მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საქართველოში გრიპისა და წითელას გააქტიურებას ელოდებიან - როდის დაიწყება ვაქცინაცია
11:28 / 07-10-2019
საქართველოში გრიპის ვირუსის საწინააღმდეგო ვაქცინაცია ოქტომბრის ბოლოდან დაიწყება. დაავადებათა კონტროლის ეროვნული ცენტრი გრიპის გავრცელებას ნოემბრის შუა რიცხვებიდან პროგნოზირებს. გრიპის გარდა, მედიკოსები შემოდგომაზე წითელას გააქტიურებასაც ელოდებიან.
როგორც „პალიტრანიუსის“ გადაცემაში „დღის თემა“ დაავადებათა კონტროლის ეროვნული ცენტრის წარმომადგენელმა ისაუბრა, ამჟამად საქართველოში რინოვირუსია გავრცელებული. ირინა კალანდაძის თქმით, ვირუსს გრიპის მსგავსი სიმპტომები ახასიათებს - ცხვირიდან გამონადენი, შესაძლებელია მაღალი ტემპერატურა, თავის ტკივილი, ზოგადი სისუსტე, თუმცა უფრო მსუბუქად მიმდინარეობს, ვიდრე გრიპის ვირუსი.
რაც შეეხება ვაქცინაციას, კალანდაძის თქმით, მთელ სეზონზე რომ ვიყოთ დაცული, უმჯობესია აცრა ჩატარდეს ოქტომბრის ბოლოს ან ნოემბერში, თუმცა დაგვიანებულად არც ზამთრის თვეებში მიიჩნევა.
სახელმწიფოს ვაქცინები ოქტომბრის ბოლოს უკვე ექნება და მაღალი რისკის ჯგუფებში შემავალი მოქალაქეების უფასო იმუნიზაცია დაიწყება, მათ შორის - დიაბეტით დაავადებულების, ორსულების, შიდსისა და C ჰეპატიტის მკურნალობის პროცესში მყოფი ადამიანების, სამედიცინო პერსონალის; უფასოდ აიცრებიან, ასევე, ბაგა-ბაღებში მომუშავე ადამიანებიც. ამისთვის კი საჭიროა მათ საცხოვრებელ სახლთან ახლოს მდებარე სამედიცინო დაწესებულებას მიმართონ.
გრიპის საწინააღმდეგო ვაქცინა შემოაქვს კერძო სექტორსაც, რომლითაც სარგებლობა ფასიანი იქნება. გასულ წელს აფთიაქებსა და კლინიკებში ვაქცინის შეძენა 30-40 ლარის ფარგლებში იყო შესაძლებელი.
ირინა კალანდაძის თქმით, ბავშვები იცრებიან 6 თვის ასაკიდან, ასაკის ზედა ზღვარი კი განსაზღვრული არ არის. სპეციალისტი ხაზს უსვამს, რომ გრიპის ვირუსი საკმაოდ სერიოზულია და ვაქცინაციასთან ერთად, ექიმს დროულად უნდა მივმართოთ.
„გრიპის ვირუსს ახასიათებს უეცარი მაღალი სიცხით დაწყება, თან ერთვის ხველა, სისუსტე, ყელის ტკივილი. თუ 2-3 დღის განმავლობაში ვერ ვიგრძნობთ უკეთესობას, აუცილებლად უნდა მივმართოთ ექიმს,“ - ამბობს კალანდაძე.
ამასთან, ელოდებიან წითელას შემთხვევების მატებასაც. ბოლო ორი წლის განმავლობაში ქვეყანაში დაავადების საკმაოდ მაღალი მაჩვენებელი დაფიქსირდა. სპეციალისტის განმარტებით, თავის დაცვის ერთადერთი საშუალება ვაქცინაციაა. წითელას აცრა არ შეიძლება ორსულებისთვის, ამიტომ კალანდაძე ქალებს ურჩევს, ორსულობის დაგეგმვამდე 1 თვით ადრე ჩაიტარონ იმუნიზაცია.
სპეციალისტის ინფორმაციით, აცრა უფასოა და მოუწოდებს მოსახლეობას, ნებისმიერი ასაკის ადამიანმა ჩაიტაროს იმუნიზაცია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
