მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჟინვალჰესის კაშხალზე ადრეული შეტყობინების სპეციალიზებული პროგრამა ამოქმედდა
16:36 / 15-10-2019
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმშიც წარმატებით გაუშვა. შედეგად, პოტენციური საფრთხის აღმოჩენის შემთხვევაში, სპეციალიზებული პროგრამა ჟინვალჰესის კაშხლის მიმდებარედ მცხოვრებ მოქალაქეებს სირენების მეშვეობით წინასწარ გააფრთხილებს.
პროექტზე მუშაობა კომპანია „ჰიდროდიაგნოსტიკამ“ 2018 წლის დასაწყისში იტალიელ პარტნიორებთან „CAE” და „FIELD“-თან ერთად დაიწყო. როგორც კომპანია „ჰიდროდიაგნოსტიკის“ დირექტორი ირაკლი გაგუა აცხადებს, სირენები 5 სხვადასხვა ლოკაციაზეა განთავსებული.
სპეციალიზებული პროგრამა სენსორებიდან ინფორმაციას იღებს და აანალიზებს. სტანდარტული მონაცემების ცვლილების დაფიქსირების შემთხვევაში კი პროგრამა ავტომატურად რთავს სირენებს.
„“ჯორჯიან უოთერ ენდ ფაუერის“ დაკვეთით კომპანია „ჰიდროდიაგნოსტიკამ“ განათავსა არაგვისხევში, კერძოდ, ჟინვალჰესისა და ბოდორნა ჰესის მონაკვეთზე სირენების სისტემა, რომელიც დაკავშირებულია ამავე კომპანიის მიერ დაყენებული სენსორების სისტემასთან. სპეციალიზებული პროგრამა ახორციელებს ჟინვალზე არსებული ყველა სენსორის ინფორმაციის კონტროლსა და შესწავლას.
ამავდროულად, სისტემას აქვს იმის შესაძლებლობა, რომ სმს-ისა და მეილის სახით გაავრცელოს ინფორმაცია ყველა საჭირო დეპარტამენტსა თუ სამთავრობო სტრუქტურაში, რათა შესაბამისი სტრუქტურები მოსახლეობის მეტი უსაფრთხოებისთვის ინფორმირებულნი იყვნენ“. - განაცხადა ირაკლი გაგუამ.
ლოჯისტიკის და შესყიდვების კოორდინატორის გივი გოგუას განცხადებით, პროექტის განხორციელება გარკვეულ გამოწვევებს უკავშირდებოდა, თუმცა კომპანიამ მისი განხორციელება სრულყოფილად შეძლო.
"აღნიშნული მაშტაბური პროექტი საკმაოდ დიდი გამოწვევა იყო ლოჯისტიკის მხრივ ჩვენი ორგანიზაციისთვის, თუმცა საკმაოდ დიდი წარმატებით გავართვით თავი", - აღნიშნა გივი გოგუამ.
ჟინვალჰესის ადრეული გაფრთხილების სისტემის მნიშვნელობაზე საუბრობს პროექტის ინჟინერი ზურაბ გორჯოლაძეც.
„კომპანია „ჰიდროდიაგნოსტიკა“ გეგმავს, რომ მსგავსი პროექტები სხვა ობიექტებზეც განახორციელოს, რაც ძალიან მნიშვნელოვანია, ზოგადად, ქვეყნისა და მისი ენერგეტიკის განვითარებისთვის“, - აღნიშნა ზურაბ გორჯოლაძემ.
რაც შეეხება „ჰიდროდიაგნოსტიკას“, ის წამყვანი ქართული საინჟინრო და საკონსულტაციო კომპანიაა, რომელიც 2006 წელს ენერგეტიკისა და ენერგეტიკული სტრუქტურების სამეცნიერო-კვლევითი ინსტიტუტის საფუძველზე დაარსდა. ის მომხმარებელს სამოქალაქო და გარემოსდაცვითი ინჟინერიის სფეროში სხვადასხვა ტიპის მომსახურებას სთავაზობს, მათ შორის წინასწარ შემოწმებას, დეტალური დიზაინის შექმნას, დაგეგმვასა და მშენებლობის ზედამხედველობას ადგილობრივ და უცხოელ პარტნიორებთან თანამშრომლობით.
ავტორი: ნათია ჩადუნელი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
_2019-10-16_K07BGFzehsLn.jpg)
