როგორი იქნება მიკროავტობუსები, რომლის წარმოებაც საქართველოში იგეგმება - კახა კალაძე ვიდეოს ავრცელებს
საქართველოში შესაძლოა მიკროავტობუსების წარმოება დაიწყონ. ამის შესახებ ინფორმაცია დედაქალაქის მერმა კახა კალაძემ გაავრცელა.
მისივე თქმით, თბილისში მოძრავი ყვითელი მიკროავტობუსები ჩანაცვლდება, რასთან დაკავშირებითაც კომპანია "თბილისის მიკროავტობუსთან“ უკვე ჰქონდათ კომუნიკაცია.
კალაძის თქმით, კომპანია წინააღმდეგი არ არის და რამდენიმე შესაძლო ვარიანტიც განიხილება.
"არის რამდენიმე შეთავაზება. კერძოდ, პირველი - კომპანიის მხრიდან "ფორდის" ახალი მიკროავტობუსების შემოყვანა და მეორე - საქართველოში წარმოების დაწყება. მიკროავტობუსები, რომლის ანალოგის წარმოება იგეგმება ქვეყანაში, არის შშმ პირებისთვის ადაპტირებული, 17 ადგილიანი (დასაჯდომი), აღჭურვილია კონდიცირების სისტემით.
ამასთან, აღსანიშნავია, რომ საქართველოში წარმოებულ მიკროავტობუსს „ელვა“ ერქმევა და პროექტის განსახორციელებლად 30 მილიონის ინვესტიცია ჩაიდება.
ვფქირობ, საკმაოდ საინტერესო პროექტია, თუმცა, კარგი იქნება რომ წინადადებას დაველოდოთ „ფორდისგანაც“ და რომელიც საუკეთესო ვარიანტი იქნება, ისე მივიღოთ გადაწყვეტილება" - აღნიშნა კალაძემ.
როგორი ამინდი იქნება უახლოეს დღეებში საქართველოში?
თბილისის რომელ უბნებს და რა ხნით შეეზღუდება ელექტროენრეგიის მიწოდება?
