მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გია დანელიას უთქვამს: შენი დრო რომ მოვა და იქ მოხვდები, მარცხნივ წადი, დაგელოდებიო" - რა გაანდო გია ყანჩელმა გია ბაღაშვილს
19:56 / 02-10-2019
მსოფლიო უდიდეს მუსიკოსს ემშვიდობება - 84 წლის ასაკში ცნობილი ქართველი კომპოზიტორი გია ყანჩელი გარდაიცვალა. იგი ბოლო პერიოდის განმავლობაში ავადმყოფობდა და თბილისში, ისრაელი-საქართველოს კარდიოლოგიისა და ანგიოლოგიის ცენტრში მკურნალობდა.
ლეგენდარულ მუსიკოსთან უკანასკნელ შეხვედრას ჩვენთან საუბარში გია ბაღაშვილი იხსენებს:
- გია ყანჩელი გენიალური კომპოზიტორი იყო, ეს მის სიცოცხლეშივე ვიცოდით. ამასთან, საოცარი პიროვნება გახლდათ, მართლაც პლანეტარული მასშტაბის. ამას უმალ იგრძნობდი, პირველი შეხვედრისთანავე...
ბოლოს შარშან ზაფხულში, 8 ივნისს ვნახე... თბილისში, ჭავჭავაძის გამზირზე მანქანით მოვდიოდი და ყიფშიძის ქუჩის ჩასახვევთან დავინახე - ხელჯოხზე დაყრდნობილი, მანქანას ელოდა... გადმოვედი, გადავეხვიეთ ერთმანეთს, ვუთხარი, დაბრძანდით, მე გაგიყვანთ-მეთქი. სიხარულით დამთანხმდა - აქვე მივდივარ, შინ, ვაკეშიო. გზაში ერთმანეთი მოვიკითხეთ, დეტალურად გამომკითხა სამომავლო გეგმების შესახებ. შემაქო, ჰარვარდში ჩემი მეგობარი დაესწრო შენს ლექციას და გამახარა, მისმა მონათხრობმაო...
ანტვერპენში როდის აპირებ ლექციებით ჩამოსვლასო, მკითხა და ისიც დაამატა, უცხოეთში გიორგი ბაღაშვილი ხარ თუ გია ბაღაშვილიო? - ოფიციალური წყაროებში გიორგი ვარ, თუმცა - გიას სახელით უფრო ხშირად მიხსენიებენ, თანაც გიას იოლად იმახსოვრებენ თქვენი და ბატონი გია დანელიას წყალობით-მეთქი - მივუგე. ჰოდა ძალიანაც კარგი, კიდევ ერთი გია დაგვემატეო. ასე ხუმრობა-ხუმრობით მივედით მრგვალ ბაღამდე...
გია ვერ არის ჯანმრთელადო, ბატონ გია დანელიაზე ბრძანა. გუშინ დამირეკა და ასეთი რამ მითხრაო: შენ ჩემზე 5 წლით უმცროსი ხარ, ამიტომ მე უფრო ადრე წავალ იმქვეყნადო. გახსოვდეს, შენი დრო რომ მოვა და იქ მოხვდები, მარჯვნივ არ გაუხვიო, მარცხნივ წადი, იქ მე დაგელოდებიო... მართლაც ასე მოხდა, 2019 წლის 4 აპრილს გარდაიცვალა გია დანელია, ხოლო 2019 წლის 2 ოქტომბერს - გია ყანჩელი.
ჩამოვსვი ბატონი გია სახლთან, ერთმანეთს თბილად დავემშვიდობეთ. უცებ მოტრიალდა, კინაღამ დამავიწყდა, ჩემი კრებული მინდა გაჩუქოო. ამოიღო ჯიბიდან კალამი, წამიწერა სამახსოვროდ შიდა ყდაზე და გადმომცა "შემოდგომის ფრაგმენტები" ვოკალისა და ფორტეპიანოსთვის, გალაკტიონ ტაბიძის მიხედვით. დღეს ეს კრებული ჩემთვის რელიქვიაა, ხოლო ბატონი გია ჩემი სულიერი ცხოვრების განუყოფელი ნაწილი.
გია ყანჩელის უნიკალური ხელწერა, მუსიკის, როგორც დროში განფენილი ხელოვნების დრამატურგიის ფილიგრანული ფლობა, უმდიდრესი ჰარმონიული ენა, არნახული მასშტაბის ემოციური აფექტურობა, მუსიკალური ქსოვილის აგების თვითმყოფადი სტილი, სიმფონიური აზროვნების ნოვატორული პრინციპები, განუმეორებელია.
კიდევ არაერთი საუკუნე იამაყებს ქართველი ხალხი გია ყანჩელის შემოქმედებით, რომელიც დიდი ხანია, მხოლოდ ჩვენ არ გვეკუთვნის. ის ზოგადსაკაცობრიო მნიშვნელობის მოვლენაა და მსოფლიო კულტურის დიდი მონაპოვარი!
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
