მნიშვნელოვანი ინფორმაცია
27
ივნისიდღის ზოგადი ასტროლოგიური პროგნოზი
შაბათი, მთვარის მეოთხე დღე დაიწყება 07:58-ზე, მთვარე ლომშია – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების ზრდა. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. არ არის რეკომენდებული ახალი საქმეების დაწყება. ასევე, არ არის მიზანშეწონილი რომანტიკული პაემანი. საკვები არ უნდა იყოს ცხიმიანი. კარგია ბოსტნეული, სალათები; დამამშვიდებელი ბალახებისგან დამზადებული მცენარეული ჩაი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქარელის მერის კომენტარი დაკავებულ თანამშრომლებზე და სუს-ი სპეცოპერაციის დეტალებზე
20:33 / 23-10-2019
ქარელის მუნიციპალიტეტში ჩატარებული სპეცოპერაციის შედეგად დაკავებულია ქარელის მერიის თანამშრომელი სოსლან ქვრივიშვილი და ქარელის საკრებულოს კომისიის თავმჯდომარე ინფრასტრუქტურისა და სივრცით მოწყობის საკითხებში, გიორგი გოგაშვილი, - ამის შესახებ „ინტერპრესნიუსს“ ქარელის მერმა ზაზა გულიაშვილის განცხადა.
მისი თქმით, არ აქვს ინფორმაცია, თუ რასთან დაკავშირებით ჩატარდა სპეცოპერაცია და რის საფუძველზე დააკავეს სამართალდამცველებმა საჯარო მოხელეები.
„მოსახლეობასთან ვიყავი სოფლებში შეხვედრაზე და იქ ჟურნალისტების მეშვეობით გავიგე, რომ დაკავებულია ორი ადამიანი. ერთი მათგანი არის ქარელის საკრებულოს წევრი, მეორე კი ქარელის მერიის თანამშრომელი, ჩემი წარმომადგენელია. რა არის დაკავების მიზეზი არ ვიცი. ვარკვევ, ჯერ საქმის კურში არ ვარ. სპეცოპერაცია დილის საათებში ჩატარდა. ორივე სოფელ დირბიდან არის“, - განაცხადა გულიაშვილმა.
ინფრასტრუქტურისა და სივრცით მოწყობის საკითხებში ქარელის საკრებულოს კომისიის თავმჯდომარე გიორგი გოგაშვილი და მერიის თანამშრომელი სოსლან ქვრივიშვილი ზეგავლენით ვაჭრობისა და სამსახურებრივი სიყალბის ფაქტზე დააკავეს.
უფრო კონკრეტულად, როგორც „ინტერპრესნიუსს“ სუს-იდან აცნობეს, სახელმწიფო უსაფრთხოების სამსახურის ანტიკორუფციულმა სააგენტომ ზეგავლენით ვაჭრობისა და სამსახურებრივი სიყალბის ფაქტზე ორი პირი დააკავა.
მათივე ინფორმაციით, სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ზეგავლენით ვაჭრობისა და სამსახურებრივი სიყალბის ფაქტზე, ქარელის მუნიციპალიტეტის საკრებულოს წევრი გიორგი გ. და ქარელის მერის წარმომადგენელი დირბის ადმინისტრაციულ ერთეულში სოსლან ქ. დააკავეს.
გამოძიებამ დაადგინა, რომ ქარელის მუნიციპალიტეტის საკრებულოს წევრი გიორგი გ. მოქალაქეს დაჰპირდა, რომ 2000 ლარის სანაცვლოდ ქარელის მერის წარმომადგენელს დირბის ადმინისტრაციულ ერთეულში სოსლან ქ-ს საქონლის შეძენის დამადასტურებელ ცნობაში შეატანინებდა ყალბ მონაცემებს მასზედ, რომ თითქოსდა სოფელ დირბის მაცხოვრებელმა თავის მიწის ნაკვეთზე მოყვანილი 20 ტონა სოფლის მეურნეობის პროდუქტი აღნიშნულ მოქალაქეს მიჰყიდა.
2019 წლის 23 ოქტომბერს ქარელის მუნიციპალიტეტის საკრებულოს წევრმა მოქალაქეს აღნიშნული ცნობა გადასცა და მის მიერ მოთხოვნილი 2000 ლარი აიღო, რა დროსაც იგი სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა დააკავეს.
გამოძიება ზეგავლენით ვაჭრობისა და სამსახურებრივი სიყალბის ფაქტზე მიმდინარეობს (საქართველოს სსკ-ის 339-ე პრიმა მუხლის მე-2 ნაწილით და 341 მუხლით, რაც სასჯელის სახით ითვალისწინების თავისუფლების აღკვეთას ვადით 3-დან 5 წლამდე). გამოძიებას აწარმოებს სახელმწიფო უსაფრთხოების სამსახურის ანტიკორუფციული სააგენტო.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
