უბედური შემთხვევა თუშეთში - ველოსიპედისტთა ჯგუფის წევრი ხევში გადავარდა და დაიღუპა

თუშეთის გზაზე ხევში გადავარდნის შედეგად ერთი ადამიანი დაიღუპა. როგორც „ინტერპრესნიუსს“ შინაგან საქმეთა სამინისტროში განუცხადეს, შემთხვევა ფშაველი-აბანო-ომალოს 22 კმ-ზე მოხდა.

დაღუპული ველოსიპედისტთა ჯგუფის ერთ-ერთი წევრია.

ამ წუთებში ადგილზე გარდაცვლილის ხევიდან ამოყვანის სამუშაოები მიმდინარეობს.

მომხდარზე გამოძიება „სისხლის სამართლის კოდექსის“ 281-ე მუხლის მეორე ნაწილით დაიწყო.