მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვინ იყო 35 წლის ქურთი პოლიტიკოსი ქალი, რომელიც სირიაში წამებით მოკლეს
12:28 / 15-10-2019
სტატია შეიცავს მძიმე კადრებს
სირიაში ქურთი პოლიტიკოსი ჰევრინ ხალაფი მოკლეს. დიდი ალბათობით, 35 წლის ქალი პოლიტიკოსი არ იქნება უკანასკნელი მსხვერპლი იმ სახმელეთო ოპერაციისა, რომელიც თურქეთმა სირიის ჩრდილო-აღმოსავლეთ ნაწილში რამდენიმე დღის წინ დაიწყო - უფლებადამცველი ორგანიზაციების ინფორმაციით, მსხვერპლის რაოდენობამ უკვე 38-ს მიაღწია.
შაბათს სირიის ჩრდილო-აღმოსავლეთ ნაწილში მდებარე ქალაქ ტალ აბაიადში თურქეთის მიერ მხარდაჭერილმა ძალებმა რამდენიმე მანქანა გააჩერეს, მათ შორის იყო „სირიის მომავლის პარტიის“ გენერალური მდივნის ჰევრინ ხალაფის მანქანა. სამხედრო ძალებმა პოლიტიკოსი და მისი მძღოლი მანქანიდან გადმოიყვანეს და სასიკვდილო ჭრილობები მიაყენეს.
უფლებადამცველთა ინფორმაციით, ახალგაზრდა პოლიტიკოსთან ერთად იმ დღეს კიდევ 9 სამოქალაქო პირი დასაჯეს სიკვდილით, მკვლელობის მომენტი კი ტელეფონით გადაიღეს და ინტერნეტში გაავრცელეს.
ვიდეოში ჩანს, როგორ აყენებენ შეურაცხყოფას სასიკვდილოდ განწირულ ადამიანებს თურქეთის მიერ მხარდაჭერილი ბოევიკები. ამერიკის შეერთებული შტატების ოფიციალურმა პირებმა გამოთქვეს ვარაუდი, რომ ვიდეოჩანაწერი აუთენტურია.
#BREAKING:
— Botin Kurdistani (@kurdistannews24) October 13, 2019
Kurdish Human right activist & The secretary-general of the Future Syria Party,Ms #Hervin_Khalaf ,has been raped & then stoned to death by #Turkey backed Jihadists near #Hasakah during Turkey's ethnic cleansing operation against #Kurds in Syria. @brett_mcgurk #amnesty pic.twitter.com/tQDUjmaZDe
"ეს ცხადი მტკიცებულებაა, რომ თურქეთის ხელისუფლება აგრძელებს კრიმინალურ პოლიტიკას შეუიარაღებელი სამოქალაქო პირების წინააღმდეგ" - განაცხადეს სირიის დემოკრატიული ძალების წარმომადგენლებმა.
35 წლის ჰევრინ ხალაფი განათლებით ინჟინერ-მშენებელი იყო. პოლიტიკური კარიერა მან სირიის ტერიტორიაზე შექმნილ ქურთულ სახელმწიფოებრივ წარმონაქმნ როჟავაში დაიწყო. ცოტა ხანში სირიის მომავლის პარტიის გენერალური მდივანი გახდა და თავის პარტიასთან ერთად ჩრდილოეთ სირიაში ვითარების მოწესრიგებაში იღებდა მონაწილეობას მას შემდეგ, რაც ქალაქი რაქა, ტერორისტული დაჯგუფება "ისლამური სახელმწიფოსგან" დაიხსნეს.
ქურთების პოლიტიკის ექსპერტის მუთლუ ჯივიროღლუს თქმით, ახალგაზრდა პოლიტიკოსს გამორჩეული დიპლომატიური უნარები ჰქონდა და ხშირად იღებდა მონაწილეობას ამერიკელებთან, ფრანგებთან და სხვა საერთაშორისო დელეგაციებთან მოლაპარაკებაში. ჯივიროღლუმ ჰევრინ ხალაფის გარდაცვალება დიდ დანაკარგად შეაფასა.
"სირიის მომავლის პარტია დიდი მწუხარებით გლოვობს მოწამეობრივი სიკვდილით გარდაცვლილ ჰევრინ ხალაფს - სირიის მომავლის პარტიის გენერალურ მდივანს. ის გარდაიცვალა მაშინ, როდესაც პატრიოტულ და პოლიტიკურ მოვალეობას ასრულებდა" - ნათქვამია პარტიის მიერ გავრცელებულ განცხადებაში.
ეთნიკური ქურთები ოთხ ქვეყანაში ცხოვრობენ: ირანში, ერაყში, თურქეთსა და სირიაში. სირიაში ისინი ქვეყნის მოსახლეობის 7-10%-ს შეადგენენ. მათი უფლებები სირიაში ხშირად ირღვეოდა, ქურთები როგორც წესი ხდებოდნენ შევიწროვებისა და დევნის მსხვერპლნი, მათ წინააღმდეგ განსაკუთრებით მკაცრი პოლიტიკა მოქმედებდა ბაშარ ალ ასადის მამის მმართველობის პერიოდში.
რაც შეეხება თურქეთს, ამ ქვეყანასთან სამხედრო დაპირისპირება უკვე რამდენიმე ათეულ წელს ითვლის, გამოწვეული მსხვერპლი კი რამდენიმე ასეულ ათასია. ოფიციალურ ანკარას უკვე დიდი ხანია გაცხადებული აქვს მიზანი - განახორციელოს სამხედრო ოპერაცია "სირიის დემოკრატიული ძალების“ წინააღმდეგ და შექმნას ე.წ უსაფრთხო ზონა, რომლის სიგრძე სირიასთან საზღვრის გასწვრივ 480 კილომეტრი იქნება, სიგანე კი 32 კილომეტრი სირიის ტერიტორიის მიმართულებით.
უსაფრთხო ზონის შექმნის მიზანი ქურთული შენაერთების მოსაზღვრე ტერიტორიებიდან განდევნაა, რადგან ოფიციალური ანკარა ამ ძალებს ქვეყნის ეროვნული უსაფრთხოებისთვის საფრთხის შემცველად მიიჩნევს.
აღსანიშნავია, რომ 2015 წელს სახალხო დაცვის ქურთული შენაერთები ქურთულ-არაბული სამხედრო ალიანსის - "სირიის დემოკრატიული ძალების" შექმნის საფუძველი გახდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
