მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ირაკლი ბათიაშვილის წიგნის - “შელინგის გამოცხადების ფილოსოფიის” პრეზენტაცია გაიმართა
17:23 / 26-10-2019
ევროპის უნივერსიტეტის ორგანიზებით “ბილტმორ თბილისის” საკონფერენციო დარბაზში გაიმართა ფილოსოფიის დოქტორის, პროფესორის, პოლიტოლოგის ირაკლი ბათიაშვილის წიგნის “შელინგის გამოცხადების ფილოსოფიის” პრეზენტაცია.
ირაკლი ბათიაშვილმა წიგნის შინაარსი აუდიტორიას თავად გააცნო. წიგნში განხილულია შელინგის უმნიშვნელოვანესი ნაწარმოები „გამოცხადების ფილოსოფია“ და პარალელურად განვითარებულია მსჯელობები, რომელიც ეხება ადამიანური ყოფიერების, თანამედროვეობის უდიდეს პრობლემებს და გამოწვევებს.
"ამ წიგნზე დიდი ხნის განმავლობაში ვმუშაობდი. ფრიდრიხ იოზეფ შელინგი არის დიდი გერმანელი ფილოსოფოსი, გერმანული კლასიკური ფილოსოფიის გიგანტი. ჰეგელი და შელინგი იყვნენ მეგობრები, შემდეგ დაშორდნენ ერთმანეთს. თავდაპირველად, ევროპული ფილოსოფიის ლიდერი იყო შელინგი, შემდეგ ჰეგელი გახდა, მაგრამ რაც დრო გავიდა, განსაკუთრებით, მე-20 საუკუნეში, შელინგი უფრო და უფრო აქტუალური გახდა.
ახლა, 21-ე საუკუნეში შელინგმა წამოწია ისეთი პრობლემები, რომელიც არის მარადიული და ამასთან ერთად, ეს პრობლემები ამ საუკუნის გადასახედიდან კიდევ უფრო მეტ აქტუალოვას იწვევს. სწორედ ამაზეა ჩემი წიგნი" - აღნიშნავს ირაკლი ბათიაშვილი.
“ეს არის შელინგის საკმაოდ სკრუპულოზური ანალიზი და ამასთან ერთად, აქ არის შემოქმედებითი მიდგომა, ამ პრობლემების თანამედროვეობაში გააზრება. თუნდაც, შელინგი როცა საუბრობს არქეკატასტროფაზე, როგორც ისტორიის განმსაზღვრელზე. მე უკვე ვაანალიზებ დღევანდელი გადასახედიდან, როდესაც ვუყურებთ, თუ როგორ ვითარდება საერთაშორისო პოლიტიკური პროცესები, რა ტიპის კატასტროფის კონტურები ისახება ჩვენს წინაშე” - დაამატა მან.
წიგნი “ბიბლუსისა” და წიგნის სხვა მაღაზიათა ქსელებში უკვე ხელმისაწვდომია. ამასთან, ნამუშევრის გამოცემაში ბათიაშვილს ევროპის უნივერსიტეტი დაეხმარა.
წიგნის პრეზენტაციაზე სიტყვით წარდგნენ პროფესორები: ვალერი რამიშვილი, რევაზ ბალანჩივაძე, ვალერიან ასათიანი და ანასტასია ზაქარიაძე. ღონისძიებას დაესწრნენ ცნობილი მეცნიერები, პოლიტიკოსები და საზოგადოების სხვადასხვა პროფესიის წარმომადგენლები. პროფესორმა რევაზ ბალანჩივაძემ ირაკლი ბათიაშვილის წერის მანერის განსაკუთრებულობას გაუსვა ხაზი და განმარტა, რომ ის დიდი იშვიათობას წარმოადგენს
“ბატონი ირაკლი არის ძალიან სერიოზული მკვლევარი, ფილოსოფოსი და მას რამდენიმე ერთმანეთზე უკეთესი წიგნი აქვს გამოქვეყნებული და მიიჩნევა ძალიან სერიოზულ ავტორად. რაც შეეხება “შელინგის გამოცხადების ფილოსოფიას”, ეს არის უნიკალური წიგნი, იმიტომ რომ აქ გადმოცემულია არამარტო მთელი სიღრმე, არამედ საოცარი არის ბატონი ირაკლის წერის მანერა.
