კიმ კარდაშიანი სომხეთში მოინათლა - ფოტოები ეჩმიაძინიდან

კიმ კარდაშიანი შვილებთან ერთად სომხეთში, ეჩმიაძინის საკათედრო ტაძარში მოინათლა - რეალითი შოუს ვარსკვლავმა ფოტოები სოციალურ ქსელში გააზიარა.

კარდაშიანს გრძელმკლავიანი კაბა ეცვა, ტანზე მჭიდროდ მომდგარი.

„გმადლობ, სომხეთო, ჩემი და ჩემი ოჯახის მასპინძლობისთვის. დაუვიწყარი მოგზაურობა მქონდა. ბედნიერი ვარ, რომ შვილებთან ერთად მოვინათლე ეჩმიაძინში - საკათედრო ტაძარში, რომელიც სომხური სამოციქულო ეკლესიის ვატიკანად მოიხსენიება. ეკლესია ახალი წელთაღრიცხვით 303 წელს არის აშენებული,“ - წერს კარდაშიანი.

კიმთან ერთად სომხეთში მისი და, კორტნი კარდაშიანიც იმყოფებოდა.