ" წევრებისთვის. ორგანიზაციის ინფორმაციით, სულ მცირე 16 ადამიანის სიცოცხლე ემსხვერპლა თამაშებზე დამოკიდებულებას.
"ასეთი კარგი ახალგაზრდა დაიღუპა. სანდრო, შესანიშნავი ახალგაზრდა, რომელიც ადიქციით (დამღუპველი ჩვევისადმი დამოკიდებულება) იყო დაავადებული. მე ვიცნობდი სანდროს და მახსოვს, როგორ ებრძოდა ამ ადიქციას. თუმცა, ვეღარ გაუმკლავდა...
ჩვენი ორგანიზაციის კატეგორიული მოთხოვნაა მაქსიმალურად აიკრძალოს რეკლამები. ეს არის აგრესიული მარკეტინგი, რომელიც იპყრობს თინეიჯერების გონებას. ეს არის ქვეყნისთვის უთავმოყვარეო ბიზნესი, ლამის თბილისის ცაზე გადაჭიმონ ბეთების რეკლამები, ამის შედეგი კი საშინელია. ნამდვილად არ გვყავს დასაკარგი თაობა, უნდა ვიზრუნოთ თაობის გადასარჩენად და რას აკეთებს ამ დროს მთავრობა? - არაფერს!
საზღვარგარეთიდან მირეკავენ ემიგრანტი დედები, ტირიან. რეკავენ იტალიიდან, საბერძნეთიდან, თურქეთიდან... ისინი აღშფოთებულები არიან, რომ უცხოეთში მუშაობენ იმისთვის, აქ ვიღაცები გაამდიდრონ" - გვეუბნება "დედები აზარტული თამაშების წინააღმდეგ" წარმომადგენელი თამარ ჯაფარიძე.
საგანგაშო სტატისტიკისა და ათობით ახალგაზრდის შეწირული სიცოცხლის მიუხედავად, მთავრობის მხრიდან ქმედითი ნაბიჯები არ იდგმება.
პრობლემის გადაჭრის ნაცვლად, ტელემაყურებლები სხვადასხვა მედიასაშუალებებით ყოველდღე უამრავ რეკლამას ხედავენ, სადაც პირდაპირ თუ ირიბად თამაშში ახალგაზრდების ჩათრევას ცდილობენ. რეკლამა, რომელიც გვკლავს, არის ყველგან - ტელევიზიაში, ინტერნეტში და ქუჩებში, არამხოლოდ ბილბორდების სახით, არამედ ტაქსებზეც.
პარლამენტში ჩავარდნილი კანონპროექტის შემდეგ, დამოუკიდებელმა დეპუტატმა ლევან გოგიჩაიშვილმა აზარტული თამაშების რეკლამის აკრძალვის შესახებ კანონპროექტის განახლებული ვერსია მოამზადა, რაც სრულად კრძალავს ნებისმიერი სახის აზარტული და მომგებიანი თამაშების რეკლამას.
"თამაშდამოკიდებულება ჩვენი საზოგადოების სერიოზული დაავადებაა. იდეა, რომლის თანახმად უნდა გაკეთდეს რეგულაციები, გამკაცრდეს კონტროლი, შევამციროთ ფულის გათეთრების რისკები და სოციალური ფონის გასაუმჯობესებლად მნიშვნელოვანი ნაბიჯები გადავდგათ, დაიბლოკა ივანიშვილის დროს. მას, როგორც ჩანს, გარკვეული აქვს სხვადასხვა კომპანიის წარმომადგენლებთან, ამ ბიზნესთან ურთიერთობა.
სათამაშო ბიზნესი, სავარაუდოდ, თავის გადასახდელს იხდის "შავ ბურალტერიაში". არ შეიძლება, მაგალითად, საზოგადოებრივ მაუწყებელზე აზარტული კომპანიების რეკლამირება. ამ არხზე უნდა გადიოდეს სოციალური რეკლამები, სადაც იტყვიან, რომ თამაში ცუდია" - განმარტავს ლევან გოგიჩაიშვილი.
ამ დრომდე ერთადერთი გამონაკლისი ქართულ მედიასივრცეში "პალიტრა მედია" იყო, რომელმაც ჯერ კიდევ 2015 წლის თებერვლიდან უარი თქვა ონლაინკაზინოების რეკლამირებაზე თავის ყველა პლატფორმაზე - როგორც ინტერნეტსივრცეში პოპულარულ 20-მდე საიტზე (მათ შორის: AMBEBI.GE, IPN.GE, Kvirispalitra.ge, palitravideo.ge, sportall.ge და სხვა) ასევე რადიოში, ტელევიზიასა და ჟურნალ-გაზეთებში.
