მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
იყო თუ არა ყალბი 16 წლის გრეტას გამოსვლა გაეროში - "აუტისტური სპექტრის ადამიანებს არ შეუძლიათ ემოციების დამალვა!"
16:26 / 25-09-2019
უკვე რამდენიმე დღეა, 16 წლის შვედ გოგონაზე, გრეტა ტუნბერგზე მთელი მსოფლიო საუბრობს - მას ემოციური გამოსვლა ჰქონდა გაეროს კლიმატის ცვლილებების სამიტზე, სადაც მსოფლიო ლიდერები მკაცრად გააკრიტიკა.
„ახლა აქ არ უნდა ვიდგე, სკოლაში უნდა ვიყო, ოკეანის გაღმა. როგორ ბედავთ? ჩემი ოცნებები და ჩემი ბავშვობა ცარიელი სიტყვებით მომპარეთ,“ - მიმართა აუდიტორიას გრეტამ.
მისივე თქმით, მსოფლიო ლიდერების დაშვებით ნადგურდება ეკოსისტემები, პოლიტიკოსებს კი მხოლოდ „ფული ადარდებთ“ და ჰყვებიან „ზღაპრებს დაუსრულებელ ეკონომიკურ ზრდაზე“.
ტუნბერგის გამოსვლამ უამრავი ადამიანი აღაფრთოვანა, თუმცა ცხადია, ინტერნეტსივრცეში მისი ბევრი კრიტიკოსიც გამოჩნდა. გრეტას მიმართვისადმი კრიტიკულად განწყობილები ამტკიცებენ, რომ ტექსტი მისი დაწერილი არ იყო, ცრემლიანი გამოსვლა კი ძალიან ყალბი იყო და ზოგადად, შეუძლებელია, 16 წლის ადამიანს ასე ადარდებდეს კლიმატის ცვლილებები.
გრეტა 2003 წელს სტოკჰოლმში დაიბადა. დაახლოებით 8 წლის ასაკში გაიგო პირველად კლიმატის ცვლილების პრობლემის შესახებ და მას შემდეგ თემით აქტიურად დაინტერესდა. მოგვიანებით გოგონას ასპერგერის სინდრომი დაუდგინეს - ეს არის განვითარების დარღვევა, რომელიც პირველად 1944 წელს ავსტრიელმა ფსიქიატრმა H.Asperger-მა აღწერა. აღნიშნული სინდრომის მქონე ბავშვებს ნორმალური ინტელექტისა და განვითარებული მეტყველების ფონზე ახასიათებთ სოციალური ურთიერთობების დეფიციტი, კომუნიკაციის სირთულე და უცნაური, ექსცენტრიული ქცევები.
მის კრიტიკოსებს არაერთმა ფსიქოლოგმა უპასუხა სოციალური ქსელების საშუალებით. ტუნბერგის გამოსვლას გამოეხმაურნენ საქართველოშიც - აუტიზმის კვლევისა და ხელშეწყობის ცენტრის თანადამფუძნებელი თათია მელაშვილი წერს, რომ გრეტას კრიტიკოსებმა ასპერგერის სინდრომის შესახებ არაფერი იციან :
"დიდი ამბავი ატყდა ამ გოგოზე და განსაკუთრებით მის ასპერგერის სინდრომზე. სპეციალურად ვუყურე ამ აჟიოტაჟის მერე. ჰოდა ახლა კარგად მომისმინეთ:
1. „ეს ტექსტი არ არის ამის დაწერილი" მოსაზრებაზე გიპასუხებთ, რომ სრულიად დარწმუნებული ვარ, რომ ამის დაწერილია, ზუსტადაც იმიტომ, რომ ასპერგერი აქვს. აუტისტური სპექტრის ამ ფორმის ადამიანებს ზუსტად ის განარჩევს სხვა ნეიროტიპიური ადამიანებისგან (რა თქმა უნდა ეს არ არის ერთადერთი განსხვავება), რომ მათი IQ არის უზარმაზარი! რომ არ დაგესიზმრებათ ჩვეულებრივ, თუნდაც ჭკვიან ადამიანებს, იმხელა. მათი მახასიათებელი არის ის, რომ საკითხს, რომელიც მათი ინტერესის სფეროში ექცევა, არკვევენ და სწავლობენ ყველა ბოლო წერტილამდე. არ ეპარებათ არცერთი უმნიშვნელო დეტალი. ვერ ისვენებენ ვიდრე ამომწურავად არ მოიცავენ საკითხს. ამიტომ დიახ, ეს სიტყვა ამ გოგოს დაწერილი იქნება. და დიახ, ადამიანები აუტისტურის სპექტრის ასპერგერის სინდრომით ჩემზე და თქვენზე ჭკვიანები არიან! შეიძლება ვერ შეიკრან თასმა, მაგრამ გარწმუნებთ - საკითხში, რომელიც მათ აინტერესებთ, ნებისმიერ ყველაზე მაღალი კლასის სპეციალისტთან შევლენ დებატებში თანაბრად!
2. მისი ემოციური გამოსვლა - ადამიანისთვის ასპერგერის სინდრომით დიდი სტრესია ამხელა აუდიტორიის წინაშე გამოსვლა. (ნეტა რომელიმე თქვენგანი დამჯდარიყავით მაგ აუდიტორიის წინაშე და როგორ არ იღელვებდით მაგას დავაკვირდებოდი!). მითუმეტეს ამ გოგონასთვის აშკარად ძალიან მნიშვნელოვანია ეს თემა და ორივე ეს კომპონენტი ერთობლიობაში ქმნის ამ ემოციას, რომელიც იხილეთ.
3. უმრავლესობას არ მოეწონა უხეში ფორმა, როგორც ის გამოხატავს თავის აზრს. ის გაბრაზებულია. აუტისტური სპექტრის ადამიანებს და მათ შორის ასპერგერის მქონეს, არ შეუძლია ემოციების დამალვა! არ შეუძლია შელამაზება! არ შეუძლია დიპლომატიურად მოლაქუცება! ალეგიორიული საუბარი. ისინი ამბობენ იმას რასაც ფიქრობენ და ამბობენ ისე, როგორც გრძნობენ! ჩვენგან, ჩვეულებრივი ადამიანებსგან განსხვავებით ისინი დაცლილნი არიან ტყუილისგან ან შელამაზებული სიმართლისგან!
4. თავად საკითხზე, რომელზეც ისაუბრა, ვინმე შეიძლება დაეთანხმოს ან, არა. ეს მსჯელობის საგანია. ამაზე უნდა იმსჯელონ ისეთივე კვალიფიციურმა ადამიანებმა, როგორების კვლევებზე დაყრდნობითაც ექნება ამ გოგონას მომზადებული თავისი სიტყვა! დარწმუნებული ვარ ამაში.
5. მასზე მანიპულირება - ამას ვინც ამბობთ, დიდი ბოდიში, მაგრამ აზრზე არ ხართ რას ნიშნავს აუტისტური სპექტრი და ასპერგერის სინდრომი. წაიკითხეთ!“ - წერს თათია მელაშვილი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
