მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საქართველოს ათასობით მოქალაქე ითხოვს თავშესაფარს და თითქმის ყველა ეს განაცხადი უსაფუძვლოა - გერმანიის პრეზიდენტი მიგრანტებზე
12:18 / 07-10-2019
ვიზალიბერალიზაციით ევროკავშირსა და საქართველოს შორის მეტი ურთიერთობისათვის ფართოდ გაიღო კარი, მაგრამ ხანგრძლივ პერსპექტივაში ეს შესაძლებელი იქნება მხოლოდ მაშინ, თუ ახალმიღებული თავისუფლება ბოროტად არ იქნება გამოყენებული, - ამის შესახებ გერმანიის პრეზიდენტმა ფრანკ-ვალტერ შტაინმაიერმა „კვირის პალიტრასთან“ ინტერვიუში ქართველ არალეგალ მიგრანტებზე ბოლო პერიოდში, გერმანიაში შექმნილ აჟიოტაჟზე დასმული კითხვის საპასუხოდ განაცხადა. შტაინმაიერი აღნიშნავს, რომ არსებობს ლეგალური გზები იმისთვის, რომ ქართველები გერმანიაში სასწავლებლად, სხვადასხვა პროფესიის დასაუფლებლად და სამუშაოდ ჩავიდნენ.
„ვიზალიბერალიზაცია არის უმნიშვნელოვანესი მოვლენა საქართველოს ევროპასთან დამოკიდებულების ისტორიაში. ამით ევროკავშირსა და საქართველოს შორის მეტი ურთიერთობისათვის ფართოდ გაიღო კარი, მაგრამ ხანგრძლივ პერსპექტივაში ეს შესაძლებელი იქნება მხოლოდ მაშინ, თუ ახალმიღებული თავისუფლება ბოროტად არ იქნება გამოყენებული. ყოველ წელს საქართველოს ათასობით მოქალაქეს შეაქვს განაცხადი გერმანიაში თავშესაფრის მოთხოვნით და თითქმის ყველა შემთხვევაში ჩვენი უწყებები და სასამართლოები იღებენ გადაწყვეტილებებს, რომ ეს განაცხადები უსაფუძვლოა. გერმანული უწყებები ამ საკითხებში მჭიდროდ თანამშრომლობენ ქართულ უწყებებთან. მკაფიოდ მინდა განვაცხადო, რომ არსებობს ასევე ლეგალური შესაძლებლობები გერმანიაში ჩამოსვლისა და ჩვენთან სწავლის, პროფესიის დაუფლებისა თუ მუშაობისათვის. ამისათვის სხვა საბუთებთან ერთად საჭიროა ენის გამოცდის ჩაბარება და გარკვეული განათლების დონის დადასტურება. იმედია, მომავალში უფრო მეტი ქართველი ჩამოვა გერმანიაში, ისწავლის და იმუშავებს და შემდეგ თავის ცოდნასა და შესაძლებლობებს ისევ საქართველოში გამოიყენებს. ამით ორივე ქვეყანა ნახავს სარგებელს“, - განაცხადა გერმანიის პრეზიდენტმა.
საქართველოში ვიზიტად მყოფმა გერმანიის პრეზიდენტმა სალომე ზურაბიშვილთან შეხვედრის შემდეგ გამართულ პრესკონფერენციაზე ხაზი გაუსვა ორ ქვეყანას შორის მეგობრულ ურთიერთობებსა და თანამშრომლობას და აღნიშნა, რომ საქართველოს ყოველთვის შეუძლია ჰქონდეს გერმანიის პოლიტიკური მხარდაჭერის იმედი.
ფრანკ-ვალტერ შტაინმაიერის განცხადებით, 22-წლიანი წყვეტის შემდეგ, გერმანიის ფედერაციული რესპუბლიკის პრეზიდენტი საქართველოში დღეს პირველად ჩამოვიდა.
„საქართველოს არ ჰყავს ხელსაყრელი სამეზობლო, არ არის მარტივი გეოგრაფიული მდებარეობა, მე ხვალ თავად მივემგზავრები ადმინისტრაციული საზღვრისკენ. ეს არის პრეზიდენტის რანგში ჩემი პირველი ვიზიტი, მაგრამ მე როგორც საგარეო საქმეთა მინისტრი, არაერთხელ ვსტუმრობდი საქართველოს. თუ სწორად ჩავხედე ისტორიას, 22 წლის წინ შედგა საქართველოში გერმანიის პრეზიდენტის ვიზიტი. დამოუკიდებლობის გზა, ეს არის ურყევი ნება ქართველი ხალხის, შექმნას დემოკრატიული, თავისუფალი სახელმწიფო. გერმანია არამხოლოდ თვალს ადევნებდა ამას, არამედ იყო აქტიური მხარდამჭერი და ერთ-ერთი მთავარი პარტნიორი საქართველოსი ამ გზაზე. ის, რაც ჩვენმა ორმა ქვეყანამ განვლო უკანასკნელი წლების განმავლობაში, ინტენსიური თანამშრომლობის მხრივ, ეს არის მართლაც სამაგალითო. ჩვენ ასევე გვაქვს ორმხრივი თანამშრომლობა თბილისსა და ბერლინში, თუ გერმანიასა და საქართველოს სხვა ქალაქებში. ასევე, ჩვენ ვისაუბრეთ იმაზე, რომ დიდი წარმატებით ჩაიარა 2017-2018 წლებში საქართველო-გერმანიის მეგობრობის წელმა. ძალიან ბევრი ავტორი წარმოჩინდა ფრანკფურტის წიგნის ბაზრობის კონტექსტში. დღესდღეობით გერმანულ გაზეთსა თუ ჟურნალში ბევრი იწერება საქართველოზე, ქართულ ლიტერატურაზე, კულტურაზე, სვანეთში მოგზაურობის შემოთავაზებაზე, კახეთში რთველში დასწრებაზე. სწორედ, ის შედეგი დგება - საქართველო გერმანელი ტურისტებისთვის არის მიმზიდველი და დარწმუნებული ვარ, გაიზრდება მომავალ წელს ტურისტების რაოდენობა საქართველოში,“ - განაცხადა ფრანკ-ვალტერ შტაინმაიერმა.
მისივე თქმით, მოხარულია ქართველი სტუდენტების გერმანიაში ვიზიტითაც.
„ საქართველო არის და რჩება ძალიან მიმზიდველ ადგილად და ქვეყნად გერმანელი და არა მხოლოდ გერმანელი ინვესტორებისთვის. ჩვენ ბუნებრივია დუალური პროფესიული განათლების გამოცდილება გაგვაჩნია და მზად ვართ გერმანული გამოცდილება გაგიზიაროთ ნებისმიერ ფორმატში. საქართველომ დამოუკიდებლობის მოპოვების, შემდგომ განახორციელა შიდა რეფორმები, ის ორიენტურებულია ევროპაზეც. მერწმუნეთ, გერმანია ყოველთვის დაუჭერს მხარს საქართველოს შემდგომი რეფორმების პროცესში,“ - განაცხადა ფრანკ-ვალტერ შტაინმაიერმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
