შარტავას ქუჩაზე ცივი იარაღით დაჭრილი ახალგაზრდა მამაკაცი  ავტომობილიდან ჩამოაგდეს

თბილისში მამაკაცის დაჭრის შესახებ, რომელიც მძიმე მდგომარეობაში შარტავას ქუჩაზე იპოვეს, ახალი დეტალები ხდება ცნობილი. დაჭრილი გოჩა ვეფხვაძეა. არსებული ინფორმაციით, კონფლიქტი ვეფხვაძესა და რამდენიმე პირს შორის ლისის ტბის მიმდებარე ტერიტორიაზე მოხდა.

არსებული ინფორმაციით, ის ამის შემდეგ მანქანით შარატავას ქუჩაზე მიიყვანეს და დატოვეს. ვეფხვაძის ახლობლებს უჭირთ იმის თქმა, თუ რამ გამოიწვია კონფლიქტი ან ვის შეიძლება დაეჭრა ის. მათი თქმით, მამაკაცს ჭრილობები მიყენებული აქვს როგორც ცეცხლსასროლი, ისე ცივი იარაღით.

ვეფხვაძეს ამ დროისთვის რეგიონულ ჰოსპიტალში ოპერაცია უკეთდება. ექიმების ინფორმაციით, მისი მდგომარეობა მძიმეა.

შარტავას ქუჩაზე, სავარაუდოდ, ცივი იარაღით დაჭრილი ახალგაზრდა მამაკაცი ავტომობილიდან რამდენიმე საათის წინ ჩამოაგდეს.