ავტორი გვიყვება არა დიდ ავტორზე, არამედ საუბრობს მასთან, წიგნში შემოდის როგორც პერსონაჟი. ეს სრულიად გამონაკლისია და ქართული ფილოსოფიის ისტორიაში მსგავსი არაფერი არ ყოფილა, როდესაც ავტორი თავისივე ნაწარმოების პერსონაჟი თვითონ ხდება”, - განაცხადა პროფესორმა.
“შელინგის გამოცხადების ფილოსოფიასთან” დაკავშირებით საკუთარ შთაბეჭდილებებზე პოლიტოლოგმა სოსო ცისკარიშვილმაც ისაუბრა.
"ბატონი ირაკლი უნიკალური პერსონაა, რომელსაც მე “მებრძოლ ფილოსოფოსს” ვეძახი. ჯერ 90-იან წლებში, ახლა კი მეორე ფილოსოფიური საჩუქარი მოგვიმზადა ყველას და რაც მთავარია, ხალისიანი ადამიანია, რაც არ უნდა მძიმე იყოს მისთვის არცთუ საოცნებო რეალობა. რაც დრო გადის, სულ უფრო გული მწყდება, რომ ამ ადამიანმა დატოვა სივრცე სახელმწიფო საქმეებისთვის, მაგრამ მადლიერები ვართ, რომ აქამდე არნახული და არგაგონილი წიგნები გამოსცა”,- აღნიშნა მან.
ფილოსოფოსი, პროფესორი ანასტასია ზაქარიაძე ირაკლის ალექსანდრე მაკედონელთან აიგივებს და ამბობს:
“ირაკლი ძალიან მაგონებს ერთ ისტორიულ პერსონაჟს ალექსანდრე მაკედონელს, რომელსაც მუდმივად თან ჰქონდა თავისი მასწავლებლის არისტოტელეს წიგნი. რატომღაც ესე მგონია, რომ შელინგი სულ თან დაგქონდათ თქვენ.
ეს არის პირდაპირი გაგებით დეტექტივი და ეს ხდის განსაკუთებულს - მსგავსი წიგნი ფილოსოფიაში არ დაწერილა ფილოსოფოსები მიერ. აქ ყველა იმ საიდუმლოს აეხდება ფარდა, რომელიც არა მხოლოდ ჩვენი ქართველი ფილოსოფოსების წინაშე იდგა მრავალი წლის განმავლობაში.
მე მოგიწოდებთ თქვენ და ჩვენ აუდიტორიას გამოვნახოთ საშუალება და ვთარგმნოთ ეს წიგნი, რადგან უნიკალურია, აქ გახსნილია სწორედ ის პლასტი, რომელიც არავის ჯერ არ დაუნახავს. შელინგი ქართულად მონოგრაფიულად ნაკვლევი არ იყო და მითუმეტეს ამ ლიტერატურული ჟანრის ფორმით. ასე, რომ მე ვულოცავ ჩემ თავსაც, იმიტომ რომ აღმოვაჩინე შელინგი, რომელსაც მე ვეძებდი სტუდენტობის პერიოდიდან და გილოცავთ თქვენ, რადგან თქვენ გელით დიდი სიამოვნება.
ეს სამაგიდო წიგნი იქნება ყველა ფილოსოფოსისთვის და ჩვენ მას გამოვიყენებთ სახელმძღვანელოდ, ჩვენთვისაც, როგორ უნდა დაიწეროს ფილოსოფიური ტრაქტატები, ისე რომ ეს იყო ყველასთვის საკითხავი და იმისდა მიხედვით თუ რა ინტელექტუალურ დონეზე ხარ, სხვადასხვა შრეები გაგეხსნება...” - აღნიშნა ანასტასია ზაქარიაძემ.
წიგნი “ბიბლუსისა” და წიგნის სხვა მაღაზიათა ქსელებში უკვე ხელმისაწვდომია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