ამ გადაწყვეტილებით დამოუკიდებელმა მედიაჰოლდინგმა უარი თქვა მილიონობით შემოსავალზე, რადგან შემოსავალზე წინ მორალური პასუხისმგებლობა დააყენა.
ამ გადაწყვეტილების თანახმად, უკვე მეოთხე წელია "პალიტრის მედიის" ვერც ერთ პლატფორმაზე ვერ ნახავთ აზარტული თამაშების რეკლამას და მეტიც, მუდმივად მზადდება არაერთი სტატია, სოციალური რეკლამა თუ სიუჟეტი, რომელიც ლუდომანიის მავნებლობას უსვამს ხაზს.
სანდრო ბერაძის ტრაგიკული შემთხვევის შემდეგ, "პირველმა არხმაც" უარი თქვა აზარტული თამაშების რეკლამირებაზე - მაუწყებელი 2020 წლის იანვრიდან თავის ეთერში სრულად აკრძალავს სათამაშო ბიზნესის რეკლამას.
"პალიტრა მედია" საქართველოს პირველი არხის გადაწყვეტილებას მიესალმება, ამასთან, სხვა მედიასაშუალებებსაც მოუწოდებს, გამოიჩინონ სოციალური პასუხისმგებლობა და უარი თქვან აზარტული თამაშების რეკლამაზე.
ოფიციალური მონაცემებით, სათამაშო ბიზნესის ბრუნვა წლიდან წლამდე სულ უფრო იზრდება, მაგალითად, თუ 2017 წელს სექტორის ბრუნვა 6 მილიარდი ლარი იყო, 2018 წელს 173%-ით გაიზარდა და 13 მილიარდ 806 მილიონი ლარი შეადგინა.
ეს მაჩვენებელი კიდევ ერთხელ მეტყველებს, რომ საქართველოში აზარტული თამაშები ერთ-ერთი ყველაზე მომგებიანი ბიზნესია, სამწუხაროდ, ხშირად ადამიანების სიცოცხლის ხარჯზეც...
ავტორი: თეო ცუცქირიძე
00:00 / 00:00
მკითხველის კომენტარები /
40 /
თარიღის მიხედვით
მოწონების მიხედვით
დაუშვად აიკრძალა,მერე რა მოჰყვება ამას იცით?-ეს გადავა იატაკქვეშეთში და იქ გააგრძელებს არალეგალურად საქმიანობას. რაც უფრო მეტად ძვირი დაუჯდება მომხმარებელს,ვინაიდან მინიმალური სტავკების ფასი აიწევა. ეხლა არ მითხრათ უნდა გაკონტროლდეს მკაცრად და უნდა დაისაჯონ ისინი,ვინც ამას გააკეთებსო, ნუ გავიწყდება სად და რომელ ქვეყანაში ვცხოვრობთ სადაც არსებობს დაუწერელი კანონები, ასერომ ის ვინც უნდა გააკონტროლოს,სწორედ ის იქნება შეკრული კაზინოს მეპატრონესთან და ექნება შესაბამისი წილი იქიდან. ასე,რომ ნუ გაქვთ ფანტაზიური აზრები. იყავით რეალისტები და შეეგუეთ რეალობას. თუარადა ძალით და ბუქსირით იქ არავინ შეჰყავთ. თავისი ნებით მიდის ხალხი იქ. არა აქვს მნიშვნელობა ის უკვე ლუდომანია,თუ უბრალოდ აზარტული. და საერთოდაც კაზინოს აკრძალვის მოთხოვნა დაახლოებით ისეთივე სისულელეა,როგორც,რომ ვინმე ითხოვდეს რესტორნებისა და კაფე-ბარების აკრძალვას,იმ მიზნით,რომ იქ უამრავი ხალხი გალოთდა და ბევრს სვავს!!!
მეგობრებო, საქართველოს დედაქალაქის ცენტრში, ისტორიულ და ტურისტულ უბანში, საპატრიარქოს გვერდით, დაწყევლილი შანგრი ლა (Shangri la) რომ უცარიელებს ჯიბეებს ჩვენს მოქალაქეებს, და ამაზე საპატრიაქროც დუმს და სახელმწიფოც, ამის შემდეგ, რაღაზე უნდა ვილაპარაკოთ და რაღა უნდა გავაპროტესტოთ :(((((( ჩვენ ვართ მშიშარა ერი ! გამონაკლისებიც არიან მაგრამ უმეტესობა მშიშრები და კურდღლები ვართ :(((((((((((((
გააკეთეთ კომენტარი
ყველა კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
