სახელმწიფოს გადაწყვეტილებით პარაოლიმპიური თამაშების გამარჯვებულები ყოველთვიურად 1000 ლარიან სტიპენდიას მიიღებენ
სახელმწიფოს გადაწყვეტილებით პარაოლიმპიური თამაშების გამარჯვებულები ყოველთვიურად 1000 ლარიან სტიპენდიას მიიღებენ. როგორც განათლების, მეცნიერების, კულტურის და სპორტის მინისტრის მოადგილემ შალვა გოგოლაძემ განაცხადა, სახელმწიფო ხელს უწყობს პარაოლიმპური სპორტის განვითარებას, რაც პირდაპირ აისახება ჩვენი პარასპორტსმენების მიერ საერთაშორისო ტურნირებზე ნაჩვენებ შედეგებზე.
"ბოლო წლებში ჩვენმა პარასპორტსმენებმა მნიშვნელოვან წარმატებებს მიაღწიეს სპორტის არაერთ სახეობაში. 2016 წელს, რიოს პარაოლიმპიურ თამაშებზე პარაძიუდოისტი ზვიად გოგოჭური ოქროს მედლის მფლობელი გახდა და ქართული პარასპორტის ისტორიაში ახალი ფურცელი ჩაწერა. ჩვენ წინ გვაქვს ტოკიოს ზაფხულის პარაოლიმპიური თამაშები და დარწმუნებული ვარ საქართველოს მთავრობის ეს გადაწყვეტილება დამატებით ბიძგს მისცემს ჩვენი პარასპორტსმენების ტოკიოში წარმატებით გამოსვლას. აუცილებლად გაიზრდება პარასპორტსმენების ჩართულობა სპორტის სხვადასხვა სახეობაში, მოიმატებს მათი რაოდენობა და მომზადების ინტენსივობა და ეს ყველაფერი აისახება ჩვენი გუნდების შედეგებზე ევროპის და მსოფლიოს ჩემპიონატებზე და, რაც მთავარია, პარაოლიმპიურ თამაშებზე, რომლის დაწყებამდე ერთი წელიც აღარ დარჩა" - განაცხადა განათლების, მეცნიერების, კულტურის და სპორტის მინისტრის მოადგილემ შალვა გოგოლაძემ.
სახელმწიფოს გადაწყვეტილებას ქართველი პრასპორტსმენების პოზიტიური გამოხმაურება მოჰყვა. მათი განცხადებით, ზემოთ აღნიშნული ცვლილება სახელმწიფოს მხრიდან პარასპორტსმენების უდიდესი მხარდაჭერის გამოხატულებაა, რაც მათთვის უმაღლესი შედეგების მიღწევის დამატებით სტიმულს წარმოადგენს.
თეა ბოლქვაძე, პარამშვილდოსანი: ძალიან კარგი ინიციატივაა... კიდევ ერთი სტიმულია პარასპორტსმენებისთვის.მადლობა ინიატივისთვის
პარასპორტსმენი ნინო საბაშვილი: სასიამოვნო სიახლე, მივესალმები ამ სიახლეს, ძალიან დიდი სტიმულია ყველა პარასპორტსმენისთვის.
პარასპორტსმენი იაგო გორგოძე: კარგი გადადგმული ნაბიჯია სპორტსმენების მოტივაციის ასამაღლებლად.. წარმატებებს ვუსურვებ ყველას, იმედია, მარტო ტოკიოს თამაშებზე არ იქნება ასეთი წახალისება.
ძიუდოისტი ეთერ ლიპარტელიანი მსოფლიოს ჩემპიონი გახდა
შატილში ერთადერთი საჯარო სკოლა იწვის
